OLX.uz xizmatlari uchun foydalanish shartnomasi – olxuz

OLX.uz ning foydalanuvchi bilan kelishuvi

1. UMUMIY QOIDALAR

1.“TIRS DILLING” MChJ, (matnda keyingi o‘rinlarda Bajaruvchi va/yoki Kompaniya) Bajaruvchining internet-saytlari – http://olx.uz da xizmat ko‘rsatish to‘g‘risidagi mazkur ommaviy kelishuvni (matnda keyingi o‘rinlarda Kelishuv va/yoki Oferta) e‘lon qiladi.

2.O‘zbekiston Respublikasi Fuqarolik kodeksining 367-375 moddalariga muvofiq mazkur Kelishuv ommaviy oferta hisoblanadi hamda quyida keltirilgan shartlar (aksept) qabul qilingan taqdirda muomalaga layoqatli har qanday jismoniy yoki yuridik shaxs (matnda keyingi o‘rinlarda Foydalanuvchi) mazkur Kelishuv shartlarini bajarish majburiyatini zimmasiga oladi.

3.Mazkur ofertada, agar matnda boshqa hol belgilanmasa, quyida keltirilgan atamalar quyidagi ma‘nolarni anglatadi:

Oferta – har qanday jismoniy va/yoki yuridik shaxsga qaratilgan, mazkur Kelishuv, shuningdek, uning ilovalarida keltirilgan shartlarda Bajaruvchi bilan xizmat ko‘rsatish to‘g‘risidagi shartnomani tuzish haqidagi Bajaruvchining ommaviy taklifi;
Aksept – Foydalanuvchi tomonidan Kelishuv shartlarining to‘liq qabul qilinishi;
Bajaruvchi – “TIRS DILING” MAS‘ULIYATI CHEKLANGAN JAMIYAT;
Sayt – http://olx.uz – Kompaniya tomonidan ma‘murlik amalga oshiriladigan, vaqtinchalik tasniflangan e‘lonlarni joylashtirish uchun kommunikatsiya platformasi sifatida xizmat qiluvchi internet-sayt;
Foydalanuvchi – mazkur Kelishuv shartlarini qabul qilgan va Kompaniya xizmatlaridan foydalanuvchi har qanday muomalaga layoqatli jismoniy yoki yuridik shaxs;
Tovar – har qanday moddiy yoki nomoddiy ob‘ekt;
Xizmat – muayyan harakatni sodir etish jarayonida iste‘mol qilinadigan yoki buyurtmachining shaxsiy ehtiyojlarini qondirish uchun muayyan faoliyatni amalga oshirida ko‘rsatiladigan servis bilan bog‘liq ,tovar yetkazib berish bo‘lmagan har qanday operatsiyadir;
OLX.uz xizmatlari/servisi – Bajaruvchi tomonidan Sayt yordamida ko‘rsatiladigan har qanday pulli va bepul xizmatlar (masalan, shu jumladan, ammo mutlaq emas, uning barcha imkoniyatlari, matni, ma‘lumotlari, axborot, dasturiy ta‘minoti, grafiklar yoki fotosuratlari, rasmlar va h.k. va b.), shuningdek Kompaniya tomonidan Saytlar servislari yordamida ko‘rsatiladigan har qanday boshqa xizmatlar.
Qaydni hisobga olish/akkaunt – Saytlarda Foydalanuvchiga o‘z e‘lonlarini boshqarish imkoniyatini beruvchi, saytlar funksional tizimidagi elektron kabinet;
Ro‘yxatdan o‘tish – Foydalanuvchi tomonidan mazkur Kelishuvni tuzishga ofertani qabul qilish va Saytning tegishli shakllarni to‘ldirish yo‘li bilan Sayt servislardan foydalanish uchun zarur axborotni taqdim etish jarayonidir. Ro‘yxatga olishning barcha bosqichlari e‘lon qilingan yo‘riqnomalarga muvofiq muvaffaqiyatli o‘tilganidan keyin u tugallangan hisoblanadi .
Shaxsiy ma‘lumotlar – bu shaxsning kimligi aniqlangan yoki aniqlanishi mumkin bo‘lgan u haqdagi ma‘lumotlar yoki ma‘lumotlar to‘plami.
SMS-verifikatsiya – bu Foydalanuvchini tekshirish bo‘lib, Foydalanuvchi tomonidan verifikatsiya sahifasida ko‘rsatilgan raqamga Kompaniya tomonidan yuborilgan SMS-xabardagi maxsus verifikatsiya kodini verifikatsiya sahifasidagi tegishli maydonga kiritish orqali amalga oshiriladi.

4.Agar Foydalanuvchi mazkur shartlardan to‘liq yoki qisman norozi bo‘lsa, Bajaruvchi undan mazkur saytni tark etishni so‘raydi. Mazkur shartlar Foydalanuvchi tomonidan Saytdan va OLX.uz xizmatlaridan foydalanishni tartibga soladi. OLX.uz xizmatlaridan foydalanish Foydalanuvchi mazkur kelishuv bilan tanishganini, uni tushunishini va uning shartlarini qabul qilishini anglatadi.

5.OLX.uzning qaysidir servisidan foydalanishni boshlaganda yoki ro‘yxatdan o‘tib ,Foydalanuvchi Kelishuv shartlarini to‘liq, hech bir qo‘shimchalarsiz va istisnolarsiz qabul qilgan hisoblanadi. Agar Foydalanuvchi mazkur Kelishuvning qaysidir qoidasidan norozi bo‘lsa Foydalanuvchi OLX.uz servislaridan foydalanishga haqli emas.

6.Ushbu orqali Kompaniya Internet tarmog‘i Foydalanuvchilariga o‘z servislaridan mazkur Kelishuvda keltirilgan shartlar asosida foydalanishni taklif etadi.

7.Kompaniya Foydalanuvchiga sotish yoki boshqa Foydalanuvchilar tomonidan sotib olinishi maqsadida, biroq, faqatgina buning uchun emas, turli tovarlar va xizmatlar haqidagi ma‘lumotlarni joylashtirish uchun olx.uz Saytidan foydalanish bo‘yicha xizmatlarni taklif etadi.

8.Foydalanuvchilar o‘rtasidagi barcha bitimlar to‘g‘ridan-to‘g‘ri tuziladi, ya‘ni Kompaniya Foydalanuvchilarning bitimlari ishtirokisi hisoblanmaydi, balki faqatgina e‘lonlarni joylashtirish uchun kommunikatsion savdo platformasini taqdim etadi.

9. Tomonlarning huquq va majburiyatlari shuningdek,mazkur Kelishuvning ajralmas qismi boʻlgan maqolalar va boshqa axborot materiallari bilan ham belgilanishi mumkin.

2. E‘LONLARNI JOYLASHTIRISH

1.Taklif etilayotgan tovarlar va xizmatlarga tavsif berib, maxsus shaklni to‘ldirgandan so‘ng Foydalanuvchi Saytlarda e‘lon joylashtirish huquqiga ega bo‘ladi.

2.Bundan tashqari, qo‘shimcha xizmatlarni olish maqsadida Foydalanuvchi faqat o‘zi foydalanishi mumkin bo‘lgan haqiqiy telefon raqamini, tanlangan parolь, va ro‘yxatdan o‘tish uchun zarur bo‘lgan boshqa ma‘lumotlarni ko‘rsatgan holda shaklni to‘ldirib, Saytda ro‘yxatdan o‘tishi mumkin. Bundan so‘ng Foydalanuvchi SMS-xabar oladi va ro‘yxatdan o‘tishni yakunlash uchun, undagi kodni tegishli qatorda ko‘rsatishi lozim bo‘ladi.

3.Ro‘yxatdan o‘tgan va ro‘yxatdan o‘tmagan Foydalanuvchilar tomonidan Saytning imkoniyatlaridan va servislaridan foydalanish OLX.uz xizmatlaridan foydalanish bo‘yicha qoidalar va yo‘riqnomalarga rioya etish majburiyatini olganlikni anglatadi.

4.Foydalanuvchi Saytga kirish uchun uning telefon raqami va parolidan foydalanish bo‘yicha barcha harakatlar uchun javobgarlikni o‘z zimmasiga oladi. Foydalanuvchi faqat o‘z telefon raqami va paroli yordamida Saytning xizmatlaridan foydalanish huquqiga ega.

5.Foydalanuvchi unga taqdim etilgan parolning maxfiyligini saqlash va uni uchinchi shaxslarga oshkor qilmaslik majburiyatini oladi.

6.Agar Foydalanuvchida Saytga kirish uchun foydalaniladigan telefon raqami va parol oshkor etilganligi yoki uchinchi shaxslar tomonidan foydalanilishi mumkinligiga gumon qilish uchun asos bo‘lsa u darhol Saytga kirish ma‘lumotlarini o‘zgartirishi lozim.

7.Tovarlar yoki xizmatlarni sotish haqida Saytga e‘lon joylashtirayotgan Foydalanuvchi ular haqidagi ma‘lumotlarni mazkur kelishuv va Saytda keltirilgan yo‘riqnomalarga muvofiq holda joylashtirish va tovarlar va xizmatlar va ularni sotish shartlari haqida aniq va to‘liq ma‘lumot berish majburiyatini oladi. Tovar va xizmat haqida ma‘lumotni joylashtirib, Foydalanuvchi o‘zining ular sotilishi amalga oshiriladigan davlatlar qonunchiligiga muvofiq ushbu tovarni sotishi yoki ushbu xizmatni ko‘rsatish xuquqiga ega ekanligini tasdiqaydi. Xususiy shaxs tomonidan joylashtirilgan ko‘chmas mulk ob’yektini sotish / ijaraga qo‘yish to‘g‘risida e’lon joylashtirilganda, Foydalanuvchi Kompaniyaga joylashtirilayotgan ob’yektga egalik huquqini tasdiqlaydigan hujjatlarni, shu jumladan pasport, ko‘chmas mulkka egalik huquqini va u bilan amalga oshirilgan oldi-sotdilarni tasdiqlaydigan davlat reyestridan ko‘chirma (yoki egalik huquqini tasdiqlaydigan boshqa hujjatlar) taqdim etish majburiyatini oladi. Foydalanuvchi mazkur hujjatlarni taqdim etishdan bosh tortgan taqdirda, Kompaniya Foydalanuvchi e’lon joylashtirishini rad etishga haqli.

8.Foydalanuvchi u tomondan taklif etiladigan tovarlar/xizmatlar, ular sotilishi amalga oshiriladigan davlatlar qonunchiligida belgilangan sifat me‘yorlariga javob berishini va uchinchi shaxslar da‘vosidan ozod ekanligini kafolatlaydi.

9.Agar Foydalanuvchi tomonidan taqdim etiladigan xizmatlar maxsus ruxsatnoma yoki litsenziya olishni talab etsa, ushbu xizmatlar foydalanuvchining bunday faoliyati ustidan nazoratni amalga oshirishga vakolatli davlat organlari va qonunchilik talablariga muvofiq amalga oshirilishini kafolatlaydi.

10.Foydalanuvchi u tomondan Saytda joylashtirilgan tovarlar va xizmatlar haqidagi barcha ma‘lumotlarni batafsil tekshirishi va noto‘g‘ri ma‘lumot aniqlagan taqdirda tovar yoki xizmatning tavsifiga zarur ma‘lumotlarni kiritishi lozim. Agar buning iloji bo‘lmasa, e‘lonni bekor qilib, tovar yoki xizmat haqidagi ma‘lumotni qayta joylashtirish orqali noto‘g‘ri ma‘lumotni tuzatishi lozim.

