Fotosuratlarga qo'yilgan talablar

OLXuz servisida e'lonlarga yuklangan fotosuratlar ushbu maqolada keltirilgan talablarga javob berishi kerak.

(!) Usbhu maqola OLX.uz xizmatlari bilan foydalanish shartnomasining bir qismi hisoblanadi. Shartnoma bilan ushbu havola orqali tanishib chiqishingiz mumkin: https://help.olx.uz/hc/ru/articles/360009197178 

Foydalanishda/ko'rib chiqishda qulay bo'lishi uchun ushbu talablar quyidagi mavzular bo'yicha guruhlangan.

1. E'lonlarda fotosuratlarni joylashtirish qoidalari.
2. Internetdan olingan tayyor fotosuratlar.
3. "Ko'chmas mulk" kategoriyasida fotosuratlarga qo‘yilgan talablar.
4. Tovarlar joylashtiriladigan bo'limlarda fotosuratlarga qo‘yilgan talablar.
5. "Biznes va xizmatlar" kategoriyasida fotosuratlarga qo‘yilgan talablar.

1. E'lonlarda fotosuratlarni joylashtirish qoidalari.

1.1 Hajmi va miqdori.

Fotosuratning maksimal darajadagi hajmi 5 MB, 2000x2000 piksel - aynan shunday oʻlchamdagi fotosurat eʼlonlarda yaxshi ko'rinadi. Fotosuratlarning maksimal soni: 8, 10 (Transport kategoriyasi uchun) va 12 (Koʻchmas mulk kategoriyasi uchun). 

1.2 Afzalliklari.

Eʼloningizga albatta fotosurat yuklang. Tovarning aniq va sifatli tasvirini koʻrgan mijoz xuddi shunga oʻxshagan, ammo fotosurati yuklanmagan eʼlonga nisbatan Sizning eʼloningizni afzal koʻradi.

1.3 Fotosuratlar e'lon tavsifiga mos bo'lishi kerak.

Fotosuratlar eʼlonning sarlavxasiga va matniga mos boʻlishi kerak. Fotosuratda faqat taklif etilayotgan obyekt (mahsulot, hayvon va h.k.) tasvirlangan boʻlishi kerak.

1.4. Umuman qilib aytganda fotosuratlarda quyidagilarni ko'rsatish MUMKIN EMAS:

• aloqa ma'lumotlari (telefon raqami);
• telegram messenjeri loginlari va havolalari;
• raqobatdosh resurslarning havolalari, logotiplari;
• uchinchi shaxslarning mualliflik huquqlarini buzishi mumkin bo'lgan tasvirlar;
• odob-axloq nuqtai nazaridan noo'rin fotosuratlar (erotik, pornografik mazmundagi);
• taklif qilinayotgan tovar/xizmatga aloqasi bo‘lmagan fotosuratlar va tasvirlar;
• sifati yomon, tasvirlangan obyektni farqlab boʻlmaydigan darajada olingan fotosuratlar.

2. Internetdan olingan tayyor fotosuratlar.

Internetdan olingan tayyor fotosuratlar OLX servisida e'lon qilingan mahsulotning haqiqiy holatini aks ettirmaydi. Tovar/mahsulotlar e'lon qilinadigan BARCHA bo'limlarda biz faqat shaxsan O'ZINGIZ olgan fotosuratlarni yuklashni TAVSIYA QILAMIZ. Tovarning haqiqiy fotosuratlari mijozlar tomonidan ko'proq ishonchga olib keladi.

Xizmatlar kategoriyasida:

Taklif qilinayotgan xizmatni ta'riflab beruvchi abstrakt rasm yuklash mumkin, hamda ushbu xizmatni ta'riflab berivchi qisqacha matn yozilgan fotosuratlarni ham yuklash mumkin.

Ko'chmas mulk kategoriyasida:

Faqatgina yer uchastkalarining Savdosi / Ijarasi bo'limida internetdan olingan tayyor fotosuratlarni yuklash mumkin.

