E'lon berishga taqiqlangan tovarlar va xizmatlar ro'yxati

E'lon berishga taqiqlangan tovarlar va xizmatlar ro'yxati OLX-dagi muhim maqolalardan biridir.

Iltimos OLX.uz sayti orqali sotish mumkin bo‘lmagan tovarlar va xizmatlar ro‘yxati bilan tanishib chiqing.

(!) Usbhu ro'yxat quyidagilarning bir qismi hisoblanadi:

1. OLX.uz xizmatlari uchun foydalanish shartnomasi.
2. 5-ilova - Taqiqlangan va shartli ravishda ruxsat etilgan pozitsiyalar.

Foydalanishda/ko'rib chiqishda qulay bo'lishi uchun ushbu ro'yxat bo'limlar va mavzular bo'yicha guruhlangan.

1. O'zbekiston Respublikasi Qonunchiligi.
2. Litsenziyalangan tovarlar va xizmatlar.
3. Uchinchi shaxslarning huquqlarini buzish.
4. O'z-o'zini himoya qilish uchun mo'ljallangan vositalar.
5. Yashirin ma'lumot olish uchun mo'ljallangan vositalar.
6. Giyohvand moddalar, tamaki, spirtli ichimliklar.
7. Tibbiyot va salomatlik.
8. Moliyaviy xizmatlar, moddiy va valyuta boyliklari, yordam so'rovlari, biznes va hamkorlik.
9. Inson huquqlari va erkinliklari.
10. Tanishuvlar (jinsiy aloqa, munosabatlar).
11. Ish taklifi.
12. Reklama.
13. Dasturiy ta'minot (Soft).
14. Hujjatlar va mukofotlar.
15. E'londa ma'lumot taqdim etish.
16. Surat/Rasmlar yuklash.
17. Flora va fauna.
18. Boshqa mavzular (talab, oziq-ovqat va h.k.).

E’lon joylashtirish qoidalari.

Kategoriyalar bo'yicha e’lon joylashtirish qoidalari.

 

1. O'zbekiston Respublikasi Qonunchiligi.

1.1. Sotilishi va ko‘rsatilishi amaldagi qonunchilik bilan taqiqlangan tovar va xizmatlar. Sotilishi taqiqlangan va/yoki fuqarolik aylanmasidan olingan tovarlar.

• muomaladan chiqarilgan, cheklangan muomaladagi baʼzi mahsulotlar, O'zbekiston Respublikasi hududida sotishga taqiqlangan boshqa tovarlar va ularni ishlab chiqarish bo'yicha xizmatlar/ishlar

1.2. Qonunda belgilangan qoida/normalarni chetlab oʻtishga qaratilgan tovarlar; faqat talabning oshishi yoki favqulodda vaziyatlar tufayli joylashtirilgan tovarlar, koronavirus epidemiyasi, shu jumladan epidemiyani oldini olishga qaratilgan cheklovlar bilan bogʻliq/qaratilgan Eʼlondagi har qanday maʼlumotlar:

• masalan: korruptsion harakatlar bilan bog'liq yoki hisoblanishi mumkin bo'lgan xizmatlar.
• masalan: karantin va inson uchun xavfli boshqa infektsiyalarning tarqalishi haqida noto'g'ri ma'lumotni tarqatish.

1.3. Oʻzbekiston Respublikasining hududiy yaxlitligi va daxlsizligini buzadigan, shuningdek, Oʻzbekiston Respublikasining amaldagi konstitutsiyaviy tuzumini zoʻravonlik bilan oʻzgartirishga chorlovchi tovarlar/xizmatlar.

1.4. Huquqtartibot va ahloq me‘yorlariga zid bo‘lgan har qanday buyumlar va xizmatlar.

1.5. Pornografik mazmundagi obyektlar yoki tasvirlar, ayniqsa, 15 yoshga toʻlmagan shaxslar ishtirokidagi zoʻravonlik va/yoki hayvonlar bilan bogʻliq pornografik kontent.

1.6. Urush, zoʻravonlik va terrorizmni targʻib qiluvchi tovarlar/xizmatlar, shuningdek diniy ekstremizm, separatizm va fundamentalizm gʻoyalari.

1.7. Qonunga muvofiq jinoiy va boshqa javobgarlikka sabab boʻladigan harakatlarni sodir etishga undaydigan tovarlar/xizmatlar.

1.8. Siyosiy partiyalar, jamoat tashkilotlari va fondlarini sotish.

1.9. Ish tashlash, qo‘zg‘olon ko‘tarishga da‘vatlar. Birorta auksionlarda, lotereyalarda, tenderlarda va boshqalarda ishtirok etishga takliflar.

1.10. Kontrabanda tovarlari va o‘g‘irlangan mol-mulk.

1.11. Garovga asoslangan qimor o‘yinlari tizimlarida yordam koʻrsatishni taklif qiluvchi xizmatlar. Totalizatorlarning xizmatlari (garov o'yinlari), qimor takliflari.

1.12. Jangovar transport vositalari.

1.13. Qidirilayotgan yoki hujjatsiz transport vositalari.

1.14. Avtomobilning yurgan masofasini aylantirish/teskari aylantirish xizmati, shuningdek, bunday harakatlarni amalga oshirishga imkon beradigan qurilmalar va dasturiy taʼminotlar, avtomobillarga texnik xizmat koʻrsatish dasturlari.

1.15. Avtotransport vositalarining raqamlari va ushbu raqamlarni ishlab chiqarish boʻyicha xizmatlar.

1.16. Davlat sirlarini yoki qonun bilan qoʻriqlanadigan boshqa sirlarni tashkil etuvchi maʼlumotlarni oshkor qiladigan tovarlar/xizmatlar.