11.Tovar yetkazib berish shartlari tovar tavsifida, xizmat ko‘rsatish shartlari xizmat ko‘rsatish tavsifida berilishi lozim. Foydalanuvchi tomonidan tovarni sotish va xizmatlar ko‘rsatish shartlari mazkur Kelishuvga va amaldagi qonunchilikka zid bo‘lmasligi lozim.

12.Foydalanuvchi Bajaruvchining raqobatchilariga faol yordam ko‘rsatmaslik va ular tomonidan ko‘rsatiladigan xizmatlar haqidagi ma‘lumotlarni tarqatmaslik majburiyatini oladi. Quyida keltirilganlar kabi, ammo mutloq emas:

Boshqa e‘lonlar taxtalari, savdo maydonchalari, internet-auktsionlari va/yoki internet-do‘konlar haqidagi ma‘lumotlar;
Saytda sotilishi taqiqlangan tovarlar va xizmatlarni taklif etuvchi internet-resurslar haqida.

13.Kompaniya uning nazorati ostida bo‘lgan yoki nazorati ostida bo‘lmagan texnik sabablarga ko‘ra Foydalanuvchining tovar yoki xizmat haqidagi e‘lonni ko‘chirish, tugatish yoki uni ko‘rsatish muddatini uzaytirish huquqiga ega. Agar Foydalanuvchi tovar yoki xizmatni mazkur Kelishuv yoki amaldagi qonunchilik shartlarini buzgan holda ro‘yxatdan o‘tkazgan bo‘lsa Sayt e‘lon ko‘rsatilishini to‘xtatish huquqiga ega.

14.Foydalanuvchiga quyidagilar taqiqlanadi:

Aynan bir telefon raqamidan bir xil e‘lonlarni joylashtirish;
Mazmunidan aynan bir xil taklif haqida gap borayotgan, mazmun jihatdan bir xil e‘lonlarni joylashtirish;
Har xil telefon raqamlaridan bir xil e‘lonlarni joylashtirish;
E‘lonlarni uning mazmuniga nomuvofiq ruknlarda joylashtirish;
Sarlavhasida takrorlanuvchi punktuatsiya belgilari va/yoki harfli bo‘lmagan belgilar mavjud bo‘lgan e‘lonlarni joylashtirish;
Tavsifi va/yoki sarlavhasi/fotosuratlari o‘zaro bog‘liq bo‘lmagan e‘lonlarni joylashtirish;
Bir pa ytning o‘zida bir necha tovarlar va xizmatlar taklif qilinayotgan e‘lonlarni joylashtirish;
E‘lonlarda zararli elementlar mavjud bo‘lgan sahifalarga yoki saytning bosh sahifasiga havolalar berish;
Huquqni qo‘llovchi qonunchilikning buzilishiga olib kelishi mumkin bo‘lgan tovarlar va xizmatlar bo‘yicha e‘lonlarni joylashtirish.
E‘lonlar Saytning tegishli funksional sozlamalarida tanlangan geografik viloyat va shaharga muvofiq kelishi lozim.
Aniq bir predmet, mulk ob‘ekti, ish o‘rni, xizmat bo‘yicha bitta e‘lonni joylashtirish mumkin.
«Go’zallik-salomatlik» bo’limidagi e’lonlarda shaxsiy fotosuratlarni joylashtirish (ommaviy foto banklaridan yuklab olinmagan fotosuratlar);

15.E‘lonlar Kompaniya vakillari tomonidan tanlov asosida post yoki premoderatsiyadan o‘tkazilishi mumkin.

16.Quyidagilarning savdosini reklama qiluvchi e‘lonlarni joylashtirish ta‘qiqlanadi:

spirtli ichimliklarni;
tamaki mahsulotlarini;
giyohvandlik vositalarini;
pornografik materiallar yoki predmetlarni;
farmakologik mahsulotlarni, dori vositalarini, giyohvandlik vositalarini va prekursorlarni;
o‘g‘irlangan, noqonuniy yo‘llar bilan olingan tovarlarni;
hayot va salomatlik uchun xavf tug‘diruvchi predmetlarni;
mavjud bo‘lmagan tovarlarni;
odam va hayvon organlarini;
mahfiy ma‘lumot olish uchun maxsus vositalarini;
davlat mukofotlarini; shaxsiy hujjatlarni, shuningdek, ushbu hujjatlar blanklarini;
ma‘lumotlar bazalarini;
o‘qotar, sovuq, jarohat yetkazuvchi qurollarni, shuningdek, harbiy qurollar va ular butlovchilarini;
huquqni muhofaza qiluvchi organlar tomonidan qo‘llaniladigan faol himoya vositalarini; morj qoziqtishlarini, buyum shaklila bo‘lmagan fil va mamont tishini, shuningdek, buyum shaklida bo‘lmagan qimmatbaho metallar va qimmatbaho toshlarni;
noyob va sotilishi taqiqlangan hayvonlarni, tegishli qonunchilik bilan taqiqlangan har qanday boshqa tovarlar va xizmatlarni.

Saytda taqiqlangan tovarlar, xizmatlar va takliflarning to‘liq ro‘yxati bilan quyidagi havola orqali tanishish mumkin: https://olx.uz/oz/help/about/spisok-zapreschennyh-tovarov-uslug/. Kompaniya e‘lon egasining yoki vakolatli davlat organlarining talabi bilan e‘lonlarni o‘chirish huquqiga ega. Kompaniya shuningdek, uning fikriga ko‘ra, ijtimoiy axloq tamoyillari va negizlariga muvofiq kelmaydigan deb hisoblagan e‘lonlarni o‘chirish huquqini o‘zida qoldiradi. O‘chirish haqidagi qaror qat‘iy hisoblanadi va qayta ko‘rib chiqilmaydi.

17.Saytning ma‘muriyati va moderatorlari (Kompaniyaning vakillari) quyidagi vakolatlarga ega:

Foydalanuvchi e‘lonining matniga, umumiy mazmun-mohiyatiga ta‘sir qilmaydigan, orfografiya va punktuatsiyaga oid bo‘lgan o‘zgartirishlarni kiritish;
Joylashtirish uchun ko‘proq mos keladigan rukn aniqlanganida e‘lonlarni ular Saytning boshqa mos ruknlarga ko‘chirib o‘tkazish;
E‘lonlar tanlangan bo‘limlarning mavzusiga muvofiq bo‘lmaganda yoki mazkur Kelishuvni buzganida e‘lonlar joylashtirilishini rad etish, shuningdek, Saytdan foydalanishni qulaylashtirish maqsadida sababini ko‘rsatmagan holda bitta Foydalanuvchidan beriladigan e‘lonlar sonini cheklash huquqiga ega.
E‘lon taklifining predmetiga noto‘g‘ri tavsif berishga, shuningdek, tovar yoki xizmatni haqiqiy sotish narxiga to‘g‘ri kelmaydigan narxni ko‘rsatish mumkin emas. Narx butun tovar yoki xizmat uchun to‘liq ko‘rsatilishi lozim.
Joylashtirilayotgan e‘lonning sarlavhasi e‘lon matniga muvofiq bo‘lishi va o‘zida Foydalanuvchining aloqa yoki shaxsiy ma‘lumotlari (telefon, elektron manzil, internet-resurs manzili)ni aks ettirmasligi lozim.
Foydalanuvchi tomonidan sotishga taklif qilinayotgan tovar/xizmatni aks ettiruvchi fotosurat e‘lon sarlavhasiga va matniga muvofiq bo‘lishi lozim. Fotosuratda faqat taklif qilinayotgan ob‘ekt aks etishi lozim. Stok va/yoki internet tarmog‘idan olingan fotosuratlarni joylashtirish mumkin emas.
Foydalanuvchilar o‘rtasidagi muloqotni yengillashtirish maqsadida Kompaniya boshqa foydalanuvchilarning aloqa ma‘lumotlarinidan foydalanish imkoniyatini chegaralashi mumkin. Boshqa Foydalanuvchilar tomonidan taqdim etilgan ma‘lumotlardan foydalanish huquqi mazkur Kelishuv bilan cheklanadi.
Kompaniya foydalanuvchilar e‘lonlarining mazmuni yoki ularning tavsiflarida keltirilgan resurslarga havolalar uchun javobgarlikni zimmasiga olmaydi.

Tovarlar yoki xizmatlar sotiladigan davlatlarning qonunchiligiga muvofiq sotilishi taqiqlanmagan yoki cheklanmagan, shuningdek, mazkur kelishuvga zid kelmaydigan tovarlar yoki xizmatlar e‘lonlarning predmeti bo‘lishi mumkin.

3.FOYDALANUVCHILARNING SHAXSIY MA‘LUMOTLARINI QAYTA ISHLASH SHARTLARI VA BUNGA ROZILIK

1.E‘lonlarni joylashtirishda Sayt foydalanuvchilari Kompaniyaga ushbu Kelishuvning 1-Ilovasida (MAXFIYLIK SIYOSATI) keltirilgan shartlarga muvofiq oʻz shaxsiy ma‘lumotlarini qayta ishlash huquqini taqdim etishadi.

4. FOYDALANUVCHI TOMONIDAN TAQDIM ETILADIGAN MA‘LUMOTLAR

1. Kompaniya Foydalanuvchi bilan bog‘lanish, ro‘yxatdan o‘tishda ko‘rsatilgan elektron manzillar va yashash manzilga xabarlarnomalar jo‘natish, shuningdek, Foydalanuvchining mobil telefoniga xabarlar jo‘natish xuquqini o‘zida qoldiradi.

2.Ma‘lumotlarni to‘plash Saytning dasturiy vositalaridan foydalangan holda foydalanuvchi tomonidan shaxsan saytda e‘lonlarni joylashtirishi uchun talab etiladigan tegishli ma‘lumotlarni ko‘rsatish orqali amalga oshiriladi.

3.Tizimda mavjud bo‘lgan texnik mazmundagi ma‘lumotlar, masalan, ip-manzillar internet-xabarlarning umumiy qoidalariga muvofiq Kompaniya tomonidan tarmoqli qurilmaga xizmat ko‘rsatish, shuningdek, umumiy statistik, demografik ma‘lumotlar (masalan, foydalanuvchi bilan ulanish amalga oshirilgan mintaqa haqida) agregatsiyasi bilan bog‘liq maqsadlarda foydalaniladi.

4.Foydalanuvchilarning shaxsiy ehtiyojlari va manfaatlari muvofiq keluvchi, taqdim etiladigan servislarning yuqori sifatini ta‘minlash maqsadida Kompaniya foydalanuvchining tizimiga oxirgi kirishi haqidagi ma‘lumotlarni saqlaydi.

5.Foydalanuvchi uzluksiz foydalanishning vaqtinchalik oraliqlari – sessiyalar davomida Sayt servislaridan foydalanadi. Ro‘yxatdan o‘tgan Foydalanuvchi sessiya davomida kamida bir marta faqat login va parol kiritilganidan keyin kirish mumkin bo‘lgan Sayt qismiga kirishni amalga oshiradi.

6.Brauzer sozlamalarida tizimga oxirgi kirish xaqidagi ma‘lumot saqlanishini o‘chirish umuman olganda Sayt servislaridan foydalanish imkoniyatlariga ta‘sir qilmaydi, ammo ularning imkoniyatlari Foydalanuvchi uchun chegaralanishi mumkin.

7.Tizimga oxirgi kirish haqidagi axborot shuningdek, Foydalanuvchilar tomonidan xizmatlardan foydalanish haqidagi statistik ma‘lumotlarni to‘plash uchun foydalaniladi.

