OLX.uz servisining har bir foydalanuvchisi "takrorlanuvchi e'lon" mavzusi doirasida bilishi kerak bo‘lgan asosiy qoida quyidagicha: bitta tovar faqat bitta foydalanuvchi tomonidan 30 kun ichida faqat bir marta joylashtirilishi mumkin.
E'lonning takroran berilishi - OLX.uz saytida e'lonlarning blokka tushirilishining eng ko'p uchraydigan sababi. Aksariyat hollarda, ma'lum xatti-harakatlarni sodir etar ekanlar, foydalanuvchilar OLX.uz qoidasini buzayotganliklarini tushunmaydilar. Mazkur bo‘limda takrorlanuvchi e'lonlar bilan qanday ishlashimizni, qanday holatlarda ularni blokka tushirishimizni va takror joylashtirilganlik uchun e'lon blokka tushishiga yo‘l qo‘ymaslik uchun nima qilish kerakligini tushuntirishga harakat qilamiz.
"Dubl" (Takrorlanganlik) uchun e'lonni blokka tushirishi biz tekshirish chog‘ida OLX uzda yana bitta yoki bir necha xuddi shu tovar yoki xizmat taklif etilgan e'lonni topganimizni anglatadi. Bunday e'lonlar xaridorlar uchun tovar/xizmatlar qidirilishini qiyinlashtiradi. Shu sababdan biz takrorlanuvchi e'lonlarni blokka tushirib, bitta - e'lonni qoldiramiz.
Nima uchun e'lon takrorlanuvchi e'lon deb topilgan?
Biz e'lonni takrorlanuvchi e'lon deb hisoblaydigan asosiy holatlarni ko‘rib chiqamiz:
1. Bir xil e'lonlar
Vaziyat: foydalanuvchi ikkita va undan ko‘p bir xil e'lon joylashtiradi. Bu e'lon qidiruv boshida turishi uchun ongli ravishda qilinishi mumkin. Bilmasdan qilinishi ham mumkin: masalan, foydalanuvchi birinchi e'londa tavsifni noto‘g‘ri yozadi va qanday qilib tuzatishni bilmasdan xuddi shunday, ammo to‘g‘ri tavsifli boshqa e'lonni joylashtiradi.
Bu holda biz birinchi joylashtirilgan e'lonni qoldiramiz, qolganlarini blokka tushiramiz.
Vaziyatdan chiqish: e'londagi ma'lumotni o‘zgartirmoqchi bo‘lsangiz, iltimos, yangi e'lon bermang, mavjud e'lonni tahrir qiling. E'lon qanday tahrir qilinadi?
2. Bir xil e'lon, ikkalasidan bittasi oldin olib tashlangan
Bu holat birinchi holatga o‘xshash yangi e'lon berishdan oldin foydalanuvchi avval berilgan, ammo joylashtirish muddati tugamagan xuddi shunday e'lonni olib tashlaydi/o‘chiradi.
Vaziyatdan chiqish: muddati tugamagan xuddi shunday e'lonni olib tashlab/o‘chirib yangi e'lon bermang. Biror ma'lumotni o‘zgartirmoqchi bo‘lsangiz, mavjud e'lonni tahrir qiling. Agar tahrir qilayotganda uni o‘zgartirish imkoni bo‘lmasa - teskari aloqaga murojaat qiling, mutaxassislarimiz albatta masalani hal qilishga yordam beradilar.
3. Boshqa e'lonning tavsifida berilgan tovar/xizmat taklif etilgan e'lon
Masalan: Foydalanuvchi bir necha tovar/xizmat taklif etilgan 1-e'lonni beradi.Shu bilan birga 1-e'londa ko‘rsatilgan xuddi o‘sha tovar/xizmat taklif etilgan 2-e'lonni beradi.
Bunday e'lonlarni takrorlanuvchi e'lon deb hisoblaymiz: oldin berilgan 1-e'lonni qoldiramiz, boshqasini blokka tushiramiz.
Vaziyatdan chiqish: bir necha tovar/xizmat ko‘rsatilgan e'lonni joylashtirmoqchi bo‘lsangiz:
-Xuddi shu tovar/xizmat taklif etilgan alohida e'lonlar bermang.
-Taklif etilgan tovar/xizmat bo'yicha alohida e'lon berish zarurati tug‘ilsa - oldin 1-e'londagi tavsifni tahrir qiling va 2-e'londa taklif qilmoqchi bo‘lgan tovar/xizmatni undan olib tashlang.
4. E'lonlarda bir xil fotosuratlar
Agar 1-e'londa ko‘rsatilgan fotosuratlardan hatto 1tasi ham 2-e'londa takroran ko‘rsatilsa,e'lonlardan biri o'chiriladi.