3. "Ko'chmas mulk" kategoriyasida fotosuratlarga qo‘yilgan talablar.

E'longa faqat taklif etilayotgan ko'chmas mulkning fotosuratlarini yuklang. E'londagi sifatli fotosuratlar mijozlarning e'tiborini ko'proq jalb qiladi, shuning uchun fotosuratlar yuklangan "ko'chmas mulk" tezroq sotiladi.

(!) Mumkin emas:

• fotosuratlar yuklanmagan e'lonlar (barcha foydalanuvchilar uchun: jismoniy shaxslar, biznes shaxslar, ko'chmas mulk agentliklari, quruvchilar va rieltorlar);
• internetdan olingan tayyor rasmlar (barcha foydalanuvchilar uchun); 
• mobil telefon/smartfon, planshet, noutbuk/shaxsiy kompyuterlardan olingan ekran tasvirlari(skrinshotlar);
  
• sotuvga qo‘yilgan yoki ijaraga berilayotgan ko'chmas mulk obyekti tasvirlanmagan fotosuratlar;
• matn yozilgan fotosuratlar (fotosuratning 20% dan ortiq bo'lgan holda);
• ko‘chmas mulk obyektiga aloqasi bo‘lmagan fotosuratlar va tasvirlar;
• Diqqatni tortadigan so‘zlar: "Super tez sotaman", "Aksiya" so‘zlaridan iborat fotosuratlar;
• Har qanday shakldagi aloqa ma'lumotlari (raqobatdosh/taqiqlangan internet resurslariga havolalar, telefon raqamlari, messenjerlar va ijtimoiy tarmoqlarning loginlari);
• boshqa e'lonlar doskasi saytining logotiplari;
• faqat logotip yoki brendning nomi tasvirlangan rasmlar
• UC Browser foydalanuvchilari uchun: "Menga yoqadi" logotipi va shu kabilar;
• odob-axloq nuqtai nazaridan noo'rin fotosuratlar;
• ko'chmas mulk obyekti narxi xorijiy valyutada ko'rsatilgan fotosuratlar;
• fotosurat o'rniga tashrifnomalarni yuklash.

(!) Mumkin:

• ko‘chmas mulk obyektining haqiqiy tasviri tushirilgan fotosurat;
• uyning/kvartiraning/yer kadastri, rejasining fotosurati;
• OLXuz qoidalarini buzmagan holda nusxa ko‘chirishdan himoyalanish uchun "suv belgi" ko‘rinishidagi logotip tushurilgan fotosurat;
• ko'chmas mulk obyekti narxi milliy valyutada ko'rsatilgan fotosuratlar;
• obyektdan e'tiborni jalb qilmaydigan holda aloqa ma'lumotlari(shaxsiy saytga,OLXdagi biznes sahifasiga,Instagram/facebookdagi shaxsiy/biznes sahifalarga havolalar) tushurilgan fotosuratlar;
• yer uchastkalarining Savdosi / Ijarasi bo'limida internetdan olingan tayyor fotosuratlarni yuklash.
• yer uchastkalarining Savdosi / Ijarasi bo'limida fotosuratsiz e'lon joylashtirish.

E'loningiz yanada samarali bo'lishi uchun, 5ta va undan ortiq fotosuratlarni yuklashingizni tavsiya qilamiz (qanchalik ko'p bo'lsa, shuncha yaxshi).

Bundan tashqari, gorizontal shakldagi fotosuratlarni yuklashni tavsiya qilamiz, chunki vertikal shakldagi fotosuratlarda ko'rish burchagi sezilarli darajada kichik bo'lgani sababli ko'chmas mulk obyektini batafsil ko'rib chiqish ancha qiyin bo'ladi.

Ko'chmas mulk obyekti haqiqiyligini tasdiqlash uchun OLX kompaniyasi ko'chmas mulk obyektining metama'lumotlarga ega asl fotosuratlarini yoki ko'chmas mulk obyekti fonida e'lonning id raqami chop etilgan qog'oz bilan har xil tomonlardan olingan fotosuratlarni talab qilish huquqini o’zida saqlab qoladi. Ko'chmas mulk obyekti haqiqiyligini tasdiqlash uchun foydalanuvchi tomonidan ushbu fotosuratlar taqdim etilmagan holda - e’lon o’chirilishi mumkin.