8.Kompaniya irqiy yoki etnik mansublik, siyosiy yoki diniy dunyoqarashlar, siyosiy partiyalar va kasaba uyushmalarida a‘zolik, shuningdek, Foydalanuvchilarning sog‘lig‘i yoki jinsiy hayoti bilan bog‘liq ma‘lumotlarni to‘plamaydi va Foydalanuvchilar tomonidan saytda bunday ma‘lumotlarning oshkor etilishi uchun javobgarlikni zimmasiga olmaydi.

9.Kompaniya tomonidan vaqti-vaqti bilan o‘tkaziladigan so‘rovlar (masalan, ma‘lumoti, yoshi, daromadi) Foydalanuvchilarning demografik ma‘lumotlarini o‘z ichiga olishi mumkin. Bunday so‘rovlar orqali Kompaniya tomonidan to‘planadigan ma‘lumotlar shaxsi ko‘rsatilmagan holda qayta ishlanadi. Foydalanuvchilar so‘rovlarda ishtirok etmaslik va ma‘lumotlarni taqdim etishdan bosh tortish imkoniyatiga ega. Kompaniya demografik ma‘lumotlardan statistik hisobotlarni tuzish va xizmatlar sifatini yaxshilash maqsadida foydalanadi.

10.Foydalanuvchi tomonidan mazkur Kelishuvni yoki uchinchi shaxslar huquqlarini buzgan holda ma‘lumotlar taqdim etish taqiqlanadi, xususan, ma‘lumotda quyidagilar bo‘lmasligi lozim:

оdоbsiz, haqoratli so‘zlar;
nafrat, zo‘ravonlik, kamsitish, irqchilik, ksenofobiya, millatlararo mojarolarni targ‘ib qilish;
zo‘ravonlikka va huquqqa xilof harakatlarga da‘vat etish;
uchinchi shaxslarning shaxsiy huquqlari yoki intelektual mulk huquqlarini buzuvchi ma‘lumotlar;
firibgarlik, aldash yoki ishonchni suiste‘mol qilishga ko‘maklashuvchi ma‘lumotlar;
o‘g‘irlangan yoki qalbaki ashyolar bilan bitim tuzishga undovchi ma‘lumotlarni;
uchinchi shaxslarning mulk huquqini, tijorat sirini yoki shaxsiy daxlsizlik huquqini buzuvchi yoki unga tajovuz qiluvchi ma‘lumotlar;
boshqa shaxslarning ochiq-oydin roziligisiz ular haqidagi shaxsiy yoki shaxsni aniqlashtiruvchi ma‘lumotlar;
shaxsiy daxlsizlikka tajovuz qiluvchi, kimnidir sha‘ni, qadr-qimmati yoki xizmat mavqeini haqoratlovchi ma‘lumotlar;
kimga nisbatan bo‘lishidan qat‘iy nazar tarkibida tuhmat yoki tahdid mavjud bo‘lgan ma‘lumotlar;
pornografik mazmundagi ma‘lumotlar;
voyaga yetmaganlarga zarar yetkazuvchi ma‘lumotlar;
yolg‘on va adashtiruvchi ma‘lumotlar;
viruslar yoki saytga, kompaniyaga yoki boshqa foydalanuvchilarga zarar yetkazishi mumkin bo‘lgan boshqa texnologiyalar;
fohishabozlik, sudxo‘rlik yoki axloq yoxud qonunga zid bo‘lgan boshqa huquqqa zid harakatlar bo‘yicha xizmatlar haqidagi ma‘lumotlar;
kompaniya xizmatlari bilan raqobatlashuvchi saytlarga havolalar yoki ular haqidagi ma‘lumotlar;
“spam”, “baxt xatlari”, “piramidalar sxemalari” mazmunidagi ma‘lumotlar yoki keraksiz yoxud yolg‘on tijorat reklamasi;
axborot agentliklari tomonidan tarqatiladigan ma‘lumotlar;
ish beruvchining shaxsiy manzili va to‘g‘ridan-to‘g‘ri aloqa uchun ma‘lumotlarini ko‘rsatmagan holda internetda daromad topish taklif qilinadigan ma‘lumotlar;
franshiza, ko‘p bosqichli va ko‘p tarmoqli marketing agentlik faoliyati, tijorat vakili yoki boshqa a‘zolar, subagentlar, subdistribyuterlar va boshqalarni yollashni talab qiluvchi har qanday faoliyat taklif qilinadigan ma‘lumotlar;
aniq tovar yoki xizmat taklif qilinmagan holda faqatgina reklama mazmunidagi ma‘lumotlar;
e‘lon mansub bo‘lgan yurisdiktsiya qonunchiligini boshqacha tarzda buzuvchi ma‘lumotlar.

11.Spirtli ichimliklar; tamaki mahsulotlari; giyohvandlik vositalari, pornografik materiallar va ashyolar; farmakologik mahsulotlar va dorilar; o‘g‘irlangan, jinoiy yo‘l bilan topilgan tovarlar; hayot va sog‘liq uchun xavfli bo‘lgan ashyolar; mavjud bo‘lmagan tovarlar; inson organlari; davlat mukofotlari; shaxsiy hujjatlar, shuningdek, ushbu hujjatlarning blanklari; ma‘lumotlar bazalari; o‘qotar va sovuq qurollar; morj qoziqtishlari; buyumda bo‘lmagan fil va mamont tishi, shuningdek, buyumda bo‘lmagan qimmatbaho metallar va qimmatbaho toshlar; noyob va sotilishi taqiqlangan hayvonlar; tegishli qonunchilik bilan taqiqlangan har qanday boshqa tovarlar va xizmatlarni sotishni reklama qiluvchi e‘lonlarni joylashtirish taqiqlanadi. Saytda taqiqlangan tovarlar va xizmatlarning to‘liq ro‘yxati bilan quyidagi havola orqali tanishish mumkin: http://olx.uz/.

12.Litsenziyalanishi lozim bo‘lgan xizmatlar taklif qilingan e‘lonlarni joylashtirishda e‘lon matnida litsenziya raqami va litsenziyani bergan organ nomi ko‘rsatilishi lozim.

13. Baholar va fikr-mulohazalar tizimi – beta talqini

Sinov bosqichidagi baholar va fikr-mulohazalar tizimi - beta-versiya, ya'ni quyida tavsiflangan barcha funksiyalar yoki yechimlar to'g'ri ishlamaydi yoki hamma Foydalanuvchilar uchun mavjud bo'lmaydi.
Xizmat doirasida (Foydalanuvchi Bitimi - Sayt / Saytlarga belgilanganga ko’ra) Foydalanuvchiga boshqa foydalanuvchi bilan o'tkazgan tranzaktsion tajribasiga nisbatan subyektiv baho berishga imkon beruvchi baholar va fikr-mulohazalar tizimi nazarda tutiladi. Tranzaktsion tajriba deganda, xususan: Tovarlarning aniq va ishonchli tavsifini taqdim etish, foydalanuvchilar o'rtasidagi aloqa shakli va usuli, hozirjavoblik, jalb qilinganlik, sotib olingan Tovarni yuborish yoki yetkazib berish vaqti, aniqlik tushuniladi. Baholash uchun tranzaktsiya (bitim) tuzish emas, balki foydalanuvchilar o’rtasidagi har qanday shakldagi bog'lanish asos bo'ladi.
Reyting Xizmatda ko'rsatilgan tartibda, shaklda, muddatlarda va toifalarda beriladi. Reyting foydalanuvchilar tomonidan berilgan barcha baholarning o'rtacha ko'rsatkichidan kelib chiqqan holda 1dan 10 gacha bo’lgan shkalada taqdim etiladi (verguldan keyin bitta belgigacha).
Ta'riflovchi fikr-mulohaza yashirin bo'lib qoladi va OLX foydalanuvchilarining xatti-harakatlarini tekshirishda yordamchi rol o'ynaydi.
Agar Foydalanuvchiga bitta foydalanuvchi tomonidan birdan ortiq reyting berilgan bo'lsa, foydalanuvchi uchun hisoblangan o'rtacha reytingga faqat oxirgi baho kiritiladi.
Fikr-mulohazalar amaldagi qonun hujjatlari qoidalarini buzishi mumkin emas va quyidagilarni o'z ichiga olmaydi:
• vulgarizm, odobsiz va pornografik ma'lumotlar yoki nafrat, irqchilik, ksenofobiya va etnik nizolarni qo'zg'atuvchi ma’lumotlarni,
• boshqa veb-saytlarga veb-manzillar yoki havolalar,
• reklama ma’lumotlari, boshqa tijoriy ma’lumotlar,
• foydalanuvchilar yoki boshqa shaxslar to'g'risidagi ma'lumotlar, shu jumladan, lekin mustasno tariqasida emas, ism va familiya, yashash joyi, telefon raqami, manzili, bank hisob raqami,
• uchinchi shaxslar huquqlariga, shu jumladan intellektual mulk huquqlariga, shaxsiy huquqlariga, ya’ni boshqa Foydalanuvchilar yoki uchinchi shaxslarning yaxshi nomi, obro'-e’tiboriga putur yetkazadigan ma’lumotlar,
• boshqa Foydalanuvchilar yoki uchinchi shaxslar bilan baholash yoki javob qaytarish to'g'risida kelishuv natijasi bo'lgan ma’lumotlar,
• xato, uydurma yoki adolatsiz raqobatni talqin etuvchi ma’lumotlar.
OLX quyidagi hollarda berilgan bahoni Foydalanuvchi o'rtacha reytingidan chiqarib tashlash yoki reytingni to'liq yoki qisman olib tashlash huquqiga ega:
(a) reyting yoki fikr-mulohazalar baholanmaydigan Foydalanuvchiga aloqador bo’lsa;
(b) reyting yoki fikr-mulohazalar Foydalanuvchining o’ziga nisbatan o'zi tomonidan qoldirilsa;
(c) reyting yoki fikr-mulohazalar Foydalanuvchining xodimlari, qarindoshlari, yaqinlari va boshqalar tomonidan qoldirilgan bo’lsa;
(d) reyting yoki fikr-mulohazalar Foydalanuvchi bilan aloqa natijasida faqatgina reyting va / yoki bahoni o’zlashtirish uchun qoldirilsa (masalan, Foydalanuvchiga bo’lgan ishonchni sun'iy ravishda oshirish yoki tushirish uchun);
(e) reyting yoki fikr-mulohazalar faqat qayd yozuvini ro'yxatdan o'tkazish uchun yaratilgan elektron pochta manzili bo'lgan qayd yozuvi tomonidan qoldirilganda;
(f) reyting yoki fikr-mulohazalar joylashuvni avtomatlashtirishni yoki tarmoq trafigini tahlil qilishdan qochadigan yechimlar bilan joylashtirishni ko'rsatadigan tarzda namoyon bo'lganda;
(g) reyting yoki fikr-mulohazalar boshqa shaklda OLX.UA Foydalanuvchi bitimi shartlarini buzsa.

