E'tibor bering! Hozirgi vaqtda foydalanuvchini baholash va reyting tizimi test rejimida ishlayapti. Tizim to’liq ishga tushganda foydalanuvchilarni bu haqda xabardor qilamiz.
Afsuski, hozirgi kunga qadar salbiy sharhlarni o'zgartirish (ularni o'chirish yoki bloklash) imkonini beruvchi vosita mavjud emas.
Yuzaga kelgan noqulayliklar uchun uzr so'raymiz va tushunishingizdan umidvormiz.
Biz OLX foydalanuvchilarining baholari va fikr-mulohazalari sotuvchilar va xaridorlar o'rtasida ishonch barpo etish va to'g'ri tanlov qilishga yordam berishiga ishonamiz.
Nimani baholash zarur?
Baholar va fikr-mulohazalar bu bitim amalga oshirilmagan taqdirda ham, xaridorlar uchun sotuvchilar bilan o'zaro munosabatlar tajribasini baholash imkoniyatidir.
Xarid qildingizmi? Shaxsiy uchrashuv, narsalarning holati va uning tavsifiga muvofiqligini baholang. Hech narsa sotib olmadingizmi? Sotuvchining hozirjavobligi va uning yordam berishga tayyorligini baholang.
Yaxshi mulohaza har doim foydali, adolatli va haqiqatga asoslangan bo'lishi kerakligini esingizda tuting. Sizning fikr-mulohazalaringiz kelajakda sotuvchiga murojaat qiladigan xaridorlarga yordam beradi. Bundan tashqari, konstruktiv mulohazalar sotuvchilarga o’z ko’rsatkichlarini yaxshilashga yordam beradi.
Qanday hollarda men baho yoki mulohaza qoldira olmayman?
OLX foydalanuvchisi sifatida siz o'zingizni baholay olmaysiz. Shuningdek, siz hech qachon munosabatda bo'lmagan foydalanuvchilarni baholashingizga yoki mulohazalar miqdorini oshirish uchun texnik vositalardan foydalanishga yo'l qo'yilmaydi.
E'tibor bering, sotuvchilarning xodimlar, qarindoshlari, raqobatchilari yoki ularning xodimlari baho qoldirolmaydilar. Baholar va mulohazalar OLX qoidalariga muvofiq bo'lishi kerak. Biz istalgan vaqtda reytinglar yoki mulohazalarni o'chirish huquqini saqlab qolamiz.
Men OLX foydalanuvchilarini qayerda baholay olaman?
O’zingizning OLX profilingizga kirganingizdan so'ng, siz har bir e’lon yoki foydalanuvchi profilining sahifasida baholash va mulohaza qoldirish tugmasini topasiz. Shuningdek, sotuvchi bilan munosabatda bo’lganingizdan keyin biz sizga sotuvchi haqida mulohaza qoldirishni taklif qilishimiz mumkin.
Foydalanuvchini baholash uchun menda qancha vaqt bor?
Sotuvchiga xabar yuborganingiz yoki qo'ng'iroq qilganingizdan so'ng siz darhol uning profil sahifasining yuqori qismida Baholash tugmasini ko'rasiz. Shu vaqtdan boshlab sizda sotuvchini baholash yoki u haqida mulohaza qoldirishga 30 kun bo’ladi.
Men OLX foydalanuvchilari uchun qoldirgan baholar va mulohazalar bilan nima bo'ladi?
Sizning bahoingiz siz muloqotda bo’lgan sotuvchining umumiy bahosiga ta'sir qiladi. Muayyan bahoning sababi haqida batafsilroq gapirib berish uchun o’z mulohazalaringizni qoldirishingiz mumkin. Agar past baho qo'ysangiz, konstruktiv mulohazalar ayniqsa muhimdir. E'tibor bering, sizning mulohazalaringiz tekshiruvdan o'tayotganida yashirin qoladi. Biroq, ularni qoldirib, siz bizga va OLX jamoasiga yordam berasiz: mulohazalar orqali biz turli sotuvchilar servisda o’zini qanday tutishini bilib olamiz va tegishli harakat rejasini ishlab chiqa olamiz.
Men baholarimni qanday ko'rishim mumkin?
Sizning e’lonlaringiz sahifasida va profilda boshqa OLX foydalanuvchilaridan olgan baholaringiz ko'rsatiladi. E'tibor bering: agar hech kim sizni baholamasa, reyting ko'rsatilmaydi.
Mening bahom qanday aniqlanadi?
