Narx - e'lonning muhim parametri bo‘lib, e'londa albatta ko‘rsatilishi lozim.
OLX.uz servisida narxni so‘mda va у.е. da ko‘rsatish ko‘zda tutilgan:
- so‘m - O‘zbekiston Respublikasining milliy valyutasi.
- у.е. - ushbu qisqartma "shartli birlik" ma'nosini anglatadi, savdo va boshqa faoliyat sohalarida foydalaniladigan umumqabul qilingan ibora hisoblanadi. U Respublikaning meyyoriy-huquqiy hujjatlarida rasman qayd etilgan emas va biror to‘lov vositasini (aniqroq aytganda - valyutani) anglatmaydi.
"Narx" maydoni ushbu maydon mavjud bo'lgan bo'limlarda to'ldirilishi shart.
Ushbu maydon mavjud bo'lmagan bo'limlarda esa narxni e'lon matnida ko'rsatish mumkin.
Barcha ruknlarda narxni ko'rsatishga qo‘yilgan umumiy talablar:
- narx - e'lonning maxsus "Narx" maydonida ortiqcha belgilarsiz (nuqta, tire, vergul va h.k.) ko'rsatilishi lozim;
- narx faqat ikki filtr bo‘yicha ko‘rsatilishi mumkin: so‘m va у.е.;
- narx to‘g‘ri, ya'ni tovarni qanday narxda sotmoqchi bo‘lsangiz, o‘sha narx ko‘rsatilishi kerak;
- shubhali, past, noto‘g‘ri narxning ko‘rsatilishiga yo‘l qo‘yilmaydi (masalan 1 so‘mdan 5 so‘mgacha, 99 у.е. , 999 у.е.);
- e'lonning sarlavhasida narxni faqat milliy valyutada(so'm) yoki у.е. da ko‘rsatish mumkin.
Ma'lum bir kategoriyalarda narxni ko'rsatishga qo‘yilgan talablar
"Ko‘chmas mulk" kategoriyasi
- Tijorat xonalari ijarasi bo'limida m2 (kv.m.) uchun narxni ko‘rsatish mumkin, bunda tavsifda mazkur narxni fakt bo‘yicha ko‘rsatish tavsiya etiladi (masalan: narx m2 uchun ko‘rsatilgan).
- Yer sotish ruknida narxni bir sotix uchun ko‘rsatish mumkin, bunda tavsifda mazkur narxni fakt bo‘yicha ko‘rsatish tavsiya etiladi (masalan: narx 1 sotix uchun ko‘rsatilgan).
- "Kvartiralar / Sotish / Yangi qurilgan uylar" ruknlarida mulkdorlar / quruvchilar / litsenziyali riyeltorlar uchun: m2 (kv.m.) uchun narxni ko‘rsatish imkoniyati mavjud, bunda e'lon tavsifida mazkur narxni fakt bo‘yicha ko‘rsatish tavsiya etiladi (masalan: narx m2 uchun ko‘rsatilgan). Batafsil ma'lumotni ushbu maqola orqali bilib olishingiz mumkin.
"Ish" kategoriyasi
- Mazkur kategoriyada ish haqini ko‘rsatish majburiy: Agar ish haqi diapazonini aniq bilsangiz, "dan" "gacha" ko‘rsatilishi zarur.
- Agar boshlang‘ich ("dan") ish haqini ko‘rsatib, oxirgisini ("gacha") ko‘rsatishni istamasangiz, boshlang‘ich ish haqini ko‘rsatishda albatta Kelishilgan so'zini belgilang. Bu qoida teskari holatga ham tatbiq etiladi (ish haqining maksimal hajmini ko‘rsatish zarur bo‘lsa).
- Ma'lum o‘lchov (soat / smena / 1 kun / bajarilgan ish va h.k.) asosida haq to‘lanadigan bo‘sh ish o‘rinlari uchun narx ko‘rsatishda e'lon matnda izoh berilishiga yo‘l qo‘yiladi.