Fikr-mulohazalar qoldirish paytida, Foydalanuvchi OLX (Kompaniya) ga Foydalanuvchi BitimIning 6.3-bandida va Bitimning boshqa qo'llaniladigan qoidalarida ko’rsatilgan shartlar asosida mustasno bo'lmagan, hudud jihatdan cheklanmagan va bepul litsenziyani taqdim etadi

5. E‘LONLAR O‘CHIRILISHINING SABABLARI

1.Foydalanuvchilarning e‘loni u tomondan mazkur Kelishuv shartlari buzilganda, shuningdek, quyidagi sabablar tufayli o‘chirilishi mumkin:
Mazkur Foydalanuvchida Saytda aynan o‘sha tovar/xizmat reklamasi bilan xuddi shunday faol e‘lon mavjud bo‘lsa;

E‘londagi ma‘lumot Kelishuv va/yoki qonunchilik talablariga zid bo‘lsa;
E‘londagi ma‘lumot soxta bo‘lsa;
E‘lon sarlavhasida taklif etilgan/talab qilingan tovar/xizmat haqida ma‘lumot bo‘lmasa;
E‘lon sarlavhasida takrorlanuvchi undov va so‘roq belgilari, ko‘pnuqtalar va boshqalar bo‘lsa;
Sarlavha yoki fotosurat sharhida Internet-manbalarga havola mavjud bo‘lsa;
Fotosurat e‘lon matni bilan mazmunan aniq bog‘liqlikka ega bo‘lmasa yoki e‘lon matnini yoritib berishni maqsad qilmagan bo‘lsa;
Fotosuratda foydalanuvchi interfeysi elementlari, abstrakt rasmlar va boshqalar bo‘lsa;
Fotosuratda xar qanday reklama ma‘lumoti mavjud bo‘lsa (saytga, e-mailga, telefon raqamiga, Skype, ISQ, ijtimoiy tarmoqlardagi ID va boshqa messendjerlarga havola mavjud bo‘lsa);
Yomon sifatli fotosuratlar, predmetlarini farqlab bo‘lmaydigan fotosuratlar mavjud bo‘lsa;
E‘lon u berilgan rukn mazmuniga nomuvofiq bo‘lsa.

6. TARAFLARNING HUQUQ VA MAJBURIYATLARI

1.Kompaniya xizmatlari yordamida olinishi mumkin bo‘lgan barcha ob‘ektlar, shu jumladan, dizayn elementlari, matn, grafik rasmlar, illyustratsiyalar, video, EHM dasturlari, ma‘lumotlar bazalari, musiqa, tovushlar va boshqa ob‘ektlar, shuningdek, Sayt xizmatlarida joylashtirilgan har qanday kontent faqat Kompaniya, Foydalanuvchilari va boshqa huquq egalari huquqlari ob‘ektlari hisoblanadi.

2.Kontentdan, shuningdek, servislarning boshqa har qanday elementlaridan foydalanish faqat Saytning u yoki bu servisi tomonidan taklif qilinadigan funksional doirasida amalga oshishi mumkin. Sayt servislari tarkibining hech bir elementlaridan, shuningdek, Sayt servislarida joylashtirilgan har qanday kontentdan huquq egasining oldindan ruxsatisiz boshqacha tarzda foydalanish mumkin emas. Foydalanish deganda, shu jumladan, takrorlash, nusxa ko‘chirish, qayta ishlash, har qanday asosda tarqatish va boshqalar tushuniladi.

3.Saytda e‘lon joylashtira turib, Foydalanuvchi o‘zi ega bo‘lgan, doim amalda bo‘lgan, muddatsiz, chaqirib olinmaydigan, istisnosiz bo‘lmagan, sublitsenziyalanadigan, foydalanuvchi tomonidan taqdim etilgan ma‘lumotlar, rasmlar va suratlarni barcha ma‘lum va ma‘lum bo‘lmagan ma‘lumot tashuvchilarida foydalanish, nashr etish, to‘plash, namoyish etish, nusxa ko‘chirish, takrorlash huquqlarini Kompaniyaga taqdim etadi. Yuqorida qayd etilgan huquqlar Kompaniyaga qaytarib olmaslik sharti bilan muddatsiz taqdim etiladi. Bunda Foydalanuvchi joylashtiriladigan e‘londagi ma‘lumotning berilishiga nisbatan egalik huquqini o‘zida saqlab qoladi. Yuqorida qayd etilganidan tashqari, Foydalanuvchi u tomondan taqdim etilgan ma‘lumotni olish huquqini Saytning barcha foydalanuvchilariga taqdim etadi.

4.Saytning xizmatlaridan foydalana turib, Foydalanuvchi u tomonidan taqdim etilgan e‘lonlarning mazmuni bo‘yicha faqat o‘zi javobgarligini, shuningdek, Saytda e‘londagi ma‘lumotni joylashtirish bo‘yicha barcha zarur huquqlar, litsenziyalar, ruxsatnomalar, shu jumladan, cheklovlarsiz barcha patentlar, tovar belgilari, tijorat sirlari, mualliflik huquqlariga yoki e‘londa shaxsi ko‘rsatiladigan barcha shaxslar va kompaniyalarning nomlaridan va ularning rasmlaridan foydalanish uchun ularning ruxsatiga ega ekanligini tasdiqlaydi.

5.Saytda mualliflik huquqini muhofaza qilish belgisi bo‘lmagan rasmli, e‘lon joylashtira turib, Kompaniya Foydalanuvchiga mukofot pullarini to‘lamasdan, o‘z manfaatlarida rasm va/yoki uning bir qismidan foydalanishiga rozilik beradi.

6.Foydalanuvchining majburiyatlari:
Saytda ro’yxatdan o’tishda pasport ma’lumotlarini taqdim etish
• Sayt infratuzilmasiga og‘ir yuklama bo‘lishiga olib kelishi mumkin bo‘lgan harakatlar sodir etmaslik;
Kompaniyaning yozma ruxsatisiz Saytga kirish uchun avtomatik dasturlardan foydalanmaslik;
Kompaniyaning oldindan yozma ruxsatisiz Saytda mavjud bo‘lgan har qanday ma‘lumotlardan (Foydalanuvchining o‘zi tomonidan taqdim etilgan ma‘lumotlardan tashqari) nusxa ko‘chirmaslik, takrorlamaslik, o‘zgartirmaslik, tarqatmaslik va jamoatchilikka ma‘lum qilmaslik;
Sayt ishi va boshqa faoliyatiga to‘sqinlik qilmaslik va to‘sqinlik qilishiga urinmaslik; shuningdek, Saytga kirishga to‘sqinlik qilish yoki cheklash maqsadida avtomatik tizimlar va jarayonlarning harakatiga, shuningdek, harakatlarga to‘sqinlik qilmaslik;
Boshqa Foydalanuvchilar tomonidan taqdim etilgan ma‘lumotlardan bevosita aynan shu Foydalanuvchi bilan bitim tuzishdan tashqari, boshqa maqsadlarda foydalanmaslik. Kelishuvning mazkur bandida Foydalanuvchi ro‘yxatdan o‘tishda Kompaniyaga taqdim etadigan shaxsiy ma‘lumotlar kiritilmagan.

7.Foydalanuvchiga quyidagilar taqiqlanadi:

Moderatorlar va ma‘muriyatning harakatlarini moderatorlar bilan elektron yozishmalar olib borishdan tashqari boshqa shakllarda muhokama qilish;
O‘zini boshqa shaxs sifatida tanishtirish va ular nomidan xabarlar yozish maqsadida nomi boshqa Foydalanuvchilar nomiga o‘xshash Foydalanuvchilar nomlaridan foydalanish.

8.Boshqa Foydalanuvchilar tomonidan Foydalanuvchining shaxsiy ma‘lumotlariga ega bo‘lishga faqat Foydalanuvchining yozma roziligi bilan va yoki tegishli qonunchilik talablarini ijro etishda yo‘l qo‘yilishi mumkin.

9.Kompaniya mazkur Kelishuv bo‘yicha o‘zining barcha majburiyatlarini lozim darajada bajarish, shu jumladan, Sayt servislarining me‘yorda ishlashini va qonunchilikda nazarda tutilgan hollardan tashqari Foydalanuvchi tomonidan taqdim etilgan shaxsiy ma‘lumotlarni uchinchi shaxslarga tarqatmaslik uchun barcha choralarni ko‘rish majburiyatini oladi.

10.Kompaniya Sayt servislaridan foydalanishda, shu jumladan e‘lonlarni saqlashning eng uzoq muddati va ularning hajmi bo‘yicha davriy ravishda cheklovlar qo‘yishi mumkin. Kompaniya har qanday paytda Foydalanuvchilarni ogohlantirgan yoki ogohlantirmagan holda Sayt servislari yoki bir qismining ishini o‘zgartirish yoki tugatish huquqiga ega bo‘lib, o‘z navbatida bunday o‘zgartirish yoki tugatish uchun javobgarlikni zimmasiga olmaydi.

11.O‘z xizmatlarining yuqori sifatini saqlash maqsadida Kompaniya Foydalanuvchining Saytdagi faol e‘lonlari sonini cheklash, shuningdek, Foydalanuvchining Saytdagi harakatlarini cheklash huquqiga ega.

12.Agar Foydalanuvchi mazkur Kelishuv shartlarini buzayotgan bo‘lsa, Kompaniya Foydalanuvchiga Saytga kirishga taqiq qo‘yishi mumkin. Foydalanuvchi Sayt ma‘muriyati tomonidan Sayt qoidalari va uchinchi shaxslar huquqlarini buzayotgan faoliyat olib borilayotganligi haqida xabardor qilingan bo‘lsa, qoidabuzarlik fakti tasdiqlangan hisoblanadi. Kompaniya har qanday paytda Foydalanuvchi akkauntini o‘chirish yoki bartaraf qilishi, shuningdek, Foydalanuvchini bunday o‘chirish haqida xabardor qilish yoki qilmaslikni o‘z ixtiyorida qoldirgan va Foydalanuvchi oldidagi o‘z harakatlari uchun Foydalanuvchi va uchinchi shaxslar oldida javobgarlikni zimmasiga olmagan xolda, Foydalanuvchi joylashtirilgan barcha e‘lonlarini o‘chirish huquqiga ega.

13.Mazkur Kelishuvni buzganlik uchun Kompaniya o‘z xohishiga ko‘ra Saytda joylashtirilgan har qanday e‘lonni rad etish, o‘chirish yoki ko‘chirish huquqiga ega.

14.Kompaniya shartnomalarga yoki boshqa asosga ko‘ra Saytni uning barcha servislari va tarkibi, shu jumladan, Foydalanuvchilarning shaxsiy ma‘lumotlari bilan birga o‘z huquqiy vorisiga topshirishga haqli. Bunday topshirish va bu haqda Foydalanuvchilarni xabardor qilish amaldagi qonunchilik talablariga muvofiq amalga oshiriladi.

15.Foydalanuvchi Sayt faoliyati bo‘yicha shikoyatlarni https://olx.uz/contact/ aloqa shakli orqali jo‘natish huquqiga ega bo‘lib, ushbu shikoyatlar ular kelib tushgan yoki shikoyat mazmuni bo‘yicha to‘liq ma‘lumot olingan paytdan boshlab, ikki ish kuni davomida ko‘rib chiqiladi.

16.Kompaniya har qanday paytda Foydalanuvchidan ro‘yxatdan o‘tishda ko‘rsatilgan ma‘lumotlarni tasdiqlashni talab qilishga va shu munosabat bilan tasdiqlovchi hujjatlar (xususan, shaxsni tasdiqlovchi hujjatlarning nusxalari/tasdiqlangan nusxalari)ni so‘rab olishga haqli bo‘lib, ularni Foydalanuvchining xohishiga ko‘ra taqdim etmaslik yolg‘on ma‘lumot taqdim etishga tenglashtirilishi mumkin. Agar Foydalanuvchi tomonidan taqdim etilgan hujjatlarda ko‘rsatilgan ma‘lumotlar u tomondan ro‘yxatdan o‘tishda ko‘rsatilgan ma‘lumotlarga mos kelmasa, shuningdek, ro‘yxatdan o‘tishda ko‘rsatilgan ma‘lumotlar Foydalanuvchining shaxsini aniqlash imkonini bermasa, Kompaniya Foydalanuvchini oldindan ogohlantirgan yoki ogohlantirmagan holda unga Sayt servislaridan foydalanishini rad etishga haqli.