4. Tovarlar joylashtiriladigan bo'limlarda fotosuratlarga qo‘yilgan talablar.

(!) Mumkin emas:

• sotuvga qo‘yilgan yoki ijaraga berilayotgan tovar tasvirlanmagan fotosuratlar;
• matn yozilgan fotosuratlar (fotosuratning 30% dan ortiq bo'lgan holda);
• tovarga aloqasi bo‘lmagan fotosuratlar va tasvirlar;
• diqqatni tortadigan so‘zlar: "Super tez sotaman", "Aksiya" so‘zlaridan iborat fotosuratlar;
• har qanday shakldagi aloqa ma'lumotlari (raqobatdosh/taqiqlangan internet resurslariga havolalar, telefon raqamlari, messenjerlar va ijtimoiy tarmoqlarning loginlari);
• boshqa e'lonlar doskasi saytining logotiplari;
• faqat logotip yoki brendning nomi tasvirlangan rasmlar;
• UC Browser foydalanuvchilari uchun: "Menga yoqadi" logotipi va shu kabilar;
• odob-axloq nuqtai nazaridan noo'rin fotosuratlar;
• BITTA TOVAR qoidasini buzishi mumkin bo‘lgan bir nechta tovarlar tasviri tushirilgan fotosurat;
• sobiq torg.uz saytining logotipi;
• tovarning narxi xorijiy valyutada ko'rsatilgan fotosuratlar.

(!) Mumkin:

• tovarning haqiqiy tasviri tushirilgan fotosurat;
• tovarning narxi milliy valyutada ko'rsatilgan fotosuratlar;
• tovarning abstrakt ko‘rinishi - tovarni tavsiflovchi fotosurat, mahsulotning sxemasi yoki tasviri, internetdan yuklangan tayyor fotosurat;
• aloqa ma'lumotlari (faqatgina shaxsiy saytga havola,OLXdagi biznes sahifasiga,Instagram/facebookdagi shaxsiy/biznes sahifalarga havolalar);
• OLXuz qoidalarini buzmagan holda nusxa ko‘chirishdan himoyalanish uchun "suv belgi" ko‘rinishidagi logotip.

5. "Biznes va xizmatlar" kategoriyasida fotosuratlarga qo‘yilgan talablar.

(!) Mumkin emas:

• taklif qilinayotgan xizmatga aloqasi bo‘lmagan fotosuratlar va tasvirlar;
• odob-axloq nuqtai nazaridan noo'rin fotosuratlar;
• har qanday shakldagi aloqa ma'lumotlari (raqobatdosh/taqiqlangan internet resurslariga havolalar, telefon raqamlari, messenjerlar va ijtimoiy tarmoqlarning loginlari);
• UC Browser foydalanuvchilari uchun: "Menga yoqadi" logotipi va shu kabilar;
• boshqa e'lonlar doskasi saytining logotiplari;
• "Tozalash" xizmatlari bo'yicha e'lonlarda shaxsiy fotosuratlarni yuklash;
• taklif qilinayotgan mahsulot/xizmat narxi xorijiy valyutada ko'rsatilgan fotosuratlar.

(!) Mumkin:

• xizmatni ta'riflab beruvchi abstrakt rasm yoki fotosurat;
• logotip yoki brendning nomi tasvirlangan rasmlar;
• aloqa ma'lumotlari (faqatgina shaxsiy saytga havola,OLXdagi biznes sahifasiga,Instagram/facebookdagi shaxsiy/biznes sahifalarga havolalar);
• xizmatni fotosurat yordamida tavsiflash imkoni bo‘lmasa, fotosuratda matn yozish mumkin;
• taklif qilinayotgan mahsulot/xizmat narxi milliy valyutada ko'rsatilgan fotosuratlar.