1.17. Natsistlar ramzlari tasvirlangan buyumlar.

1.18. Hayotga, sogʻliqqa yoki atrof-muhitga tahdid solishi mumkin boʻlgan sof shaklda xavfli (toksik) kimyoviy moddalar (masalan, oltingugurt kislotasi, karbid, strixnin, simob):

• Portlovchi va zaharli moddalarni, portlatish vositalarini realizatsiya qilishga litsenziyaga ega bo'lmagan holda sotish bo`yicha e`lon berish taqiqlanadi. Batafsil ma`lumotni ushbu manzil - https://lex.uz/ru/acts/-3924353 orqali bilib olishingiz mumkin. 

1.19. Uchuvchisiz uchar qurilmalar.

• O'zbekiston Respublikasi Vazirlar Mahkamasining uchuvchisiz uchar qurilmalaridan foydalanish tartibi haqidagi qarori bilan batafsil ushbu manzil - http://www.lex.uz/acts/3024319 orqali tanishib chiqishingiz mumkin.

Pozitsiyaga ruxsat berish shartlari

Havo kemasining o‘yinchoq modelini ishlatish, shu jumladan sotishga ruxsat beriladi. Havo kemasining o‘yinchoq modeli - Fuqarolarning shaxsiy ehtiyojlarini qondirish uchun foydalanuvchi, vazni 250 grammdan og‘ir bo‘lmagan, TN VED 8802 20 000 0 kodiga to‘g‘ri kelmaydigan, parvozni avtonom boshqarish va navigatsiya funksiyalarisiz, foto va videouskunalar bilan jihozlanmagan uchar qurilma.

1.20. Lazerli nur tarqatgichlar.

• O'zbekiston Respublikasi Vazirlar Mahkamasining qarori bilan batafsil ushbu manzil - https://lex.uz/acts/-2135969 orqali tanishib chiqishingiz mumkin.

1.21. Veb-saytlar (havolalar) va FTP-serverlarning yoʻriqnomalari va manzillari, xususan quyidagilar haqida maʼlumot olish yoki maʼlumot olishga koʻmaklashadigan maʼlumotlarni oʻz ichiga olgan:

• amaldagi qonunlarda man etilgan va saqlanishi taqiqlangan xavfli moddalarni yaratish yoki saqlash,
• amaldagi qonunchilikni buzish.

1.22. Transport vositalari, dvigatellar, shassilar, kuzovlar VIN-kodlarini (identifikatsiya raqamlari) tushirish, tiklash, almashtirish va h.k.z boʻyicha xizmatlar, VIN-kodlli plitalar nusʼxalarini, VIN-kodli stikerlar sotish/ishlab chiqarish.

1.23. 18 yoshga toʻlmagan shaxslar uchun energetik ichimliklar, shuningdek:

• Energetik ichimliklar nomi, savdo belgisi yoki tasviridan foydalanilgan, 18 yoshga toʻlmagan shaxslar uchun tovarlar (futbolkalar, bosh kiyimlar, oʻyinlar va boshqalar);
• Tamaki, tamaki mahsulotlari va alkogolli ichimliklar nomidan, tovar belgisidan foydalanilgan,tovarlar (futbolkalar, bosh kiyimlar, oʻyinlar va boshqalar);

1.24. Bojxona tomonidan musodara qilingan buyumlar.

1.25. Tutun shashkalari, pirotexnika.

Mundarijaga qaytish.

2. Litsenziyalangan tovarlar va xizmatlar.

E'tibor bering, agar e'londa O'zbekiston Respublikasida LITSENZIYALASHNI talab qiladigan mahsulot yoki xizmat haqida ma'lumot bo'lsa, u holda bunday e'lonlar faqatgina teskari aloqa orqali OLDINDAN YOZMA XABARNOMA taqdim etilgandan keiyn va OLX.uz Ma'muriyat bilan kelishilgan holda joylashtirilishi mumkin. Xabarnomada ushbu xizmatlarni ko'rsatishga ruxsat beruvchi Litsenziya biriktirilgan bo'lishi kerak! 

Ushbu talablar bajarilmagan holda, e`lon qayta faollashtirilmidigan bo`lib ochirilishi mumkin.

Amalga oshirilishi uchun Litsenziyalar talab qilinadigan faoliyat turlari haqida batafsil ushbu manzil orqali bilib olishingiz mumkin: https://www.lex.uz/docs/-69124 

Teskari aloqa shakliga o'tish uchun ushbu manzildan foydalaning: https://help.olx.uz/hc/ru/articles/360013883577

Mundarijaga qaytish.

3. Uchinchi shaxslarning huquqlarini buzish.

3.1. Foydalanuvchi sotish huquqiga ega bo‘lmagan buyumlar. Ma‘muriyat manziliga SM (savdo markasi) egasidan rasmiy so‘rovnoma yuborilgan tovarlarni sotish va xizmatlarni ko‘rsatish taqiqlanadi.

3.2. Uchinchi shaxslarning shaxsiy huquqlarini buzadigan kontentni oʻz ichiga olgan materiallar.

3.3. Mualliflik huquqi / intellektual mulk huquqini buzadigan musiqa, filmlar, dasturiy taʼminot va boshqa tovarlar.

Mundarijaga qaytish.