17.Kompaniya Foydalanuvchini litsenziyalanishi lozim bo‘lgan faoliyat (shu jumladan, rieltorlik faoliyati) bilan litsenziyasiz shug‘ullananishda gumon qilish uchun asosi bo‘lgan taqdirda, foydalanuvchining Saytga kirish imkoniyatini bekor qilish va akkauntini bloklab qo‘yish huquqiga ega.

18. SMS-verifikatsiya. Kompaniya istalgan vaqt SMS-verifikatsiya yordamida Foydalanuvchini verifikatsiya qilish huquqiga ega. Foydalanuvchi verifikatsiyadan o‘tmagan taqdirda, Kompaniya Saytdan foydalanish imkoniyatlarini, aynan e’lon joylashtirish, unga tuzatish kiritish, uzaytirish, yangilash imkoniyatini cheklashi mumkin. Qaysi Foydalanuvchilar verifikatsiya qilinishi lozimligini Kompaniya o‘zi mustaqil belgilaydi. SMS-verifikatsiya yordamida verifikatsiya qilingan barcha Foydalanuvchilar ro‘yxatdan o‘tishda ko‘rsatilgan paroldan foydalangan holda akkaunga kirish uchun mobil telefon raqamidan foydalanishlari mumkin. SMS-verifikatsiya va kontakt ma’lumotb sifatida ko‘rsatish uchun Foydalanuvchi faqat O‘zbekiston Respublikasining aloqa operatorlari raqamlaridan foydalanishga haqli.

19. Rieltorlik faoliyatining subʼekti sifatida roʻyxatdan oʻtib,30(oʻttiz)kalendar kun davomida eʼlonlarni joylashtirish toʻplamini xarid qilmasdan Saytdan foydalanayotgan Foydalanuvchining profilini Kompaniya blokka tushirish xuquqiga ega.

20. Kompaniya Foydalanuvchini O’zbekiston Respublikasining amaldagi qonunchiligini buzuvchi tovarlar / ishlar / xizmatlar / bo’sh ish o’rinlari to’g’risidagi e‘lonlar, shu jumladan,intim xizmatlar bo’yicha e‘lonlar va boshqa shu kabi e’lonlarni joylashtirayotganligida gumon qilish uchun asosi bo‘lgan taqdirda, Foydalanuvchining Saytga kirish imkoniyatini bekor qilish va akkauntini bloklab qo‘yish huquqiga ega.Bunda Kompaniya Foydalanuvchining Saytga kirish imkoniyatini, uni bu haqda avvaldan ogohlantirmagan holda, bekor qilish va akkauntini bloklab qo‘yish huquqiga ega. Ushbu bandda ko’rsatilgan asoslar bo’yicha bloklangan foydalanuvchi hisobidagi mablag’lar qaytarilmaydi.

21. Foydalanuvchi sayt qoidalarini suiiste’mol qilgan holatlarda, xususan, bir mintaqa doirasida Saytning biron-bir pullik xizmatini (shu jumladan, qo’shimcha e’lonlar joylashtirish, paketlar) sotib olib, keyinchalik mazkur xizmatlar uchun narxi balandroq belgilangan boshqa mintaqaga o’zgartirish holatlarida, Kompaniya Saytga kirish imkoniyatini cheklash va foydalanuvchining hisobini to’htatish huquqiga ega. Ushbu bandda ko’rsatilgan asoslar bo’yicha bloklangan foydalanuvchi hisobidagi mablag’lar qaytarilmaydi.

7. XIZMATLAR UCHUN HAQ TO‘LASH

1. OLX.uz ning pullik xizmatlariga buyurtma berish (akseptlash) Foydalanuvchi tomonidan saytda http://olx.uz/ manzili bo‘yicha, shaxsiy akkaunt orqali, shuningdek, Saytning har qanday tegishli bo‘limlari orqali amalga oshiriladi.

2. Foydalanuvchi Saytda joylashtirilgan Kompaniyaning pullik xizmatlari narxi bilan tanishishga majbur bo‘lib, shundan so‘ng bunday xizmatlarga buyurtma berishi mumkin. Barcha xizmatlar narxlari haqidagi ma‘lumotlar ko‘rsatilgan.

3. Kompaniyaning pullik xizmatlari haqini to‘lash http://olx.uz/help/payment/poryadok-oplaty/. manzili bo‘yicha ko‘rsatilgan tartibda amalga oshiriladi.

4. Quyidagi hollarda Kompaniya ko‘rsatilmagan xizmat uchun to‘langan pullarni qaytaradi:

Agar e‘lon haqi to‘langan bo‘lsa (Top, Ajratib ko‘rsatish, Shoshilinch), moderatsiya jarayonida har bir o‘chirilgan e‘lon uchun Saytning avtomatik funksional tizimi orqali. Pullarni qaytarish xizmat ko‘rsatilmagan kunlar uchun amalga oshiriladi (Ajratib ko‘rsatish va Shoshilinch xizmatlaridan tashqari, ularda to‘langan pullar to‘liq qaytariladi).
Agar har qanday texnik nosozlik sababli xizmat ko‘rsatilmagan bo‘lsa pullarni qaytarish Foydalanuvchi tomonidan to‘lov amalga oshirilganini isbotlovchi hujjatlar taqdim etilganidan so‘ng Sayt ma‘muriyati tomonidan amalga oshiriladi. Bunday holatda ularni qaytarish akkauntda aks etib, to‘langan pullardan kelgusida foydalanish imkoniyati mavjud bo‘ladi.
Mazkur Kelishuv shartlarini buzgan holda, xizmatlar haqi Kompaniya tomonidan o‘chirilgan, qaytalangan akkauntlar orqali Foydalanuvchi tomonidan to‘langanida, bunday mablag‘larning Kompaniya tomonidan qaytarib berilishi faqat Foydalanuvchining, murojaati bilan amalga oshiriladi, pul mablag‘lari esa bunday foydalanuvchining faol akkauntiga qaytariladi va to‘langan pul mablag‘laridan kelgusida foydalanish imkoni beriladi.
Ro‘yxati Saytda ko‘rsatilgan taqiqlangan tovarlar, xizmatlar, takliflar bo‘yicha e‘lonlarni joylashtirish uchun to‘langan pullar akkaunt blok holatiga tushganida qaytarilmaydi.

5. Mazkur Kelishuv shartlari muntazam (ikki va undan ortiq) buzilganida Foydalanuvchi tomonidan to‘langan pullar Foydalanuvchinig tegishli murojaatidan so‘ng Sayt ma‘muriyati qarori asosida qaytariladi.

6. Kompaniya bir martalik joylashtirish va joylashtirish paketi (e’lon to’plamidagi e’lonlar birligi) xizmatlari uchun to’langan pul mablag’larini qaytarib bermaslik huquqiga ega, shu jumladan keyinchalik moderatsiya paytida o’chirilgan yoki bloklangan e’lonlar uchun, foydalanuvchi muntazam ravishda (ikki yoki undan ko’p marta) nashr qoidalarini hamda OLX.UZ xizmati va foydalanuvchi o’rtasidagi kelishuvni buzgan hollarda.

Pul mablag’larini qaytarish shartlariga nisbatan mazkur Shartnoma tomonlarining huquqlari va majburiyatlari ushbu Shartnomaning ajralmas qismi bo’lgan OLX.UZ Help center (Yordam markaz)da batafsilroq yoritilgan

7. «Go’zallik-salomatlik» bo’limidagi e’lonlarda shaxsiy fotosuratlarni joylashtirganda, foydalanuvchi tomonidan to’langan mablag’lar qaytarilmaydi.

8. To’langan mablag’larni foydalanuvchining bank kartasiga qaytarish faqat teskari aloqa shakli orqali yuborilgan so’rov asosida amalga oshiriladi. Mablag’larni qaytarilishi foydalanuvchi OLX hisobini to’ldirgan to’lov tizimi orqali amalga oshiriladi. Mablag’larni qaytarish faqat OLX hisobini to’ldirgan oyning o’zida amalga oshiriladi (01-dan 25-sanagacha, 25-sana ham kiradi). Boshqa hollarda mablag’ni qaytarib bo’lmaydi.

8. KOMPANIYA JAVOBGARLIGINI CHEKLASH

1.Sayt servislaridan foydalanib, Foydalanuvchi Sayt va uning servislaridan o‘z tavakkalchiligi asosida foydalanishini, Saytda joylashtirilgan e‘lonlardan foydalanish bilan bog‘liq tahlikani to‘g‘ri baholashini va ular uchun javob berishini tasdiqlaydi, Kompaniya, shu jumladan uning rahbariyati, xodimlari va agentlari Saytda joylashtirilgan e‘lonlarning mazmuni, Saytda joylashtirilgan e‘lonlardan foydalanish natijasi bo‘lgan har qanday zarar va yo‘qotishlar uchun hech qanday javobgarlikni zimmasiga olmaydi.

2. Kompaniya Foydalanuvchilar o‘rtasidagi bitimning tashkilotchisi/tashabbuskori yoki tomonlardan biri hisoblanmaydi. Sayt Foydalanuvchilarga qonun bilan ruxsat etilgan tovarlar va xizmatlarni har qanday vaqtda, har qayerdan va har qanday narxda sotish, sotib olish uchun ularni joylashtirish imkonini beruvchi tijorat kommunikatsion platformasi hisoblanadi.

3. Kompaniya Foydalanuvchilar tomonidan joylashtiriladigan e‘lonlardagi ma‘lumotlarning ishonchliligini nazorat qila olmaydi. Kompaniya bitim tuzilishi yoki taraflardan qaysidir birining noloyiq harakati natijasida yetkazilgan xar qanday zarar uchun javobgar emas.

4. Kompaniya Foydalanuvchilarning harakati yoki ular tomonidan joylashtirilgan e‘lonlarda ko‘rsatilgan tovarlar/xizmatlar uchun javobgarlikni zimmasiga olmaydi. Foydalanuvchilar o‘rtasidagi barcha nizolar va kelishmovchiliklar Kompaniya ishtirokisiz, ular tomonidan mustaqil ravishda hal etiladi.

5. Kompaniya serverlariga buzg‘unchilik yo‘li bilan kirish amalga oshirilishi yoki Kompaniya serverlaridan va/yoki ularda saqlanayotgan foydalanuvchilar haqidagi har qanday ma‘lumotlardan ruhsatsiz foydalanilishi, shuningdek, har qanday xatoliklar, uchinchi shaxslar tomonidan Saytga yoki Sayt orqali uzatilishi mumkin bo‘lgan viruslar, “troyan otlari” va boshqalar uchun javobgarlikni o‘z zimmasiga olmaydi.

6. Tovar yoki xizmatning sifati, xavfsizligi, qonuniyligi va ularning tavsifiga mosligi, shuningdek, Foydalanuvchining tovar/xizmatni sotishi yoki sotib olishi mumkinligi Kompaniya nazoratidan tashqarida hisoblanadi.

7. Kompaniya Foydalanuvchilarni Sayt xizmatlaridan foydalanishda ehtiyotkor bo‘lishga va xushyorlikni yo‘qotmaslikka chaqiradi. Foydalanuvchi uning kontragenti voyaga yetmagan bo‘lishi ki o‘zini boshqa shaxs sifatida ko‘rsatishi mumkinligini inobatga olishi lozim. Kompaniya xizmatlaridan foydalanish Foydalanuvchi bu tavakkalchiliklarni, shuningdek, Kompaniya Foydalanuvchining harakati yoki harakatsizligi uchun javobgarlikni zimmasiga olmasligini tushunishi va qabul qilishini anglatadi.

