(!) E'tibor bering! Barcha e'lonlar, ularga nisbatan pullik xizmatlar (Premium, VIP va hokazo) qo‘llanilishi yoki qo‘llanilmasligidan qat'iy nazar, qoidalarga muvofiq bo‘lishi shart. Qoidabuzarlik aniqlangan taqdirda, puli to‘langan e'lonlar ham blokka tushirilishi mumkin.
E'lon berishdan oldin e'lon berish qoidalari bilan albatta tanishib chiqing:
- E'lon joylashtirish qoidalari.
- Foydalanish qoidalari.
- E'lon berishga taqiqlangan tovarlar va xizmatlar ro'yxati.
OLX.uz servisi joylashtirilgan har bir e'lonni istalgan vaqt tekshirishga haqli.
Bo‘sh ish o‘rni bo'yicha berilgan e'lon OLX.uz servisining qoidalariga nomuvofiq bo‘lgan taqdirda, e'lon tuzatish uchun Foydalanuvchiga qaytarilishi yoki olib tashlanishi mumkin.
(!) OLX.uz ma'muriyati bo'sh ish o'rni/rezume bo'yicha e'lon joylashtirishga rad javobini berishga haqli, shu jumladan foydalanuvchilar tomonidan e'lon ustidan arz tushganda yoki Foydalanuvchi e'lon berish qoidalarini muntazam ravishda buzganligi uchun.
(!) OLX.uz servisida jismoniy shaxslar tomonidan xorijda ish bilan ta`minlash yoki xorijiy ish o`rinlari bo`yicha e`lon berish taqiqlanadi
Yuridik shaxslar esa, agarda kerakli hujjatlarga ega bo`lsa, ushbu hujjatlarni teskari aloqa orqali taqdim etilishi lozim.
Bo‘sh ish o‘rni taklifi bo'yicha e'lonlar
Bo‘sh ish o‘rni - ish beruvchi tomonidan ma'lum lavozimda doimiy ish o‘rni bilan ta'minlash taklifi.
Talablar:
- E'londa ish haqi to‘g‘ri ko‘rsatilishiga e'tibor bering
- E'lonlarni takroran berish taqiqlanadi! Takroran e'lon berish e'lonlaringiz ham, akkauntingiz ham blokka tushirilishiga olib kelishi mumkin.
- Bo‘ ish o‘rni qaysi shahar va mintaqada ochilgan bo‘lsa, e'lon ham o‘sha yerda berilishi lozim.
- Har xil shaharlar bo'yicha bir xil ish o‘rniga biriktirilgan bo‘sh ish o‘rni to‘g‘risida e'lon berilishiga yo'l qo'yiladi. Bunda e'lon matnida bu haqida tushuntirish berish majburiydir.
- Har bir bo‘sh ish o‘rni bo‘yicha alohida e'lon bering. Faqat birlashtirilgan bo‘sh ish o‘rinlari uchun istisno qilinishi mumkin (masalan: sotuvchi-kassir, farrosh-idish tovoq yuvuvchi va h.).
- E'londa O‘zbekiston Respublikasining MK 6-moddasiga muvofiq kamsitish sifatida qabul qilinishi mumkin bo‘lgan so‘zlar, iboralar va tushunchalardan foydalanish man etiladi.
- E'lonning sarlavhasi bo‘sh ish o‘rnining nomidan iborat bo‘lishi lozim (masalan: Magazinga sotuvchi, Kafega ma'mur, Savdo menejeri).
- Bo‘sh ish o‘rniga mos ruknni tanlang.
- Bo‘sh ish o‘rniga tavsif tushunarli, lo‘nda va xatolarsiz berilishi lozim.Tavsif uchta blokldan iborat bo‘lishi tavsiya etiladi: ishga talabgorga qo‘yiladigan talablar, lavozim vazifalari,ishdagi shart-sharoit.
Quyidagilar taqiqlanadi:
- Yolg‘on yoki dolzarbligini yo‘qotgan takliflar. E'londagi ma'lumotlar imkon qadar haqqoniy bo‘lishi lozim.
- Erotika xizmatlari, diniy sektalar sohasida ish taklif etish.
- Siyosiy faoliyat xususiyatiga ega ishni taklif etish (mitinglardagi massovka va h.k.).
- O‘zbekiston Respublikasi qonunchiligida man etilgan yoki mos kelmaydigan ishni taklif etish.
Shubhali daromad yo‘llari bo'yicha bo‘sh ish o‘rinlari to‘g‘risidagi e'lonlar:
- Ishga joylashtirish uchun pulli badal to‘lanishi yoki mahsulot sotib olinishi nazarda tutiladigan takliflar.
- Ish beruvchiga yoki uchinchi shaxslarga pul mablag‘lari berilishi ko‘zda tutilgantakliflar (moliyaviy / investitsion piramidalar).
- Tarmoqli marketing mahsulotini tarqatish sohasi bo'yicha ish taklif etish man etiladi.
- Pulli reklamani ko‘rish uchun turli Internet-resurslarda ro‘yxatdan o‘tishni taklif etish - referal tizim.
Boshqa bo‘sh ish o‘rinlari: agar e'londa keltirilgan ma'lumotlar mazmuni shubhali ekanligi aniqlansa.