Vaziyatdan chiqish: yuqorida 3-bandda ko‘rsatilgan vaziyatga o‘xshash:
- Yoki boshqa e'londa avval ko‘rsatilgan tovarni taklif qiluvchi boshqa e'lonni bermang.
- Yoki avval asosiy e'lonni tahrir qiling va boshqa e'londa foydalanmoqchi bo‘lgan fotosuratingizni undan olib tashlang. Bunda e'londa berilgan fotosuratlar boshqa internet-resursidan ko'chirilmagan bo'lishi muhim.
(!) Bilish muhim: "bir xil e'lon" deganda biz foydalanuvchi tomonidan bir xil tovar / xizmatlar taklif qilinayotgan e'lonlarni tushunamiz, bunda ular to'liq bir xil bo‘lishi shart emas - ular tavsifi yoki biror boshqa parametri bilan farq qilishi ham mumkin. Biz barcha e'lonlarni tekshiramiz, bunda nafaqat bitta akkaunt doirasidagi e'lonlarni, balki OLX.uzdagi boshqa akkauntlarning e'lonlarini ham o'zaro solishtiramiz va ularga nisbatan ham xuddi shu qoidalarni qo‘llaymiz.
Nima uchun takrorlanuvchi e'lonlarni berish mumkin emas?
OLX.uz servisining har bir foydalanuvchisi kerakli tovar/xizmatni imkon qadar tez sotilishini yoki topilishini istaydi, takrorlanuvchi e'lonlar esa qidiruvni qiyinlashtiradi. Saytning kontenti sifatli va turli-tuman bo‘lishi lozim,axir betakror takliflar qanchalik ko‘p bo‘lsa, bitim shuncha tez amalga oshiriladi.
Agar e'loningiz ko'proq e'tiborni o'ziga tortishini istasangiz, takrorlanuvchi e'lon berishga xojat yo‘q. Servisimizning qo‘shimcha xizmatlaridan foydalaning.
Takrorlanuvchi e'lonni u qidirishda ro'yxat boshida turishi uchun beraman. Bu man etilganmi?
Ha, bunday yo‘l tutish man etilgan, chunki bu saytning konentini qidirish uchun yaroqsiz qilib qo‘yadi. E'tibor bering, e'lon qidirish paytida topilgan e'lonlar ichida birinchi o‘rinda bo‘lishini istasangiz, qo‘shimcha xizmatlardan foydalanishingiz mumkin.
Turli shaharlar va kategoriyalarda bir xil e'lon berishim mumkinmi?
Turli kategoriyalarda bir xil e'lon berish hech bir istisnolarsiz man etiladi. Siz taklif etayotgan tovar yoki xizmatga mos bitta kategoriyani tanlang.
Xizmatlar va Ish bo`limi uchun: Boshqa-boshqa shaharlardan, tumanlardan berilgan e’lonlar yoki ko`rsatilgan xizmat turi boshqa yo`nalishga tegishli bo`lgan e’lonlar – Nusxa (Dubl) sifatida ko`rilmaydi. Ammo, tizim tomonidan e`lonlar matni 100% bir-biriga o`xshash deb chiqarib bergan taqdirda e’lonlarni olib tashlash mumkin.
Mening akkauntim blokka tushirildi.
Demak, juda ko‘p bir xil e'lon bergansiz. OLX.uzda bitta e'lonni takror joylashtirish mumkin emas. Bu tovar yoki xizmatni tezroq sotishga yordam bermaydi, ammo boshqa foydalanuvchilarga tomonidan tovar va xizmatning sotilishini qiyinlashtiradi. Sotib olmoqchi bo‘lganlar esa qidirishga ko‘proq vaqt sarflashga majbur bo'ladilar.
Iltimos, tavsiyalarimizga rioya qiling:
- e'lonning amal qilish muddati tugamagunga qadar, uni olib tashlamang va uni takror joylashtirmang;
- e'lon joylashtirishda bir xil sarlavha, fotosurat va tavsifdan foydalanmang;
- bitta e'lonni bir necha shahar yoki kategoriyada bermang - eng mosini tanlang;
- bir xil tovar yoki xizmatni boshqa so‘zlar bilan tavsiflab u bo'yicha takrorlanuvchi e'lon bermang, chunki bunda tovar yoki xizmat ma'nosi o‘zgarmaydi.
OLX.uz servisidagi barcha qoidalar istalgan payt oldindan ogohlantirilmasdan o‘zgartirilishi mumkin.
❗ Agar muammoingizni hal qila olmasangiz - bizga telegram bot orqali murojaat qiling!
Ish vaqti: Dushanbadan Jumagacha, 9:30 — 18:00.