8. Foydalanuvchi Saytda tovar yoki xizmat joylashtirilganligi, sotilganligi yoki sotib olinganligidan kelib chiqib, qaysidir tovarni yoki xizmatni taklif qilish, sotish va sotib olish haqiqiy va qonuniy ekanligi haqida xulosa qilmasligi lozim. Kompaniya Sayt Foydalanuvchisi bitimining yakunlagani uchun javobgarlikni zimmasiga olmaydi. Foydalanuvchi o‘z harakatlari uchun javobgarlikni to‘liq o‘z zimmasiga oladi.

9. Agar Foydalanuvchida boshqa Foydalanuvchiga nisbatan uning Sayt xizmatlaridan foydalanishi oqibatida e‘tirozi paydo bo‘lsa Foydalanuvchi bu e‘tirozlarni Kompaniyaning aralashuvisiz o‘zi mustaqil tarzda bildirishiga rozilik beradi, shuningdek, Kompaniyani (uning sho‘‘ba korxonalari, affillangan shaxslari, xizmatchilari, direktorlari, vakillari va xodimlari bilan birga) barcha talablar, majburiyatlar, bunday talablar natijasida yoki ular bilan bog‘liq holda apydo bo‘lgan, ma‘lum va noma‘lum zararlar, xarajatlar va chiqimlarni, shu jumladan advokat gonorarini undrish bo‘yicha kompensatsiyalardan ozod etadi.

10. Foydalanuvchi yoki boshqa foydalanuvchilar tomonidan Kelishuv qoidalari buzilgan hollarda Kompaniya tomonidan ko‘rsatilgan harakatsizlik, Kompaniyani o‘z manfaatlarini himoya qilish bo‘yicha keyinchalik tegishli harakatlar qilish huquqidan mahrum qilmaydi, shuningdek, keyinchalik xuddi shunday yoki shunga o‘xshash qoidabuzarliklar sodir etilganida Kompaniyaning o‘z huquqlaridan voz kechishini anglatmaydi.

11. Foydalanuvchi http://olx.uz/info/ havolasidan foydalangan holda Kompaniyaga uning huquqlari boshqa Foydalanuvchi tomonidan buzilganligi haqida xabar berishga haqli. Foydalanuvchining shikoyatlari asosli bo‘lganda Kompaniya Foydalanuvchining huquqlarini buzayotgan e‘lonni o‘chiradi.

12. Kompaniya oqibatidan qochib bo‘lmaydigan yoki yengib bo‘lmas kuch (hokimiyat qarorlari, mehnat nizolari, baxtsiz hodisalar, umumiy kommunikatsiya tizimidagi uzilishlar va h.k.) ta‘sirida sodir bo‘lgan holatlar tufayli Saytdan foydalanishni ta‘minlash yuzasidan majburiyatlarining bajarilmasligi yoki bajarishda qiyinchiliklar yuzaga kelgani uchun javobgar emas.

13.Kompaniya qurilma va dasturiy ta‘minot faoliyatidagi texnik uzilishlar sababli kelib chiqqan sayt faoliyatidagi kamchiliklar uchun javobgarlikni zimmasiga olmaydi.

14.Foydalanuvchi tomonidan Sayt yoki uning servislaridan foydalanish, yoki noto‘g‘ri foydalanish natijasida kelib chiqqan zarar yuzasidan hech bir vaziyatda Kompaniya, uning rahbariyati, xodimlari va agentlari to‘g‘ridan-to‘g‘ri, bilvosita, bexosdan, qasddan yetkazilgan zarar va jarimalar uchun, (hatto Kompaniya zarar yetkazilishi mumkinligi haqida ogohlantirilgan bo‘lsa ham), javobgarlikni zimmasiga olmaydi.

15.Kelishuvdagi hech bir qoida foydalanuvchi va Kompaniya o‘rtasida agentlik munosabatlari, sheriklik munosabatlari, hamkorlik faoliyati bo‘yicha munosabatlar, shaxsiy yollash munosabatlari yoki Kelishuvda to‘g‘ridan-to‘g‘ri nazarda tutilmagan boshqa munosabatlar o‘rnatilishi sifatida tushunilmasligi lozim.

16.Kompaniya huquqni qo‘llash qonunchiligida belgilangan tartibda Sayt xizmatlarida joylashtirilgan reklama uchun javobgar hisoblanadi.

9. KELISHUVNING AMAL QILISH MUDDATI VA SAYT XIZMATLARI KO‘RSATILISHINING TOʻXTATILISHI

1.Mazkur Kelishuv Foydalanuvchi tomonidan Saytning qaysidir xizmatidan foydalanishni boshlangan yoki Foydalanuvchi Saytda ro‘yxatdan o‘tgan paytdan boshlab kuchga kiradi va amal qilish muddati cheklanmaydi.

2.Foydalanuvchi bir taraflama tartibda, bu haqda Kompaniyani oldindan ogohlantirmagan va uning sabablarini tushuntirmagan holda o‘zining Saytda ro‘yxatdan o‘tganligini tugatishga haqli.

3.Agar Kompaniya tomonidan Kelishuvning 9.1 bandida nazarda tutilgan tartibda Kelishuvga kiritilgan qandaydir o‘zgartirishlar bilan Foydalanuvchi rozi bo‘lmagan xolatda, Foydalanuvchi Sayt servislaridan foydalanishni to‘xtatishi lozim. Saytdan foydalanishni davom etilishi Foydalanuvchining Kelishuvning tegishli tahririga roziligini tasdiqlashini anglatadi.

4.Quyidagi hollarda Kompaniya Kelishuvni bekor qilishi mumkin:

Mazkur Kelishuv qoidalari buzilganida, Kompaniyaga, shu jumladan uning mavqeiga yoki OLX.uz foydalanuvchilariga har qanday zarar yetkazilganida;
Kompaniya siyosatiga zid keluvchi boshqa harakatlar sodir etilganida;

5.Kompaniya ma‘muriyati tomonidan tegishli qaror qabul qilingandan so‘ngina, huquqiy munosabatlar tiklanishi mumkin.

10. KELISHUVGA O‘ZGARTIRISHLARNING KIRITILISHI

1.Kelishuv Kompaniya tomonidan hech qanday ogohlantirishlarsiz o‘zgartirilishi mumkin, agar Kelishuvning yangi tahririda boshqacha hol nazarda tutilmagan bo‘lsa, Kelishuvning yangi tahriri u Saytda joylashtirilgan paytdan boshlab kuchga kiradi. Kelishuvning amaldagi tahriri har doim quyidagi manzildagi sahifada mavjud bo‘ladi: http://olx.uz/terms/.

11. BOSHQA SHARTLAR

1.Foydalanuvchining e‘lonlariga taalluqli Saytning tizimli xabarlari Saytda e‘lon joylashtirishda Foydalanuvchilar bergan elektron manzil bo‘yicha yetkaziladi. Agar Foydalanuvchi bunday xabarlarni olishni istamasa u tegishli e‘lonlarni Saytdan o‘chirishga haqli.

2.Foydalanuvchilarning keng doirasi uchun mo‘ljallangan axborot xabarlari, Saytda joylashtiriladi va/yoki tegishli Saytda e‘lonni joylashtirish/ro‘yxatdan o‘tish jarayonida bunday xabarlarni olishga roziligini tasdiqlagan Foydalanuvchilarning elektron manzillariga yuboriladi.

3.Foydalanuvchilar akkauntdagi “tarqatma-xabarnomalar olishni bekor qilish” funksiyasi orqali har qanday paytda o‘z elektron manzillariga axborot xabarlarini olishdan voz kechishlari mumkin.

4.Mazkur Kelishuv yoki u bilan bog‘liq holda Tomonlar o‘rtasida kelib chiqqan nizolar va kelishmovchiliklar, muzokaralar yo‘li bilan hal etiladi. Agar Kelishuv yuzasidan yoki u bilan bog‘liq holda kelib chiqqan, shu jumladan uning ijro eitilishi, buzilishi, bekor bo‘lishi yoki haqiqiy emas deb topilishi bilan bog‘liq xar qanday nizolar, kelishmovchiliklar yoki talablar muzokaralar yo‘li bilan hal etilmasa, bunday nizolar amaldagi qonunchilikka muvofiq sud tartibida hal etiladi.

5.Mazkur Kelishuv O‘zbekiston Respublikasi qonunchiligiga muvofiq tartibga solinadi va sharhlanadi. Mazkur Kelishuv bilan tartibga solinmagan holatlar O‘zbekistonning amaldagi qonunchiligiga muvofiq hal etiladi. Mazkur Kelishuv bilan tartibga solinadigan munosabatlardan kelib chiquvchi barcha nizolar O‘zbekiston qonunchiligi, O‘zbekiston Respublikasi huquqi me‘yorlari bilan belgilangan tartibda hal etiladi.

6.Agar aniq boshqa izoh berilmagan bo‘lsa, mazkur Kelishuv matnida qo‘llanilgan “qonunchilik” atamasi ostida O‘zbekiston Respublikasi qonunchiligi tushuniladi.

7.Sud tomonidan Kelishuvning qaysidir qoidasining haqiqiy emas yoki majburiy ijro etilishi mumkin emas, deb topilishi mazkur Kelishuvning boshqa qoidalarini haqiqiy emas yoki majburiy ijro etilishi mumkin emas deb topilishiga olib kelmaydi.

1-Ilova.MAXFIYLIK SIYOSATI

QOʻLLANILISH SOHASI VA TASDIQLASH

1.OLX.UZ servisidan foydalanuvchi jismoniy shaxslarga doir shaxsiy ma‘lumotlar O‘zbekiston Respublikasi qonunchiligiga muvofiq ro‘yxatdan o‘tgan, quyidagi manzilda: O‘zbekiston Respublikasi, Toshkent shahri, Yakkasaroy tumani, A.Qodirov ko‘chasi, 43-uyda joylashgan “TIRS DILING” Mas‘uliyati cheklangan jamiyat (bundan buyon matnda – Kompaniya) tomonidan qayta ishlanadi. Kompaniya OLX.UZ foydalanuvchilarining shaxsiy ma‘lumotlari bazasining egasi va operatori hisoblanadi.

2.OLX.UZ foydalanuvchilarining shaxsiy ma‘lumotlarini saqlash bazasi kompaniya serverlarining joylashish manzillari,O‘zbekiston Respublikasi hududida joylashgan.

3.Ushbu Maxfiylik siyosati Kompaniya tomonidan o‘rnatilgan www.OLX.UZ sayti (bundan buyon – sayt), OLX mobil ilovasi (bundan buyon–mobil ilova) yordamida to‘plangan shaxsiy ma‘lumotlarni qayta ishlash tartibini va ular bilan bog‘liq xizmatlar hamda foydalanuvchilarga Saytda ro‘yxatdan o‘tish, e‘lonlarni joylashtirish yoki joylashtirilgan e‘lonlarni real vaqt davomida ko‘rib chiqish, shuningdek yuqorida sanab o‘tilgan OLX servisi bilan bog‘liq boshqa xizmatlardan foydalanish imkoniyatini beruvchi vositalarni tavsiflaydi. Qayd etilgan barcha holatlarda Kompaniya tomonidan foydalanuvchilarning shaxsiy ma‘lumotlari faqat O‘zbekiston Respublikasi qonunlari va Shaxsiy ma‘lumotlarga qayta ishlov berishni avtomatlashtirish maqsadida shaxslarni muhofazalash to‘g‘risidagi Konventsiya talablari doirasida qayta ishlanadi. Ushbu Maxfiylik siyosati ularda keltirilgan qoidalarga muvofiq ishlab chiqilgan.

