Afsuski, ishga joylashishda, hayotimizning boshqa ko‘plab sohalarida bo‘lganidek, firibgarliksiz hech iloji yo‘q. Talabgorlar ko‘pincha g‘alati takliflarga duch keladilarki, ular yangi lavozimni olish bilan emas, balki pullarni yo‘qotish bilan yakun topadi.
(!) E‘tibor bering, OLX.uz da har qanday shubhali faoliyat turlari haqida, shu jumladan Internetda pul ishlash va uyda turib ishlash haqida (agar ish beruvchining jismoniy manzili va aloqa yo‘llari ko‘rsatilmagan bo‘lsa) e‘lon berishga yo‘l qo‘yilmaydi.
Oldindan to‘lovni talab qiladigan ish beruvchilarga ishonmang
Agar vakansiya haqidagi e‘longa javoban sizdan kirish badallari yoki har qanday tovarlar, o‘qish, maxsus kiyim, xom ashyo, asbob-uskunalar sotib olish, hujjatlarni yoki plastik kartani rasmiylashtirish, ish berganlik, bazaga kiritish uchun garov talab qilishsa, bu sizning firibgarlarga duch kelganingizni anglatadi! Iltimos, bizga bu haqda “teskari aloqa” bo‘limi yordamida xabar bering. Agar sizda, fikringizcha, biz uchun muhim bo‘lgan axborot bo‘lsa, bu haqda shikoyatga izohlarda xabar bering.
Informatsion kadrlar agentliklari
So‘nggi vaqtda o‘zini ishga joylashtirish bo‘yicha agentliklar deb ataydigan firmalar paydo bo‘lgan. E‘lonlarda bu alohida aytib o‘tilmaydi, ammo telefon orqali firibgarlar, bevosita ish beruvchilar ekanligini ta‘kidlaydilar. Haqiqatda esa talabgorga davlat bandlik xizmatidan tekinga olish mumkin bo‘lgan vakansiyalar ro‘yxati uchun haq to‘lashni taklif qiladilar.
Pullik telefon raqam
Firibgarlar yaxshigina qiziqish o‘yg‘otadigan vakansiyalarni joylashtiradilar, ularda pullik telefon raqamini ko‘rsatadilar yoki sizga pullik raqamga qayta ko‘rg‘iroq qilishingizni aytadigan avtomatik tarzda javob beruvchi oddiy raqamni ko‘rsatadilar. E‘tiborli bo‘ling! Agar suhbat dastlabki 12 soniyasi (ulanish narxi haqida axborot) ichida siz go‘shakni qo‘ymasangiz, siz o‘z ixtiyoringiz bilan shartlarga ko‘ngan deb hisoblanasiz.
Tarmoqli marketing
E‘lonlarni joylashtirish qoidalariga muvofiq , saytida OLX.uz ko‘p darajali tarmoqli markelingda ish haqidagi e‘lonlarni joylashtirishga yo‘l qo‘yilmaydi. Bizning moderatorlar portalni doim mana shunday e‘lonlardan ular saytga tushishidan oldin tozalashadi. Moderatorlarda shubxa tug‘dirmasdan nazoratdan o‘tib ketgan firibgarlar e‘lonlarini topishga bizga befarq bo‘lmagan foydalanuvchilar yordam beradilar, buning uchun ular har bir e‘lon oldidagi “huquqbuzarlik haqida xabar berish” tugmasidan foydalanadilar.
Jiddiy ish beruvchi doim lavozimni (“bolalar mebelini sotish bo‘yicha menejer”), o‘z firmasi haqida qisqacha axborotni (“mebellar saloni”), kompaniyaning nomini ko‘rsatadi, nomzodga talablarni tushuntirib beradi (“mebelь sotish bo‘yicha ish tajribasi, kompьyuterda ishlashni bilish, PRO100 va h.k.”). Vakansiyada shuningdek odatda ish haqining miqdori, ish grafigi, firmaning manzili va boshqa ma‘lumotlar ko‘rsatiladi.
(!) E‘lonning mavhum, tushunarsiz mazmuni unga nisbatan shubha uyg‘onishi uchun sabab bo‘lishi kerak. Lavozimning aniq nomi berilmagan (“ofisga xodimlar talab etiladi”, “faol va kirishimli odamlar uchun ish”, mutaxassislikning nomin aniq ko‘rsatilmagan), talabgorga qo‘yiladigan aniq talablar ko‘rsatilmagan (“pensionerlar uchun”, “nafsoniyati kuchli ayollar”, “qat‘iyatli va kirishimlilar uchun”), nima bilan shug‘ullanishingiz haqida aniq axborot bo‘lmagan, katta pullarni va‘da beradigan, istiqbolni rangli bo‘yoqlarda tasvirlab beradigan e‘lonlar sizni xushyor qilishi kerak.