4. O'z-o'zini himoya qilish uchun mo'ljallangan vositalar.

4.1. Tigʻli sovuq qurollar yoki tigʻining uzunligi toʻqson millimetrdan ortiq boʻlgan, tugmacha yoki richag bosilganda dastagidan avtomatik ravishda chiquvchi va qotiriluvchi; tortishish kuchi yoki tezlashtirilgan harakat evaziga chiqib avtomatik ravishda qotiriluvchi pichoqlar. Shuningdek:

• shpagalar, rapiralar va qilichlar - nima maqsadda ishlatilishidan qat'iy nazar.
• ovchilik pichoq, xanjar, stilet, qilichlarning barcha turlari.
• kunai, uloqtiruvchi pichoqlar, fin pichog'i, bayonet pichog'i, balisong, тычковый нож, kukri, kerambit, machete, shuriken;
• uloqtirish quroli (kamonlar, arbaletlar va nayzalar);
• beysbol bitalari va softbol o‘yini uchun bitalar.

Ushbu pichoqlar haqida batafsil ma'lumotni quyidagi manzil orqali bilib olishingiz mumkin: https://help.olx.uz/hc/ru/articles/360009524517  

• O'zbekiston Respublikasi Oliy Majlisining 2001 yil 12 maydagi 222-II-sonli qarori bilan tasdiqlangan litsenziyalar talab qilinadigan faoliyat turlari ro'yxatiga muvofiq, ov va sportga oid o'qotar qurollarni va o'q-dorilarni, shuningdek, sovuq qurollarni ishlab chiqarish, ta'mirlash va sotish uchun litsenziya talab qilinadi. 

Pozitsiyaga ruxsat berish shartlari

sport anjomlari sifatida ishlatiladigan uloqtirish quroli (kamonlar, arbaletlar va nayzalar), beysbol bitalari va softbol o‘yini uchun bitalar.

4.2. Faol va passiv himoya vositalari (elektroshokerlar, gaz ballonchalari, gazli pistoletlar, rezina o‘qli qurol, yorug‘lik-shovqin effektini beruvchi buyumlar, signalizatorlar, rezina tayoqlar, kishanlar), huquqni muhofaza qilish organlari tomonidan qo'llaniladigan faol mudofaa maxsus vositalariga tegishli bo'lgan ko'z yoshi va tirnash xususiyati beruvchi preparatlarni o'z ichiga olgan maxsus vositalar.

4.3. Shaxsiy zirh muhofazasi: zirhjiletlar (har xil tur va himoya sinflardagi), himoya kaskalari (har xil tur va himoya sinflardagi), qattiq himoya elementlari (alohida zirhli plitalar), oʻq oʻtkazmaydigan qalqonlar, zirhjiletlar uchun gʻiloflar va h.k.

4.4. Har qanday qurol (uning tarkibiy qismlari va aksessuarlar, qurol uchun oʻq-dorilar, qurol uchun oʻq-dorilarning tarkibiy qismlari), shu jumladan pnevmatik (toʻpponcha, revolver, miltiq va boshqalar (har qanday kalibrli va oʻq tezligidagi), snaryad (oʻq) siqilgan gazlar yoki oʻrnatilgan prujina energiyasidan foydalanib xarakatga keluvchi) va signal beruvchi qurol, harbiy transport vositalari, qurol maketlari (MMG), shuningdek ishlatilishi qonun bilan cheklangan yoki yoʻqligidan qatʼi nazar, gaz purkagichlari, shu jumladan qalampirli purkagichlar.

Pozitsiyaga ruxsat berish shartlari

qurol uchun aksessuarlar: pozitsiya qurollarning ajralmas qismi emas, ya'ni o'z vazifalarini bajarish qobiliyatiga ta'sir qilmaydi (masalan pritsel, lazer ko'rsatkichlari).

Mundarijaga qaytish.

5. Yashirin ma'lumot olish uchun mo'ljallangan vositalar.

Aloqa kanallaridan maʼlumotlarni olish uchun maxsus texnik vositalar, maxfiy ravishda maʼlumotlarni olishning boshqa vositalari; huquqni muhofaza qilish organlari faoliyati bilan bogʻliq buyumlar (radioelektron va maxsus texnik vositalar):

• masalan: yashirin holda ma'lumot olish funktsiyasini ta'minlash uchun ataylab (shuningdek, e'lon tavsifida / fotosuratlarda ushbu fakt aniq ko'rsatilgan) xususiyatlari berilgan tovarlar (ruchka-kameralar, brelok-kameralar, tugma-kameralar va h.k.).

Pozitsiyaga ruxsat berish shartlari

Xususiyatlari tufayli "yashirin ma'lumot oluvchi vosita" sifatida tan olinmaydigan tovarlar, shuningdek OLXuz servisining ma'muriyati tomonidan "yashirin ma'lumot olish uchun vosita" deb tan olinmagan tovarlar: ekshn kameralari, uy-ro'zg'or asboblari (fotoapparatlar, diktofonlar, GPS bilan jihozlangan soatlar, foto va audio yozish funksiyalariga ega aqlli smart soatlar va h.k.).

5.2. Antiproslushkalar, antijuchoklar,GSM signallarni pasaytiruvchi/to'sqinlik qiluvchi hamda shunga o‘xshash texnik moslamalar.

5.3. Universal kalitlar (kirish eshigi uchun, turli qulflar uchun).

5.4. Telekommunikatsiya tarmoqlaridan, elektr yenergiyasi, gaz, suv taʼminoti uchun oʻlchash moslamalari ishiga ruxsatsiz aralashish yoki ruxsatsiz foydalanish uchun asboblar va moslamalar (shu jumladan, hisoblagichlarning ishlashini toʻxtatadigan yoki buzadigan qurilmalar).

5.5. Xususiy detektivlik, tezkor-qidiruv faoliyati, shu jumladan xususiy detektivlar, detektiv agentliklar, xususiy tergov xizmatlari.

Mundarijaga qaytish.