Sizning bahongiz OLX foydalanuvchilaridan olingan barcha baholarning o'rtacha arifmetik qiymatidir. Agar foydalanuvchilarning ko’pchiligi siz bilan hamkorlikdan mamnun bo'lsa, siz yaxshi yoki hatto a’lo baho olasiz. Agar foydalanuvchilar sizdan qoniqmasa, baho ham munosib ravishda past bo'ladi.
Reyting foydalanuvchilarning yomon/yaxshi / a’lo baholariga asoslangan. Har bir rang ma'lum bir bahoni anglatadi:
Qizil: Muallif ko'p yomon mulohazalar oldi
Sariq: Muallif ko'p qoniqarli mulohazalar oldi
Feruza rang: Muallif ko’p yaxshi mulohazalar oldi
Ko’k: Muallif ko'p a’lo mulohazalar oldi
Men profilim va e’lonlarimdan baholarni o'chira olamanmi?
Baholar OLXda sotuvchilar va xaridorlar o'rtasida ishonch barpo etish uchun mo'ljallangan. Sotuvchi sifatida siz baholaringizni yashira yoki o'chira olmaysiz.
Men olgan bahomga rozi emasman. Uni o'chirib tashlay olamanmi?
Afsuski, hozircha yo'q. Salbiy, "adolatsiz" sharhlar va baholarni olib tashlash imkoniyati yo'q
Men baholarimni qanday yaxshilashim mumkin?
Foydalanuvchilardan ijobiy mulohazalar olish uchun yaxshi xizmat ko’rsating. Quyida ijobiy baho olishga yordam beradigan ba'zi maslahatlar:
- Tavsiflarni aniq va batafsil yozing. Barcha e’lonlaringizga batafsil tavsiflarni qo'shing. Ayniqsa, narsangiz biroz zararlangan bo'lsa, iloji boricha ko'proq tafsilotlarni ko'rsatishga harakat qiling. Buning natijasida xaridorlar siz sotadigan mahsulot haqida to'g'ri fikrga ega bo'ladilar. Foydalanuvchilar mahsulotni ta'rifdagi so’zlarga ko'ra qidirishlari mumkinligini unutmang. Shuning uchun, e’loningizdagi tavsif qancha batafsil bo’lsa, uni topish ehtimoli shuncha yuqori.
- Hozirjavob bo’ling. Har safar xaridor sizga qo’ng’iroq qilganida yoki xabar yuborganida, javobingizni uzoq kuttirmang. Biz har doim ham buning imkoni yo'qligini tushunamiz, lekin imkon qadar tezroq javob berishga harakat qiling. Bu xaridorlarga sizning bitimga bo’lgan qiziqishingizni ko'rsatadi. Agar siz bir soat ichida javob bersangiz, siz o'z profilingizda bonus sifatida maxsus belgiga ega bo’lasiz, bu belgi boshqa OLX foydalanuvchilariga sizning xabarlarga tezda javob berishingizni ko'rsatadi.
- Muloyim bo'ling, boshqalarni hurmat qiling. Agar xaridor ko'p savol bersa, ularga sabr-toqat bilan javob bering. Do'stona, muloyim bo'ling va xaridorga hurmat bilan munosabatda bo'ling, shunda muvaffaqiyatli bitimlar va ijobiy baholar o’zini uzoq kuttirmaydi.
- Tovarlarni qisqa vaqt ichida yetkazib bering. Agar siz yetkazib berish xizmatini taklif qilayotgan bo'lsangiz, o’z tovarlaringizni iloji boricha tezroq jo'natishga harakat qiling. Bundan tashqari, siz tashabbus ko’rsatishingiz va yetkazma pochta bo'limiga topshirilgandan so'ng xaridorga xabar yuborishingiz mumkin. Bu foydalanuvchilarga yoqadi!
- O'z vaqtida keling. Agar siz xaridor bilan jamoat joyida uchrashsangiz, u yerda o'z vaqtida bo'lish uchun qo'ldan kelganicha harakat qiling. Agar kechikayotgan bo’lsangiz, bu haqida xabardor qiling.
Agar siz ushbu maslahatlarga rioya qilsangiz, xaridorlar sizning harakatlaringizni albatta munosib qadrlashadi va sizning sotuvchi reytingingiz ko'tarila boshlaydi.
❗ Agar muammoingizni hal qila olmasangiz - bizga telegram bot orqali murojaat qiling!
Ish vaqti: Dushanbadan Jumagacha, 9:30 — 18:00.