*O‘zbekiston Respublikasining MK 6-moddasiga muvofiq:
Barcha fuqarolar mehnat huquqlariga ega bo‘lish va ulardan foydalanishda teng imkoniyatlarga egadir. Jinsi, yoshi, irqi, millati, tili, ijtimoiy kelib chiqishi, mulkiy holati va mansab mavqyei, dinga bo‘lgan munosabati, e'tiqodi, jamoat birlashmalariga mansubligi, shuningdek xodimlarning ishchanlik qobiliyatlariga va ular mehnatining natijalariga aloqador bo‘lmagan boshqa jihatlariga qarab mehnatga oid munosabatlar sohasida har qanday cheklashlarga yoki imtiyozlar belgilashga yo‘l qo‘yilmaydi va bular kamsitish deb hisoblanadi
Mehnat sohasida mehnatning muayyan turiga xos bo‘lgan talablar yoki davlatning alohida ijtimoiy himoyasiga muhtoj bo‘lgan shaxslar (ayollar, voyaga yetmaganlar, nogironlar va boshqalar) to‘g‘risidagi g‘amxo‘rligi bilan bog‘liq farqlashlar kamsitish deb hisoblanmaydi.
Ish qidirish bo'yicha e'lonlar
Rezyume - muayyan ma'lumot yoki maxsus ko‘nikmalarga ega bo‘lgan holda, ma'lum ish haqi/stavka belgilangan doimiy ish o‘rnini (korxonada, tashkilotda, zavodda va h.k.) qidirayotgan talabgor bo'yicha ma'lumot berilgan taklif turi.
Talablar:
- E'lonlarni takroran berish taqiqlanadi! Takroran e'lon berish e'lonlaringiz ham, akkauntingiz ham blokka tushirilishiga olib kelishi mumkin.
- Ish qidirish to‘g‘risidagi e'lon tegishli kategoriyadagi bo‘limda joylashtirilishi lozim.
- Turli shahar/mintaqada ish qidirish to‘g‘risida bir xil e'lon berish mumkin. Bunda e'lon matnida bu haqida tushuntirish berish majburiydir.
- Bir necha kategoriyadagi bo‘limda Ish qidirish to‘g‘risida e'lon berish mumkin, buning uchun tavsif ushbu kategoriyaga mos bo‘lishi lozim.
- Kamsitish sifatida qabul qilinishi mumkin bo‘lgan so‘zlar, iboralar va tushunchalardan e'londa foydalanish man etiladi.
- Xizmat taklif etilgan e'lonlarni tegishli rukndagi Biznes va xizmatlar kategoriyasida joylashtirish mumkin.
- E'lonning sarlavhasi bo‘sh ish o‘rnining nomidan iborat bo‘lishi lozim (masalan: Magazinga sotuvchi, Kafega ma'mur, Savdo menejeri).
- E'londa imkon qadar to‘liq ma'lumot bering, barcha ko‘nikmalaringiz va ish tajribangizni ko‘rsating.
Quyidagi ma'lumotlar taqiqlanadi:
- O‘zbekiston Respublikasining amaldagi qonunchiligiga va/yoki umumqabul qilingan odob-axloq qoidalariga zid bo‘lgan, haqoratomuz, noo‘rin va/yoki OLX.uz servisining siyosatiga mos kelmaydigan materiallar va/yoki ma'lumotlarni joylashtirish.
- Noto‘g‘ri ma'lumot, shu jumladan o'z dolzarbligini yo‘qotgan aloqa ma'lumotlari ko‘rsatilgan e'lonlarni joylashtirish.
- Erotika xizmatlari sohasida ish qidirish haqidagi e'lonlarni joylashtirish.
- Siyosiy faoliyat xususiyatiga ega ish qidirish to‘g‘risidagi (mitinglardagi massovka va h.k.) e'lonlar.
O`zbekiston Respublikasida o`smirlar uchun ish qidirish va ish taklif qilish.
OLX.uz servisida:
- Yoshi 15dan kichik bo`lgan o`smirlar uchun – ish qidirish yoki ularni ishga taklif qilish qat’iyan taqiqlanadi.
- 15 yoshga to`lgan o`smirlar uchun – ish qidirish yoki ularni ishga taklif qilishda ota-onalardan(vasiylardan) ruxsat olishlari shart. Shu bilan birga, ish o'smirlarning sog'lig'i va axloqiy rivojlanishiga zarar yetkazmasligi, shuningdek, ta'lim jarayonini buzimasligi va bo'sh vaqtlarida bo'lishi kerak. Ota-onalarning(vasiylarning) roziligi haqidagi ma`lumotni e`lon matnida ko`rsatish talab qilinadi.
- Yoshi 16ga to`lgan va undan katta bo`lgan o`smirlar uchun – ota-onalardan(vasiylardan) ruxsat talab qilinmaydi, bemalol e`lon berishlari mumkin.
Ish kategoriyasida fotosuratlar yuklash
OLX.uz servisining Ish kategoriyasida fotosurat joylashtirish mumkin emas, e'lonlar matn ko‘rinishida beriladi.
Ish kategoriyasida Kompaniyaning Logotipini joylashtirish pullik xizmati mavjud.
OLX.uz servisidagi barcha qoidalar istalgan payt oldindan ogohlantirilmasdan o‘zgartirilishi mumkin.
❗ Agar muammoingizni hal qila olmasangiz - bizga telegram bot orqali murojaat qiling!
Ish vaqti: Dushanbadan Jumagacha, 9:30 — 18:00.