6. Giyohvand moddalar, tamaki, spirtli ichimliklar.

6.1. Psixotrop moddalar, giyohvandlik vositalari va prekursorlar, xususan, giyohvand moddalar, shuningdek ularnining oʻrnini bosuvchilar sifatida ishlatishga moʻljallangan boshqa moddalar, bunday moddalarni saqlash va sotish qonun bilan taqiqlanganligidan qatʼiy nazar, oʻsimliklar (shu jumladan ularning urugʻlari, lekin cheklanishsiz nasha urugʻlari (Cannabis)) va ularni tayyorlash uchun ishlatiladigan ingrediyentlar, gallyutsinogen oʻsimliklar, qoʻziqorinlar va ulardan olinadigan mahsulotlar.

6.2. Alkogolli ichimliklar, alkogolli ichimliklarning boʻsh qutilari (qadogʻi), alkogolli ichimliklar ishlab chiqarish uchun apparatlar (shu jumladan, samogon apparatlar), spirtlar, tamaki mahsulotlari va qayta ishlanmagan tamaki.

6.3. Elektron sigaretalar, suyuqliklar, zaxira idishlar va ularning qismlari; tamakini qizdirish tizimlari, chilimlar.

Pozitsiyaga ruxsat berish shartlari

tovarlar: Zajigalka, kuldon, chekish trubkalari haqida e'lon joylashtirish mumkin.

Mundarijaga qaytish.

7. Tibbiyot va salomatlik.

7.1. Dori-darmonlar, inyektsion preparatlar, tibbiy buyumlar (shu jumladan, lekin ular bilan cheklanmagann, tibbiy testlar, ekspress-testlar, test tizimlari, ekspress-tahlillar, steroidlar, anabolikalar, patogenlar).

Pozitsiyaga ruxsat berish shartlari

Agar siz dorivor shaklda bo'lmagan biologik faol qo'shimchalar yoki vitaminlar bo'yicha e'lon berayotgan bo'lsangiz, e'lon matnida mahsulotning to'liq nomini, tavsifini, uning xususiyatlarini ko'rsating va ushbu mahsulot biologik faol qo'shimcha ekanligini yozib qo'ying

7.2. Odamlar yoki hayvonlarning organlari, toʻqimalari, qoni va sekretsiyalari, surrogat onalik xizmatlari, ona suti.

7.3. Tibbiy niqoblar, Respiratorlar va noma'lum Antiseptiklar.

7.4. Litsenziyalashni talab qiluvchi tibbiy xizmatlarni ko'rsatish (shu jumladan xalq tabobati (shu jumladan invaziv: hirudoterapiya, xijoma (qon oldirish)).

Mundarijaga qaytish.

8. Moliyaviy xizmatlar, moddiy va valyuta boyliklari, yordam so'rovlari, biznes va hamkorlik.

8.1. Virtual pullar (qiwi, webmoney, yandex pullar, kriptovalyuta va boshqalar kabi), virtual valyutalarni topish yoki ishlab chiqarishga moʻljallangan vositalar, dasturlar.

Pozitsiyaga ruxsat berish shartlari

mazkur xizmatlar/servislar bilan ishlash bo`yicha maslahat berish xizmati.

8.2. Chet el valyutasi va/yoki boshqa valyutali boyliklar.

Pozitsiyaga ruxsat berish shartlari

numizmatik (kollektsion) maqsadlarda sotilayotgani haqida ma'lumot ko'rsatilgan bo'lsa.

8.3. Soxta mahsulotlar, yaʼni xaridorlarni, tovarlar yoki xizmatlarning kelib chiqishi, miqdori, sifati, tarkibiy qismlari, ishlab chiqarish usuli, yaroqliligi, qoʻllanilishi, taʼmirlanishi, xizmat koʻrsatilishi yoki boshqa muhim xususiyatlari toʻgʻrisida chalgʻitishi mumkin boʻlgan tarzda markirovkalangan tovarlar yoki xizmatlar.

8.4. Kompaniyalar aksiyalari, kapitaldagi ulushlar va uchinchi shaxslarga tegishli boʻlgan boshqa qimmatli qogʻozlar.

8.5. Shubhali moliyaviy xizmatlar haqida ma'lumot, shubhali ish uslublari.

8.6. Firibgarlik, tovlamachilik, har qanday shaklda moddiy yordam va ko‘mak so‘rash yoki taklif qilish, shu jumladan “homiylik qilaman, “homiy izlayapman”, “moddiy yordam ko‘rsataman”, “moddiy yordam izlayapman”, “tijorat” va h.k. shu kabi e'lonlar.

Pozitsiyaga ruxsat berish shartlari

qonuniy biznes sohasida sherikchilikni taklif qilish (biznes va sherikchilik shartlar haqida batafsil ma'lumot ko'rsatilgan holda).

8.7. Mahsulot tarkibida boʻlmagan qimmatbaho metallar (sotish, sotib olish), qimmatbaho toshlar (ishlov berilmagan, qayta ishlangan, shu jumladan kaboshonlar) va yarim qimmatbaho toshlar (ishlov berilmagan, qayta ishlangan, shu jumladan kaboshonlar).

Batafsil:

• qimmatbaho metallar (oltin, kumush, platina va platina guruhiga oid (palladiy, iridiy, rodiy, ruteniy, osmiy) metallar );
• qimmatbaho toshlar (tabiiy olmoslar, brilliantlar, la’llar(qizil yoqut), zumradlar, sapfirlar va aleksandritlar);
• yarim qimmatbaho toshlar (sirkoniy, fianit, oniks (aqiqning taram-taram turi), korall (marjon), akvamarin, yashma, sun’iy yoqut, opal, qahrabo, yoqut, turmalin, ametist, xrizoberill, berillar guruhi, malaxit, topaz, nefrit, tanzanit, agat, feruza, gematit, kon billuri, kvars, lojuvard, xrizopraz).

