OLX.uzning maqsadi “qo‘ldan qo‘lga” savdosini rag‘batlantirish hisoblanadi. Tovarni o‘z shahringizda sotib olish sotuvchi bilan shaxsan ko‘rishish, tovarni tekshirib olib va joyida haqini to‘lash imkoniyatini beradi– ya‘ni bu eng ishonchli va xavfsiz bitim turidir.
Agar siz OLX.uzda o‘zingizga kerakli tovar yoki xizmatni topgan bo‘lsangiz va e‘lon bo‘yicha bitimni amalga oshirmoqchi bo‘lsangiz, shoshilmang: avvalambor, yolg‘ondan va ko‘ngilsizlikdan saqlanishga yordam beruvchi bir necha foydali maslahatlar bilan tanishing.
E‘lonni ko'rinishi
E‘lonning hatto umumiy ko‘rinishi ham sizga uning muallifi qay darajada insofli va ishonchli ekanligidan dalolat beradi.
(!) E‘tiborli bo‘ling va quyidagilardan ehtiyot bo‘ling:
- e‘lonning sarlavhasida va/yoki matnida ko‘plab orfografik xatolar mavjud, tovar/xizmat noaniq va noto‘liq tavsiflangan;
- sarlavha va/yoki matn xorijiy tilda yozilgan bo‘lsa, translitda yozilgan yoki avtomatik tarjimon tomonidan tarjima qilingan;
- "Aloqa uchun shaxs" satrida o‘ylab topilgan nik (Sotuvchi), ism chet tilida (John Smith) yoki noma‘lum belgilar to‘plami ko‘rsatilgan;
- "Telefon" satrida yoki e‘lon matnida siznikidan boshqa har qanday davlat (AQSh, Buyuk Britaniya, Nigeriya, Kamerun va boshqalar) telefon raqami ko‘rsatilgan.
Tovar va uning tavsifi
(!) Insofli sotuvchi o‘z mahsulotini har doim barcha uchun tushunarli, batafsil tarzda tavsiflaydi. Quyidagilarni inobatga oling:
- tovarning o‘ziga xos jihatlarini (eskirganligi, yorig‘i, rangi, shakli, elementlari miqdori, komplektatsiyasi) uni sotib olgandan keyin emas, balki uni sotib olishdan oldin muhokama qilish muhim! Siz xususiy tarzda sotib olayotgan muqaddam ishlatilgan tovar qaytarib berilmaydi (agar har qanday tushunmovchiliklar yuzaga kelganida sotuvchining o‘zi uni olishga va pulingizni qaytarishga rozi bo‘lmasa). Agar sotuvchida cheklar yoki kafolat taloni mavjud bo‘lsa ijobiy holat hisoblanadi;
- oldindan tovarning barcha tavsiflarini aniqlashtirib oling, qo‘shimcha suratlarni jo‘natishni so‘rang;
- ko‘rishganda tovar e‘londagi tavsifiga har tomonlama muvofiq kelishiga ishonch hosil qiling va agar imkoniyat bo‘lsa to‘lovdan oldin uning buzuq emasligini tekshiring.
Narxi – eng muhim jihati
Agar sizni qiziqtirgan tovar judayam past, jalb qiluvchi yoki shartli narxda bo‘lsa, bu firibgarlik maqsadida tovar faqatgina sizning e‘tiboringizni jalb qilishga xizmat qilishini anglatishi mumkin.
To‘lov va yetkazib berish
To‘lov turini birinchi navbatda aniqlashtirib oling! Eng oson usul – naqd pul orqali to‘lovni tanlang. Yodda tuting: bank kartasiga qisman yoki to‘liq to‘lovni amalga oshirish – firibgarlikning mashhur usuli hisoblanadi. Hech qachon pullarni chet elga jo‘natmang!
Oldindan tovarni yetkazib berishning xavfsiz va qulay usulini kelishib oling, tovar qay darajada qadoqlanishini aniqlashtirib oling. Shuningdek, yetkazib berish haqini kim to‘lishini (sizmi yoki sotuvchi) muhokama qilishni unutmang. Buyurtma pochta orqali yetkazib berish, ko‘rsatilgan haq bilan yetkazib berish yoki kurьer xizmati bilan tovarni yetkazib berish eng ishonchli usullardan hisoblanadi: bunda tovarning komplektatsiyasi, uning holatini tekshirib olish va shundan so‘ng to‘lovni amalga oshirish imkonini beradi. Tovarni jo‘natishda uni sug‘urtalash tovar yo‘qolganda, shikastlanganda mablag‘larni qaytarib olish imkonini beradi. Mazkur masala bo‘yicha yanada batafsil ma‘lumotni sizning pochta bo‘limingiz yoki bunday xizmatlarni ko‘rsatuvchi boshqa kompaniyalar sayti orqali olishingiz mumkin.
Sotuvchi bilan uchrashuv
Agar siz shaxsan ko‘rishish haqida kelishgan bo‘lsangiz, yorug‘ joyda (maydonda, savdo markazida va boshqalar) ko‘rishishni maslahat beramiz. Sotuvchining uyida oldi-sotdi qilishga rozi bo‘lmang, xaroba joylar, mashinalar to‘xtash joylari, kimsasiz tor ko‘chalardan saqlaning. Uchrashuvga bitimga guvoh bo‘la oladigan do‘stingiz, tanishingiz yoki qarindoshingiz bilan kelganingiz ma‘qul. Agar yoningizga e‘lon bo‘yicha xizmat ko‘rsatish uchun odam kelsa uni uyingizga taklif qilishdan oldin shaxsini tasdiqlovchi hujjatini ko‘rsatishni so‘rang. Uchrashishdan oldin siz yoniga boradigan yoki sizning yoningizga keladigan odamlarning shaxsi haqidagi ma‘lumotlarni yozib olishni unutmang. Agar qandaydir sabablarga ko‘ra siz uchrashuv tayinlay olmasangiz, bu haqda ularga oldindan xabar bering.
Mulohazali bo‘ling
Sotib olishda shubha uyg‘onsa e‘londa ko‘rsatilgan telefon raqami orqali sotuvchi bilan qo‘shimcha tarzda aloqaga chiqishni tavsiya qilamiz. Sotuvchining aloqa ma‘lumotlarini, ismini, yozishmalar detallarini, to‘lov va yetkazib berishni tasdiqlovchi hujjatlarni bitim yakuniga qadar saqlang – tushunmovchilik yuzaga kelganida ular foydali bo‘lishi mumkin.
(!) Har doim hushyor bo‘ling, barcha bitimlarda aql bilan ish tuting, agar shubhalansangiz, bitimga rozi bo‘lmang.
Tovarni sotib olishda sizda muammolar yuzaga kelsa, iltimos, qo‘shimcha ma‘lumotlar olish va muvaffaqiyatsiz bitimning oldini olish uchun saytning qo'llab-quvatlash xizmatiga murojaat qiling. Biz har doim sizga yordam berishdan xursandmiz!
❗ Agar muammoingizni hal qila olmasangiz - bizga telegram bot orqali murojaat qiling!
Ish vaqti: Dushanbadan Jumagacha, 9:30 — 18:00.