"Biznes va Xizmatlar" kategoriyasi
- Biznes va Xizmatlar kategoriyasida, unga kiruvchi ikkita bo‘lim, aynan Asbob uskuna va Biznesni sotish kategoriyalaridan tashqari, narx uchun maxsus maydon ajratilmagan, bu mazkur kategoriyalar biror xizmat ko‘rsatilishi bo'yicha ma'lumot uchun mo‘ljallanganligini anglatadi.
- Narxni ko‘rsatish uchun maxsus maydon ko‘zda tutilmagan kategoriyalardagi xizmatlar qiymatini e'lon tavsifida ko‘rsatish mumkin.
Ma'lum o‘lchov / shart uchun narx
- Ma'lum o'lchov meyyorlari bo‘yicha sotiladigan tovarlar (kg/m2/tonna/gramm/ va h.k.). uchun narxni, e'lon tavsifida o‘lchov birligiga izoh bergan holda,bir o‘lchov birligi uchun ko‘rsatish mumkin.
- Ma'lum shartlar asosida sotiladigan tovar sotishda,e'lon tavsifida shartlarning ko‘rsatilishi majburiydir.
Kredit va muddatli to‘lov
- Tovar kreditga/muddatli to‘lov bo‘yicha sotilganda, kredit / muddatli to‘lov shartlari to‘liq ko‘rsatilishi, narx maydonida esa tovarning to‘liq narxi ko‘rsatilishi kerak.
(!) E'lonning "Narx" maydonida dastlabki to‘lov miqdorini ko‘rsatish taqiqlanadi!
Ayirboshlash / Bepul berib yuborish
Ayirboshlash - O‘z tovaringizni boshqa tovar evaziga berishni taklif etayotgan bo‘lsangiz, mazkur narx tipidan foydalaniladi:
- E'lonning tavsifida o'z tovaringizni aynan nimaga almashmoqchiligingizni ko‘rsatish zarur.
- Tovaringizni nimaga almashishingizni aniq ko‘rsatgan bo‘lsangiz, Almashish - narx bandidan foydalaning.
(!) Almashish - narx maydoni barcha kategoriyalarda ham mavjud emas!
(!) Mazkur narx bandidan foydalanganda, e'lon servisdagi bir xil nomli qo‘shimcha alohida ruknlarga o‘tadi.
(!) Pulga almashaman deb yozish taqiqlanadi!
(!) "Ko‘chmas mulk/Almashish kategoriyasida bu band vaqtincha ko‘zda tutilmagan, shu sababli Ko‘chmas mulk ob'yektini aynan nimaga almashmoqchiligingizni ko‘rsatish lozim,narx maydonida istalgan narxni ko‘rsatish mumkin.
Hadya qilaman - tovaringizni bepul, ramziy, pul ko'rinishida bo‘lmagan tovar evaziga bermoqchi bo‘lganingizda mazkur narx shaklidan foydalaning.
- Tovarni aniq bepul bermoqchi bo‘lsangiz, mazkur narx shaklidan foydalaning.
- Ramziy, pul ko'rinishida bo‘lmagan tovar evaziga berishni ko‘rsatish mumkin (masalan, narxi 10 000 so'mdan oshmagan shokolad uchun va h.k.).
Olx qonunlariga asosan, taqiqlanga tovarlar va xizmatlar ro`yxatidagi tovar/xizmatlarga boshqa tovarlarni almashtirish(ayirboshlar) yoki shu tovar/xizmatlar evaziga tovarni tekinga berib yuborish bo`yicha e`lonlar qat`iyan taqiqlanadi!
Komplektda sotiladigan tovarlar:
- OLX.uz servisining e'lon berish qoidalariga muvofiq, bitta e'londa komplektni bitta narxda sotishni taklif etish mumkin, bunda Narx maydonida butun komplekt narxi ko‘rsatilishi lozim.
OLX.uz servisidagi barcha qoidalar istalgan payt oldindan ogohlantirilmasdan o‘zgartirilishi mumkin.
❗ Agar muammoingizni hal qila olmasangiz - bizga telegram bot orqali murojaat qiling!
Ish vaqti: Dushanbadan Jumagacha, 9:30 — 18:00.