Pozitsiyaga ruxsat berish shartlari

yuqorida ko`rsatib o`tilgan metallardan, qimmatbaho va yarim qimmatbaho toshlardan yasalgan mahsulotlar.

8.8. Forex turidagi bozor / birjalar va shunga o'xshash xizmatlar (shu jumladan qurilmalar, maslahat berish xizmati, oʻqitish/o`rgatish, hamkorlik/sherikchilik va h.k.).

Pozitsiyaga ruxsat berish shartlari

mayning / kriptovalyuta ishlari bo`yicha maslahat berish xizmatlari; ushbu mavzuga oid o`rgatuvchi kitoblar va videoroliklar; o`z maqomini tasdiqlagan birja ishtirokchilari (birjalar, brokerlar, dilerlar).

8.9. Moliyaviy piramidalar deb ataluvchi yaʼni, yangi ishtirokchilarni jalb qilish yoʻli bilan yaratilgan, asosiy (yoki yagona) foyda manbai ular tomonidan toʻlanadigan kirish toʻlovi hisoblangan moliyaviy tuzilmalarda ishtirok etish bilan bogʻliq xizmatlar va buyumlar.

• masalan: franchayzing, tarmoqli marketing takliflari haqida ma'lumot (Avon, Oriflame, Amway, Faberlic va h.k. shu kabilar).

8.10. Pullarni naqd shaklga oʻtkazish boʻyicha har qanday koʻrinishdagi takliflar.

8.11. Qimmatli qogʻozlar bozoriga sarmoya kiritish tizimlari va noqonuniy lotereyalar va garovlar tizimlari, shuningdek, bunday oʻyinlarga kirish va bunday garovlarni tuzishda yordam berish bilan bogʻliq xizmatlar, ISBN raqamiga ega boʻlgan kitoblarning rasmiy nashrlari bundan mustasno.

8.12. Vaucherlar, kelajakda tovar sotib olayotganda chegirma yoki boshqa imtiyozga huquq beradigan vaʼda koʻrinishidagi chegirmalar.

8.13. Ommaviy tadbirlar (sport, madaniy, koʻngilochar va boshqalar) uchun shaxsiy chiptalar.

Mundarijaga qaytish.

9. Inson huquqlari va erkinliklari.

9.1. Boshqalarning shaʼni va qadr-qimmati yoki ishchanlik obro'sini kamsitadian, ularning shaxsiy hayotiga aralashishga yoʻl beradigan tovarlar/xizmatlar.

9.2. Shaxsiy ma'lumotlar yoki elektron pochta manzillari ro'yxati.

9.3. Xususan, milliy, etnik, irqiy, diniy yoki diniy boʻlmagan farqlarga asoslangan nafratni qoʻzgʻatadigan materiallarni oʻz ichiga olgan buyumlar yoki fotosuratlar.

9.4. Haqoratlovchi so‘zlar, shu jumladan irqiy va diniy talqindagi.

9.5. Har qanday firibgarlik va/yoki tovlamachilik usullarining bayoni va/yoki ularga sharxlar.

9.6. Shaxsiy ma'lumotlarga zarar yetkazadigan xizmatlarni taqdim etish.

Mundarijaga qaytish.

10. Tanishuvlar (jinsiy aloqa, munosabatlar).

10.1. Jinsiy aloqa xizmatlari, fohishabozlik, intim xarakterdagi har qanday xizmatlar, massaj turlari: erotik, bodi, lingam, tantrik va boshqalar; svinger-klublar xizmatlari; eskort-xizmatlari, striptiz va striptiz-shoulari, erotik raqslar va hk.

10.2. Erotik gadjetlar (masalan: vibratorlar, qoʻgʻirchoqlar va boshqalar), shuningdek, intim (jinsiy) maqsadlar uchun foydalaniladigan mahsulotlar.

10.3. Uchrashuv, doʻstlik, yengil-yelpi munosabatlar, shuningdek tanishish saytlarining maʼmuriy panellari takliflari.

10.4. Ishlatilgan ichki kiyimlar.

Pozitsiyaga ruxsat berish shartlari

ishlatilgan mahsulotlar: kupalnik / suzish uchun shortilar / plavkalar, sutyen, ovqatlantirish uchun sutyen (alohida), penyuar, bolalar bodisi / kattalar bodisi, bandajlar/ korsetlar.

10.5. Har qanday turdagi massaj xizmatlari.

Mundarijaga qaytish.

11. Ish taklifi.

11.1. O`smirlar uchun ish qidirish va ish taklif qilish (15 yoshdan kichik). Balog'at yoshiga yetmagan shaxs tominidan xizmat taklifi.

Pozitsiyaga ruxsat berish shartlari

15 yoshdagi o'smirlar uchun ish: Foydalanuvchi ota-ona/vasiydan ish uchun ruxsatnomasi mavjudligi to'g'risida e'lonning tavsifida bevosita ko'rsatishi kerak. Shu bilan birga, ish o'smirlarning sog'lig'i va axloqiy rivojlanishiga zarar yetkazmasligi, shuningdek, ta'lim jarayonini buzimasligi va bo'sh vaqtlarida bo'lishi kerak.

11.2. Kerakli hujjatlarga ega bo`lmagan Jismoniy shaxslar tomonidan xorijda ish bilan ta`minlash yoki xorijiy ish o`rinlari bo`yicha, hamda chet el ish vizalarini qilib berishda yordamlashish xizmatlari bo`yicha e`lon berish taqiqlanadi.

