OLX servisida pullik xizmatlardan foydalanish uchun hisob toʻldirilishi kerak boʻladi. Buning bir nechta usullari bor.
1. OLX saytida hisobni to'ldirish quyidagicha amalga oshiriladi:
- "Mening profilim" Yuqori oʻng burchakda joylashgan – "Hisobni toʻldirish" tugmasini bosing.
- Hisobni toʻldirish uchun keltirilgan variantlardan birini tanlang.
(!) Bunda hisobingizni necha pulga toʻldirishni oʻzingiz belgilay olmaysiz, faqat keltirilgan variantlardan birini tanlashingiz kerak boʻladi. Pul miqdorini mustaqil belgilash uchun boshqa toʻlov usullaridan foydalanish mumkin. Masalan: Payme, Click va h.k. shunga o'xshash mobil ilovalar orqali)
- Hisobni toʻldirish uchun toʻlov agentini tanlang va "To'lash" tugmasini bosing.
Tizim sizni toʻlovingizni tasdiqlash uchun kerakli boʻlgan sahifaga yoʻnaltiradi. Toʻlov agentining keltirilgan koʻrsatmalariga amal qiling.
Diqqat! Paynet toʻlov agentlaridan ushbu to'lov usulidan foydalanib boʻlmaydi.
Tanlangan toʻlov agentiga Sizning toʻlov kartangiz biriktirilgan boʻlishi lozim, kartangizni biriktirilganligini avval tekshirib koʻring.
2. OLX hisobingizni mustaqil ravishda toʻldirishingiz mumkin:
Biz quyidagi toʻlov agentlari bilan hamkorlik qilamiz:
- Paynet
- Payme
- Click
- Upay
- Mbank
- Agentlik punktlari orqali
Paynet orqali hisobni to'ldirish
Paynet orqali hisobni to'ldirishda sizga profilning ID raqami kerak bo'ladi. Paynet agentiga profilingiz ID raqamini va to'ldirish kerak bo'lgan pul miqdorini ayting. ID raqamda adashmaslik uchun uni shaxsiy profilingiz orqali tekshirib olishingiz mumkin. Paynet orqali hisobni toʻldirishda ALBATTA to'lovni tasdiqlovchi chekni oling va pul mablagʻlari OLX hisobingizga kelib tushmagunga qadar oʻzingizda saqlang.
Paynet Texnik xizmatining raqami: +998 71 202-07-07
Kompaniya sayti: http://paynet.uz
Payme , Click, Upay, Mbank orqali hisobni toʻldirish
Hisobingizni ushbu agentlarning mobil ilovalari yoki saytlari orqali amalga oshirishingiz mumkin.
Click kompaniyasida *880# USSD ko'di orqali internetga ulanmasdan turib hisobni toʻldirish imkoniyati mavjud.
Yoʻriqnoma:
- Toʻlov kartangiz biriktirilgan toʻlov agentlaridan birining mobil ilovasiga yoki internet sahifasiga kiring.
- Roʻyxatdan OLXni tanlang.
- Kerakli maydonga profilingiz ID raqamini yozing.
- To'lamoqchi bo'lgan pul miqdorini yozing.
- Barcha maʼlumotlarni yana bir bor tekshirib koʻring.
- Toʻlovni amalga oshiring.
Hisobni toʻldirishda adashgan taqdiringizda, Yordam sahifasida keltirilgan Mablagʻlarni qaytarish yoʻriqnomasi bilan tanishib chiqing.
Hisobni toʻldirishda xatoga yoʻl qoʻyilgan taqdirda, toʻlov agentining qoʻllab-quvvatlash xizmatini va teskari aloqa orqali OLX servisining qoʻllab-quvvatlash xizmatini majburiy ravishda ogohlantirish shart.
Payme texnik xizmatining raqami: +998 71 200-02-05
Kompaniya sayti: https://payme.uz/
Click texnik xizmatining raqami: +998 71 231-08-80
Kompaniya sayti: http://click.uz/
Upay texnik xizmatining raqami: +998 71 200-00-85
Kompaniya sayti: http://upay.uz/
3. Shartnoma orqali pul oʻtkazish
Yuridik shaxslar shartnoma orqali hisobni toʻldirishi mumkin.
Shartnoma orqali hisobni toʻldirishning minimal qiymati - 100 000 soʻm
Shartnoma tuzish uchun zarur hujjatlarni - info@olx.uz elektron pochta manziliga jo'natib yuboring. Xatning sarlavhasini "Hisobni toʻldirish uchun shartnoma tuzish" deb ko'rsating hamda siz bilan aloqaga chiqishimiz uchun telefon raqamingizni yozib qo'ying.
Yuridik shaxslar bilan shartnoma tuzish uchun zarur talablar va hujjatlar roʻyxati:
- Guvohnomaning skaner nusxasi.
- Patentning skaner nusxasi (yakka tartibdagi tadbirkorlar uchun).
- Litsenziyaning skaner nusxasi (bor boʻlsa).
- Bank maʼlumotlari (h/r).
- Direktor F.I.O. (masʼul shaxs imzosi).
- Profilning ID raqami.
- Pul miqdori, kamida 100 000 soʻm.