4.Saytdan va/yoki mobil ilovadan va/yoki boshqa unga bog‘liq OLX servis va vositalaridan foydalanish davomida, Foydalanuvchi o‘ziga tegishli shaxsiy ma‘lumotlarni, ya‘ni foydalanuvchining nomi; yashaydigan mintaqasi, elektron pochtasi manzili, telefon raqami, bog‘lanish uchun boshqa ma‘lumotlarni va faqat foydalanuvchining roziligi bilan esa: ip-manzil, aloqa o‘rnatish uchun foydalanuvchining boshqa ma‘lumotlari; foydalanuvchiga boshqa foydalanuvchi tomonidan yoki aks tartibda uzatiladigan xabarlar, xatlar, arizalarni qayta ishlashga hamda o‘z shaxsiy ma‘lumotlarini Kompaniya tomonidan uchinchi shaxslarga, shu jumladan mamlakat chegarasidan tashqariga, istalgan uchinchi mamlakatga uzatilishiga, ushbu Maxfiylik siyosatiga va OLX.UZ servislaridan foydalanish bitimiga muvofiq ravishda Kompaniyaga topshirishga o‘z roziligini beradi.

5.Foydalanuvchilar saytda yoki mobil ilovada joylashtirilgan ba‘zi o‘zga ilovalarga o‘tilganda, Foydalanuvchilar to‘g‘risidagi ma‘lumotlar Kompaniya xosting chegarasidan tashqaridagi, ya‘ni Kompaniyaning bevosita nazoratidan tashqarida to‘planishi mumkin bo‘lgan boshqa kompaniyalarning saytlariga (ilovalarga va h.k.ga) qayta yo‘naltirilishi ehtimoli borligidan xabardor bo‘lishlari kerak. Bunday holatlarda mana shu uchinchi shaxslar tomonidan foydalanuvchilar haqida olingan ma‘lumotlar saytlar va/yoki uchinchi shaxslar ilovalarining Maxfiylik siyosati tomonidan tartibga solinadi.

2.KOMPANIYA TOMONIDAN TO‘PLANADIGAN, OLINADIGAN VA JOYLASHTIRILADIGAN MA‘LUMOTLAR

1. Akkauntlar to‘g‘risida ma‘lumotlar: Foydalanuvchi saytda ro‘yxatdan o‘tishi davomida Kompaniya tomonidan muayyan bir ma‘lumotlar talab qilinishi mumkin, xususan, elektron pochtaning haqiqiy manzili va parol, passport ma’lumotlari. akkauntlar geografik o‘rni, ism va familiyasi, telefon raqami kabi ma‘lumotlar va boshqa qo‘shimcha ma‘lumotlarni o‘z ichiga oladi, shuningdek ular tomonidan o‘z qayd yozuvi ichiga yuklab qo‘yilishi mumkin bo‘lgan suratlar ham talab etilishi mumkin. {akkauntlar foydalanuvchilarga takliflarga bo‘lgan qiziqishlarini bildirish uchun o‘zaro bir-birlari bilan bog‘lanish imkoniyatini beradi}. Jami yuklab olish mumkin bo‘lgan akkauntlar ichiga joylashtiriladigan ma‘lumotlar uchun barcha javobgarlik Foydalanuvchining zimmasida bo‘ladi. Foydalanuvchi muayyan bir ma‘lumotlarni joylashtirayotganda – xususan yashash manzili yoki o‘zining aniq joylashgan yerini barchaga ma‘lum qilayotganida barcha xavf-xatarlardan voqif bo‘lishi, ularni ko‘rib chiqishi talab etiladi. Agar foydalanuvchi tashqi operatorning, masalan, Facebook ma‘lumotlarini autentifikatsiya xizmatidan foydalangan holda saytga kirishga qaror qilgan bo‘lsa, Kompaniya bunday uchinchi shaxs tomonidan taqdim etilayotgan ma‘lumotlar asosida qo‘shimcha profil yoki boshqa ma‘lumotlarga ham ega bo‘lishi mumkin.

2. E‘lonlar va Bitimlar: O‘z sayti faoliyati doirasida Kompaniya turli ma‘lumotlarni, xususan, xaridor bilan sotuvchi o‘rtasidagi bitimlarni amalga oshirish uchun, xabarlar jo‘natish va foydalanuvchilar o‘rtasida muloqot o‘rnatish, to‘lovlarni amalga oshirish uchun zarur bo‘ladigan shaxsiy va bog‘lanish tavsifiga ega ma‘lumotlarni joylashtirishi mumkin. E‘lonlarni joylashtirish uchun zarur bo‘ladigan barcha ma‘lumotlar akkauntlarni yaratishda talab etiladi. Foydalanuvchilar saytda o‘zlari joylashtiradigan barcha ma‘lumotlar uchun javobgar hisoblanadilar. Foydalanuvchi muayyan bir ma‘lumotlarni – xususan manzili yoki boshqa shaxsiy ma‘lumotlarini barchaga oshkor qilishi bilan bog‘liq barcha qaltisliklarni diqqat bilan ko‘rib chiqishi shart.

3. O‘yinlar, Reklama va Targ‘ibot: Kompaniya o‘z saytidagi operatsiyalar doirasida, misol uchun foydalanuvchilarning Kompaniyaning bevosita yoki bilvosita saytlarida tashkillashtiriladigan o‘yinlarda, viktorinalarda va boshqa marketing aktsiyalarida ishtirok etishlari davomida ular haqidagi shaxsiy ma‘lumotlarni, masalan, ism va aloqa o‘rnatish uchun ma‘lumotlarni to‘plashi mumkin. Kompaniya o‘z sayti faoliyati davomida reklama kampaniyalarining samaradorligi bilan, shu jumladan Saytda yoki uchinchi shaxslarning saytlarida qanday e‘lonlar ko‘zda tutilishi bilan bog‘liq bo‘lgan ma‘lumotlarni ham qayta ishlashi mumkin.

4. Mijozlarga xizmat ko‘rsatish: Foydalanuvchilar mijozlarga xizmat ko‘rsatish bo‘limiga murojaat qilganlarida, Kompaniya – o‘z sayti operatsiyalari doirasida – Foydalanuvchi so‘rovnomasini to‘ldirish uchun va zaruriyat yuzaga kelganda qayta bog‘lanish uchun talab etiladigan shaxsiy ma‘lumotlarni to‘plashga haqli. Kompaniya shuningdek, qayd yozuvidagi qayta bog‘lanish maqsadida taqdim etilgan zarur mavjud ma‘lumotlardan foydalangan holda, Foydalanuvchi bilan bog‘lanishi ham mumkin. Shuningdek, Kompaniya Foydalanuvchilar bilan muloqot o‘rnatishda boshqa ma‘lumotlarni ham, masalan, Foydalanuvchilar tomonidan beriladigan qo‘llab-quvvatlash xizmatiga rasmiy so‘rovnoma yoki ular tomonidan taqdim etiladigan teskari aloqa ma‘lumotlarini ham yig‘ishi mumkin.

5. Veb-sayt va mobil ma‘lumotlar: Kompaniya o‘z serverlarida avtomatik ravishda foydalanuvchi brauzeridan yoki boshqa istalgan qurilmadan, jumladan IP-manzil, dasturiy ta‘minot, apparat atributlari, Foydalanuvchi so‘ragan sahifalar, mobil identifikatorlardan olingan ma‘lumotlarni, ilovadan foydalanganlik to‘g‘risidagi ma‘lumotlarni va/yoki boshqa foydalaniladigan qurilmalar haqidagi ma‘lumotlarni yoki tizimli pog‘onadagi ma‘lumotlarni olishi va qayd etib borishi mumkin. Bu saytda yoki mobil ilovada yoki uchinchi shaxslarning servislarida yuz berishi mumkin. Foydalanuvchi qay tarzda bu kabi ma‘lumotlarning to‘plab borilishini nazorat qilishi va/yoki blokirovka qilib qo‘yishi to‘g‘risidagi qo‘shimcha ma‘lumotlar quyida, ushbu Siyosatning 6-bo‘limida keltiriladi.

6. Ilova qilinadigan ma‘lumotlar: Kompaniya, shuningdek, o‘z Foydalanuvchilari haqidagi mavjud ma‘lumotlarga o‘zining hamkorlari yoki uchinchi tomondan qonuniy ravishda olgan ma‘lumotlarini ham qo‘shib qo‘yishi mumkin. Kompaniya to‘plamaydigan va qayta ishlamaydigan ma‘lumotlar: Kompaniya irqqa yoki etnik kelib chiqishga doir ma‘lumotlar, siyosiy, diniy e‘tiqodi yoki dunyoqarashlari, siyosiy partiyalarga va kasaba uyushmalariga a‘zoligi va boshqa shunga monand ma‘lumotlarni to‘plamaydi va qayta ishlamaydi.

7. Ko'p foydalanuvchilar Internet-platformalarida (ijtimoiy tarmoqlarda) foydalanuvchining profayllaridan foydalanish mumkin bo'lgan ma'lumot: Saytda ro'yxatdan o'tishda, yoki ijtimoiy tarmoqlarning autentifikatsiya xizmatlari yordamida saytga kirishda Foydalanuvchi Kompaniyaga ijtimoiy tarmoqlardagi tegishli profayllardan foydalanish mumkin bo'lgan ma'lumotlarni to'plash va qayta ishlashga, shuningdek, tegishli ijtimoiy tarmoqlarda Foydalanuvchining Saytdagi va/yoki mobil ilovadagi harakatlari to'g'risidagi ma'lumotlarni e’lon etishga rozilik beradi.

8. Reytinglar va baholarga doir ma'lumot: Sizning baholaringiz va fikr-mulohazalaringiz, boshqa foydalanuvchilardan olingan fikr-mulohazalar va baholar asosidagi ma'lumotlarni biz qayta ishlaymiz. Biz Foydalanuvchilarni ularning tranzaktsion tajribasidan qoniqishlarini o'rganish va foydalanuvchilar o'rtasidagi o'zaro munosabatlarning eng yaxshi darajasini ta'minlash, istalmagan faollikni aniqlash va shu munosabat bilan Xizmat doirasida taqdim etiladigan xizmatlarning yuqori standartlarini ta'minlash uchun tegishli choralarni ko'rish imkoniyatiga ega bo’lish maqsadida ushbu ma'lumotlarni qayta ishlaymiz.