• Ushbu xizmatlar bo`yicha e`lon berishda talablarni bu yerda bilib olish mumkin: https://help.olx.uz/hc/ru/articles/360009512817

11.3. Ish takliflari:

• hamkorlik tizimlarida ishtirok etish (masalan, havolalarga o'tish bo'yicha ishlar);
  oldindan majburiy to'lov bilan;
• Internet tarmog'ida (ish beruvchining jismoniy manzili va bevosita kontaktlarini ko'rsatmasdan);
• xorijdagi tungi klublarda; web-modellar sifatida; nikoh agentliklariga tarjimonlar; raqqosalar va shou-dasturlarda ishtirok etish va shunga o'xshashlar;
• MLM sohasida (ko'p darajali marketing yoki tarmoqli marketingi);
• Jismoniy shaxslardan kastinglarda ishtirok etish;
• Jismoniy shaxslardan massajistkalikga taklif.

Mundarijaga qaytish.

12. Reklama.

12.1. Yagona maqsadi:

• tovarlarni sotish boʻyicha takliflarsiz offlayn-doʻkonlarni reklam qilish bo'lgan ma'lumot;
• onlayn-doʻkonlarni reklama qilish bo'lgan ma'lumot;
• marketpleyslar, servislar, e'lonlar taxtasini reklama qilish bo'lgan ma'lumot (to'g'ridan-to'g'ri / bilvosita)
• boshqa onlayn-resurslarni yoki onlayn-do'konlarni targ'ib qilish bo'lgan ma'lumot (aniq mahsulot/xizmat va uning ta'rifi ko'rsatilmagan; do‘konda sotiladigan barcha tovarlar sanab o‘tilgan, masalan: “Biz – maishiy texnika internet-do‘koni, sovutgichlar, dazmol, televizor va h.k.larni sotamiz”).

12.2. Referal tizimlarda ishtirok e'tish uchun ko'rsatilgan ma'lumot(kodlar, havolalar va h.k. shunga o'xshash). 

12.3. E‘lonlarni har qanday resurslarda qo‘lda va dasturiy usulda joylashtirish,tarqatish xizmatlari bo'yicha takliflar, shuningdek shunga oʻxshash lavozimlarga boʻsh ish oʻrinlari.

12.4. "Dastlabki buyurtma" asosida taklif etiladigan dasturiy taʼminot va elektron uskunalar.

Mundarijaga qaytish.

13. Dasturiy ta'minot (Soft).

13.1. Qonun yoki axloqni buzadigan harakatlarni amalga oshirish uchun moʻljallangan dasturiy taʼminot, shu jumladan:

• kompyuter viruslari yoki boshqa zararli komponentlarni oʻz ichiga olgan dasturiy taʼminot;
• kompyuter foydalanuvchisi haqidagi maʼlumotni uning roziligsiz yuklab olishga imkon beruvchi dasturiy taʼminot va qurilmalar;
• Statsionar kompyuter va noutbuklardan, qattiq disklardan va boshqa axborot tashish vositalaridan hamda avtomobil radiopriyemniklaridan bloklarni va parollarni olib tashlash uchun dasturiy taʼminot va qurilmalar, shuningdek, mazkur bloklashlarni olib tashlash yoki oʻrnatish bilan bogʻliq maʼlumotlar, koʻrsatmalar va xizmatlar;
• Veb-saytlardan elektron pochta manzillarini yaratish yoki bunga rozilik bermagan veb-saytlar, messendjerlar va boshqalar foydalanuvchilariga ommaviy xabarlarni yuborish imkonini beruvchi dasturiy taʼminot, shuningdek ushbu harakatlar uchun ishlatilishi mumkin boʻlgan maʼlumotlar bazalari;
• NFR litsenziyalangan dasturiy taʼminot (Not For Resale – qayta sotish uchun emas), sinov versiyasidagi, bepul, shartli bepul, qoʻllab-quvvatlanmaydigan dasturiy taʼminot;
• Qonun yoki axloqiy tamoyillarni buzadigan xatti-harakatlarni amalga oshirishga moslashtirilgan Dasturiy taʼminot va Buyumlar, xususan, jismoniy yoki elektron xavfsizlikni yengib oʻtish/chetlab oʻtish uchun dasturiy taʼminot va buyumlar.

Pozitsiyaga ruxsat berish shartlari

qonun va axloqni buzmaydigan dasturiy ta'minotni o'rnatish va ularga xizmat ko'rsatish; ishlab chiqaruvchidan (OEM) litsenziyalangan dastur: sotuvchi dasturiy taʼminot OEM litsenziyasini buzmasligini ko'rsatib o'tishi shart.

13.2. Filmlar, musiqa, o‘yinlarning noqonuniy nusxalari yozilgan optik tashuvchilar.

13.3. Spamerlik bazalari, noqonuniy tarqatilishiga olib kelishi mumkin bo‘lgan tovarlar va xizmatlar. Parsing: dasturiy ta'minot va xizmatlarni taklif qilish.

13.4.  Bepul veb-saytlardagi hisob qaydnomalari, shu jumladan:

• tezkor xabar almashish uchun hisob qaydnomalar, masalan (shu jumladan, lekin cheklanmagan holda Telegram, ICQ,Skype, Jabber);
• bepul elektron pochta hisob qaydnomalari (elektron pochta manzillari);
• o'yin servislari hisob qaydnomalari, shuningdek skinlar, mavzular va shu kabi elementlar.
• bepul onlayn xizmatlarda yaratilgan hisob qaydnomalar va bunday xizmatlardan foydalanish yoki bunday xizmatlarda hisob qaydnomalar yaratishga takliflar;
• hamkorlik va sodiqlik dasturlarida, shuningdek, bunday dasturlar bilan bogʻliq servislardagi hisob qaydnomalar.

Pozitsiyaga ruxsat berish shartlari

ijtimoiy tarmoqlar hisob qaydnomalarini sotish va h.k.: pozitsiyaga faqat biznes bilan birgalikda sotishda ruxsat beriladi

13.5. Shaxsiy maʼlumotlar yoki elektron pochta manzillari roʻyxatlari.

Mundarijaga qaytish.

14. Hujjatlar va mukofotlar.

14.1. Oʻzbekiston Respublikasining davlat mukofotlari.

14.2. Amaldagi (shu jumladan muddati oʻtgan) yoki oʻz kuchini yoʻqotmagan shaxsni tasdiqlovchi davlat guvohnomalari va dunyoning turli mamlakatlarining hujjatlari (pasportlar, id-kartalar, xaydovchilik guvohnomalari, talabalar biletlari, reyting kitobchalari, diplomlar, yoʻl chiptalari, ruxsatnomalar, sertifikatlar, litsenziyalar, transport vositalarisiz ular uchun taqdim etilgan roʻyxatdan oʻtish guvohnomalari va transport vositalarining maʼlumot varaqalari va h.k.), shuningdek ushbu hujjatlarning nusxalari va blanklari.

14.3. Rasmiy blanklar, qatʼiy hisobot shakllari, bepul foydalanishda boʻlgan hujjatlar blanklari bundan mustasno.

14.4. Dissertatsiyalar, diplomlar, bakalavr va magistrlik ishlari, universitet va bitiruv malakaviy ishlari, referatlar va shu kabi ishlarni yaratish bilan bogʻliq boshqa shunga oʻxshash ishlar va xizmatlar, shpargalkalar.

Mundarijaga qaytish.

15. E'londa ma'lumot taqdim etish.

15.1. E'londa taqdim etilgan ma'lumotlar - OLXuz servisining e'lon joylashtirish qoidalariga muvofiq bo'lishi kerak.

15.2. E'londa ko'rsatilgan ma'lumotlar Bitta tovar (Bitta pozitsiya) qoidasiga muvofiq bo'lishi kerak.

• Ushbu qoida haqida batafsil ma'lumot: https://help.olx.uz/hc/ru/articles/360009564678.

15.3. Profilni verifikatsiya qilishda yoki aloqa uchun xorijiy raqamdan foydalanish:

• SMS-verifikatsiya va e'lon joylashtirish uchun Foydalanuvchi aloqa ma'lumotlari sifatida faqat O'zbekiston Respublikasi aloqa operatorining raqamidan foydalanish huquqiga ega.

15.4. O'zbekiston Respublikasidan tashqarida joylashgan ko'chmas mulk.

15.5. Davlat (o'zbek) va rus tilidan tashqari har qanday xorijiy tilda yozilgan ma'lumotlar (ba'zi hollarda ingliz tiliga ruxsat beriladi).

15.6. Ma'lumot mazmunini buzib ko‘rsatadigan va chalg‘itadigan imlo xatolar.

15.7. Diniy adabiyot, diniy mazmundagi boshqa axborot materiallari.

• Diniy adabiyot kitoblari (shu jumladan audio va matn ko`rinishda), har qanday tilda: Qur'on, Injil (Библия) va din mavzusiga oid boshqa kitoblar.

15.8. Okkultizm mavzusiga oid pozitsiyalar (sevgi afsunlari, fitna, folbinlik, iblisizm, jodugarlik/sehrgarlik, ekstrasens xizmatlari, sehr-jodu xizmatlari, munajjimlar bashorati va h.k.), shuningdek ushbu mavzuga oid qo`lyozmalar.

Mundarijaga qaytish.

16. Surat/Rasmlar yuklash.

16.1. E'longa quyidagi fotosuratlarni yuklash taqiqlanadi:

• ichki kiyim jonli modellarda kiyib ko`rsatilgan fotosur’atlar;
• uy tozalash xizmatlari bo'yicha e'lonlarda shaxsiy fotosuratlar;
• axloq va ma’naviyatning asoslariga mos kelmaydigan fotosuratlar (erotik, pornografik va boshqalar).
• pornografik materiallarni oʻz ichiga olgan raqamli shakldagi fotosuratlar

Pozitsiyaga ruxsat berish shartlari

Ichki kiyimlar faqatgina manekenlarga kiyib ko`rsatilgan fotosur’atlar, yoki tovarning o`zi rasmga olingan fotosur’atlar qabul qilinadi.

• E'londa yuklangan fotosuratlarda ko'rsatilishi mumkin bo'lgan ma'lumotlar haqida batafsil ushbu maqola orqali bilib olishingiz mumkin: https://help.olx.uz/hc/ru/articles/360009564558 

Mundarijaga qaytish.

17. Flora va fauna.

17.1. Oʻzbekiston Respublikasining Qizil kitobiga va Xalqaro Qizil kitobga kiritilgan, shuningdek yovvoyi tabiatda tutilgan hayvonlar, oʻsimliklar va hasharotlar (shu jumladan tulumlar va hayvonlarning qismlari):

• morj so‘yloq tishlari, fil va mamont tishlari. Noyob va yo`qolish xavfi ostida bo`lgan hayvonlarning terisi, shoxlari, qo`l-oyoqlari va ularning tulumlari;

Pozitsiyaga ruxsat berish shartlari

tishlar, teri, shoxlar, qo`l-oyoqlar, tulumlardan yasalgan buyumlar.

• boshqa turdagi hayvonlar (sherlar, yo`lbarslar, ayiqlar, jirafalar, maymunlar va fil kabi hayvonlar).

Pozitsiyaga ruxsat berish shartlari

Foydalanuvchi e'lon tavsifida shartli ravishda quyidagi ma`lumotlarni ko`rsatishi kerak: Hayvonning toʻgʻri va toʻliq nomlanishi (rus, oʻzbek yoki lotin tillarida). Pitomnik nomi yoki pitomnikning rasmiy veb-saytiga havola, shuningdek, O'zbekiston Respublikasi Ekologiya va atrof-muhit bo'yicha davlat qo'mitasida pitomnikni ro'yxatdan o'tkazish to'g'risidagi guvohnoma mavjudligi to'g'risida ma'lumot.

• Batafsil maʼlumot bilan ushbu maqola orqali tanishib chiqishingiz mumkin:  https://help.olx.uz/hc/ru/articles/360009577478

17.2. Qonunchilikda foydalanilishi taqiqlangan baliq ovlash(va boshqa) vositalari,uskunalar va ularni ishlab chiqarish boʻyicha xizmatlar/ishlar.

• Masalan: brakonerlik asboblari va jihozlari: qo`l bilan otiladigan to`rlar, breden, nevod, venter, to`r teshikchalari 45 millimeterdan kichik bo`lgan har qanday "to`rli" baliq ovlash vositalari, 4 tadan ortiq ilmoqqa ega bo`lgan barcha baliq qarmoqlari, ovga mo`ljallangan o`tkir uchli qurollar - Garpunlar, Ostroglar, Dergunlar va shu kabi jihozlar. Shuningdek ularni tayyorlash bo‘yicha xizmatlar.

17.3. "Znaxar" qo'ng'izi, Chaga qayin qo'ziqorini va shunga o'xshash shubhali mahsulotlar.

17.4. Boshqa Pozitsiyalarga almashtirish uchun moʻljallangan, ammo boshqa tirik hayvonlarga almashtirish uchun moʻljallanmagan, oʻlja uchun hayvonlar, nazorat-sinov stansiyalari uchun hayvonlar.

Mundarijaga qaytish.

18. Boshqa mavzular (talab, oziq-ovqat va h.k.).

18.1. Talab(Спрос) formatidagi e’lonlar (masalan: sotib olaman, ijaraga olaman va shunga o'xshash).

• Batafsil ma'lumotni E'lon joylashtirish qoidalari maqolasining 12-bandida topishingiz mumkin.

18.2. Muddati o'tgan oziq-ovqat mahsulotlari.

• Oziq-ovqat bo'yicha e'lon berish qoidalari haqida batafsil ushbu maqolada bilib olishingiz mumkin: https://help.olx.uz/hc/ru/articles/360009512877

18.3. Ko'chmas mulkni soatlik ijaraga berish..

18.4. OLX.UZ servisining E'lon berishga taqiqlangan tovarlar va xizmatlar ro'yxatidagi tovarlarni(dorilarni) yetkazib berish, buyurtma berish, buyurtma asosida olib kelish.

18.5. Tovarlarni OLX.UZ servisining E'lon berishga taqiqlangan tovarlar va xizmatlar ro'yxatidagi mahsulotlarga almashtirish/bepul berib yuborish bo'yicha takliflar.

18.6. Sotilgan/nofaol tovarlar va xizmatlar: 

• Agar sizning mahsulotingiz sotilgan bo`lsa yoki xizmatingiz nofaol (amalda bo`lmagan) bo`lsa, e`loningizni «O`chirish» tugmasi orqali o`chirishingizni so`rab qolamiz. Olx.uz servisida foydalanuvchilar faqatgina faol (sotilishi amalda bo`lgan) mahsulot yoki xizmatlarga e`lon joylashtirishlari mumkin.

18.7. Hech qanday ma'noga ega bo'lmagan ma'lumotlarni e'londa ko'rsatish.

18.8. Texnik himoya vositalari bilan mualliflik huquqi va (yoki) turdosh huquqlar egasi tomonidan kirish huquqi cheklangan har qanday shaklda va har qanday tarzda efirga uzatuvchi tashkilotning dasturiga (dasturlariga) kirishni taʼminlovchi kardsheyring va boshqa tovar/xizmatlar.

18.9. SIM-kartalarni roʻyxatdan oʻtkazish, SIM-kartalarni roʻyxatdan oʻtkazish boʻyicha xizmatlar, SIM-kartalarni toʻldirish.

18.10. Obyektiv ravishda fuqarolarning tovar aylanmasi obyekti boʻlishi mumkin boʻlmagan, mavjud boʻlmagan tovarlar/xizmatlar (masalan: afsonaviy hayvonlar, afsonalar qahramonlari, inson qalbi, karma).

18.11. Texnik reglamentga mos kelmaydigan mahsulotlar.

18.12. Ustida nazorat (identifikatsiya) belgilari yoki moddiy tashuvchilar bilan belgilanishi kerak bo'lgan, lekin ushbu belgilari yo'q bo'lgan tovarlar;

18.13. Qurolli Kuchlar, boshqa qoʻshinlar va harbiy tuzilmalar harbiy xizmatchilari, huquqni muhofaza qilish organlari, maxsus davlat organlari xodimlarining harbiy yoki maxsus forma buyumlari, kiyim-kechaklari, nishon belgilariga tegishli tovarlar, shuningdek davlat daromadlari organlarining kiyimlari.

Mundarijaga qaytish.

 

Quyida ko'rsatilgan manzil orqali OLX.uz servisida e`lon joylashtirish qoidalari bilan tanishib chiqishingiz mumkin:

https://help.olx.uz/hc/ru/articles/360009564538 

Quyida ko'rsatilgan manzil orqali OLX.uz servisining kategoriyalarida e`lon joylashtirish qoidalari bilan tanishib chiqishingiz mumkin:

https://help.olx.uz/hc/ru/sections/360002646757 

 

OLX.uz ma'muriyati ushbu qoidalarni istalgan vaqtda oldindan ogohlantirmasdan o'zgartirish va/yoki yangilash huquqini o'zida saqlab qoladi.