3. IP-MANZIL, KUKILAR (COOKIES) VA MOBIL IDENTIFIKATORLAR

0.O‘z sayti faoliyati doirasida Kompaniya Kukilar (kuklar, cookies), piksellar (pixels) va lokal (mahalliy) saqlash joylari kabi (Sizning brauzeringiz yoki mobil qurilmangizdagi kabi) texnologiyalar yordamida muayyan ma‘lumotlarni to‘plab borishi mumkin.
1.KUKILAR (COOKIES) – bu uncha katta bo‘lmagan matnli fayllar bo‘lib, ular ma‘lumotlarni foydalanuvchining bevosita kompьyuterida, uning mobil telefonida yoki boshqa qurilmasining o‘zida saqlaydi.
2.Piksellar (pixels) – uncha katta bo‘lmagan raqamli tasvirlar, veb-sahifalarning bir qismi hisoblanib, ular boshqa serverga veb-sahifalarning ko‘rib chiqilish sonini aniqlash imkonini beradi va ulardan ko‘pincha kukilar (cookies) bilan uyg‘unlikda foydalaniladi. Kod qachonki (va qaysi sahifada) pikselь yuklanganida kuzatiladi, maqsad foydalanuvchining sahifa bilan yoki Saytning ma‘lum qismi bilan o‘zaro bog‘lanishini ko‘rsatishdir.
3.Kukilar (cookies) yordamida veb-server Foydalanuvchining kompьyuterida, uning mobil telefoni yoki boshqa qurilma(lari)da ustunliklar va sozlashlarni saqlab qo‘yish mumkin, u esa keyin navbatdagi kirilganda avtomatik ravishda tiklanadi. Yoki boshqacha qilib aytadigan bo‘lsak, kukilar (cookies) fayllari bularning barchasidan tashqari, Saytdan foydalanishni yanada qulayroq qilish uchun ham xizmat qiladi, demak, misol uchun Foydalanuvchi tizimga navbatdagi kirish chog‘ida jarayonni qaytarishiga hojat qolmaydi. Kompaniya doimiy bilan bir qatorda yana sessiyaviy kuklardan ham foydalanadi. Doimiy kuklar Foydalanuvchining kompьyuterida nisbatan uzoq davr mobaynida saqlanadi, sessiyaviy kuklar esa brauzer darchasi yopilishi bilan avtomatik ravishda o‘chiriladi.
4.Kompaniya uchinchi taraflarga, ya‘ni reklama va/yoki tahliliy xizmatlarni taqdim etuvchilarga bevosita Sayt yoki mobil ilovalar veb-sahifasida mana shu turdagi texnologiyalardan foydalangan holda ma‘lumotlar yig‘ishlariga ruxsat beradi. Ular to‘plagan ma‘lumotlar mana shu uchinchi tomonlarning amaldagi maxfiylik siyosatiga muvofiq himoya qilinishi shart.

4. SHAXSIY MA‘LUMOTLARDAN FOYDALANISH

Kompaniya xizmatlar ko‘rsatish maqsadida o‘zi to‘plagan ma‘lumotlardan foydalanishi mumkin, bu ma‘lumotlarni Kompaniya quyidagi maqsadlar uchun to‘playdi va joylashtiradi:
1. mijozlarga ko‘rsatiladigan xizmatlarni ta‘minlash, shu jumladan foydalanuvchilarning akkauntlarni yaratish va ularni boshqarish, texnik qiyinchiliklarni bartaraf etish va turli funksiyalardan foydalanish imkoniyatini yaratish;
2.o‘z servislari hamda uchinchi shaxslarning servislarida takliflar va tajribalar, shu jumladan reklamalarni moslaslashtirish;
3.Foydalanuvchilarning umumiy va shaxsiy faolligini, ya‘ni muhim so‘zlar bo‘yicha izlash, e‘lonlarni joylashtirish va bitimlar tuzish bo‘yicha faolligi kabilarni nazorat qilish, shuningdek saytdagi trafikni boshqarish uchun;
4.servis masalasi, mijozlarga xizmat ko‘rsatish yoki ruxsat etilgan har qanday aloqa kanallari orqali marketing kommunikatsiyasi masalalari bo‘yicha foydalanuvchilarimiz bilan bog‘lanish;
5.servisimizni yaxshilash maqsadida ilmiy-tadqiqot va tahliliy tashabbuslarni amalga oshirish;
6. OLX.UZ servislaridan Foydalanuvchilar bitimiga rioya etilishini ta‘minlash, shu jumladan muttahamlik va haqoratlashlarga qarshi kurashish maqsadida.
Kompaniya oʻz saytida toʻplanadigan va qabul qilinadigan maʼlumotlarni, yuqorida sanab oʻtilgan maqsadlarning bajarilishi qancha vaqtni talab qilsa, shuncha vaqt davomida saqlash huquqiga ega.

5.MA‘LUMOTLAR ALMASHINUVI

0.Kompaniya biron-bir uchinchi mamlakatda joylashgan affillangan shaxslar (umumiy mulkchilik yoki Naspers Group umumiy nazorati ostida faoliyat yurituvchi kompaniyalar) bilan o‘zi to‘plagan ma‘lumotlarni almashinish huquqiga ega. Bu kompaniyalar olingan shaxsiy ma‘lumotlarni mazkur Maxfiylik siyosatining 4-bandida ko‘rsatilgan maqsadlar uchungina qayta ishlashi va ulardan foydalanishi mumkin. Bunda uzatilgan ma‘lumotlar ushbu maxfiylik siyosatining predmeti bo‘lib qolaveradi.
1.Kompaniya affillanmagan shaxslarga foydalanuvchilar to‘g‘risidagi ma‘lumotlarni agar buning uchun Foydalanuvchilarning shaxsan o‘zidan olingan muvofiq ruxsat bo‘lmasa yoki quyidagilardan o‘zga holatlarda taqdim etmaydi:
2.Kompaniya o‘z xizmatlarining tarkibiy qismi bo‘lgan ba‘zi xizmatlarni taqdim etishda chetdan olingan (tashqi) ta‘minotchilar xizmatidan ham foydalanishi mumkin, bunday holatlarda ta‘minotchilar Kompaniya Sayti yordamida olingan shaxsiy ma‘lumotlardan foydalanish vakolatiga ega bo‘lmaydilar, shaxsiy ma‘lumotlar esa mazkur Maxfiylik siyosatining predmeti bo‘lib hisoblanadi.
3.Kompaniya qonun talablariga muvofiq xususiy shaxslar va davlat organlari bilan quyidagi maqsadlar uchungina to‘plagan ma‘lumotlari bilan almashinish huquqiga egadir:
Saytda tovlamachilik va o‘z manfaati yo‘lida foydalanishga qarshi kurashishda;
taxmin qilingan qonun buzilishlarini tekshirishda yoki Foydalanuvchilar tomonidan OLX.UZ servislaridan Foydalanuvchi bitimini har qanday buzilishlariga qarshi kurashishda.
4.Kompaniya O‘zbekiston Respublikasi qonunlariga muvofiq rasmiylashtirilgan vakolatli organlarining talablariga binoan foydalanuvchilar to‘g‘risidagi shaxsiy ma‘lumotlarni tegishli idoralarga taqdim etishga majbur.
5.Maxfiylik siyosatiga muvofiq Kompaniya Foydalanuvchi to‘g‘risidagi har qanday shaxsiy ma‘lumotlarni ijaraga bermaslik yoki sotmaslik majburiyatini oladi. Agar Kompaniya biznesi yoki biznesining ma‘lum bir qismi sotilsa yoki qayta tashkil etilsa, u holda Kompaniya o‘zining barcha yoki deyarli barcha aktivlarini Kompaniyaning yangi egasiga topshiradigan bo‘lsa, u holda, Sayt tomonidan ko‘rsatiladigan xizmatning uzluksizligini ta‘minlash maqsadida foydalanuvchilarning shaxsiy ma‘lumotlari ham xaridorga topshirilishi mumkin.
6.Kompaniya muayyan shaxsga qarashli bo‘lmagan ma‘lumotlarni (Foydalanuvchilarni alohida identifikatsiya qilish imkoniyatini bermaydigan ma‘lumotlar) qanday xizmatlar yoki reklamalar Foydalanuvchilarni qiziqtirishi mumkinligini aniqlash, Saytdagi xizmatlar yoki servis sifati va umumiy samaradorligini yaxshilash maqsadlarida yoki Kompaniya fikriga ko‘ra ulkan ijtimoiy farovonliklar keltirishi mumkin bo‘lgan ilmiy tadqiqotlarga o‘z hissasining qo‘shilishini ta‘minlash masadlarida xizmatlar ta‘minotchilariga, ishonchli hamkorlarga yoki ro‘yxatdan o‘tgan tadqiqotchilarga berishi mumkin.
7.Maxfiylik siyosatining 5-bo‘limida ko‘zda tutilgan shaxsiy ma‘lumotlarni uzatish holatlarida Foydalanuvchi to‘g‘risidagi shaxsiy ma‘lumotlar talab etilgan joyga berilgani haqida uni xabardor qilish Kompaniyaning ixtiyorida qoladi.

6.FOYDALANUVCHI NAZORATI

1.Kirish, Tahrirlash va O‘chirib tashlash: Ro‘yxatdan o‘tgan yoki Saytda e‘lon joylashtirgan Foydalanuvchilar o‘zlari taqdim etgan ma‘lumotlarga kirishlari, tahrirlashi yoki o‘chirib tashlashlari mumkin. Taqdim etilayotgan ma‘lumotlarning yoki Saytda berilgan xabarlarning aniqligi va to‘g‘riligiga Foydalanuvchining o‘zi javobgar bo‘ladi. Agar Foydalanuvchining akkauntlari identifikatsiya provayderi orqali yaratilgan bo‘lsa (masalan, FacebookConnect, Vkontakte kabi) ham, Foydalanuvchi identifikatsiya provayderining sozlash ilovalari (misol uchun, facebook.com, vk.com) orqali mazkur qaydlarni o‘chirishi yoki o‘zgartirishi mumkin. Joylashtirilgan ma‘lumotlar Foydalanuvchining Sayt veb-sahifasidagi yoki ilovalardagi “Mening profilim” shaxsiy kabinetida o‘zgartirilishi yoki o‘chirib tashlanishi mumkin.
2.Tashqi shaxslarni tanlash: saytda amalda bo‘lgan ba‘zi tashqi sub‘ektlar, masalan, Google Adwords foydalanuvchilarga foydalanuvchilarning faolligiga asoslanib, ma‘lumotlarni to‘plash va o‘z ma‘lumotlaridan reklama uchun foydalanishga bergan roziliklarini qaytarib olishlariga imkon beradi. Batafsil ma‘lumot va tanlash imkoniyatiga ega bo‘lish uchun http://www.networkadvertising.org saytiga kiring.
3.Kukilar (Cookies): asosiy kompьyuter va mobil veb-brauzerlarning aksari qismi (misol uchun, Safari, Firefox, Internet Explorer, Chrome, Opera) Foydalanuvchiga sizning tizimlaringizda Kukilar (Cookies) o‘rnatilishini cheklash yoki blokirovka qilishga imkon beruvchi boshqaruv elementlarini ta‘minlab beradi. Birinchi toifali (tez-tez kiriladigan saytlar) va boshqa domenlar (tez-tez kiriladiganlarga bog‘liq saytlar)ga nisbatan Kukilar (Cookies)ni o‘chirib qo‘yish ba‘zi holatlarda ushbu veb-saytlar funksionalligining cheklanishiga olib kelishi mumkin.

7.XAVFSIZLIK

Biz to‘playdigan barcha ma‘lumotlar ruxsatsiz kirish yoki ma‘lumotlardan foydalanishlarning oldini olish maqsadlarida, imkon doirasida,xavfsizlikni ta‘minlash chora-tadbirlari va texnik vositalar bilan himoyalangan. Kompaniya bilan affillangan shaxslar, ishonchli hamkorlar va tashqi ta‘minotchilar Kompaniyadan olgan ma‘lumotlardan bizning talablarimizga va ushbu Maxfiylik siyosati talablariga muvofiq foydalanish majburiyatini o‘z zimmalariga oladilar.

8.USHBU SIYOSATGA O‘ZGARTIRISHLARNING KIRITILISHI

1.Ushbu maxfiylik siyosati so‘nggi marotaba 08.06.2016 da yangilangan. Kompaniya ushbu maxfiylik siyosatini vaqt-vaqti bilan yangilab turishi mumkin, yangi tahrirdagi maxfiylik siyosati u mazkur bandda ko‘rsatilgan manzil bo‘yicha Internet tarmog‘ida joylashtirilgan vaqtdan boshlab kuchga kiradi, agar yangi tahrirdagi Maxfiylik siyosatida boshqa narsa ko‘rsatilmagan bo‘lsa. Maxfiylik siyosatining amaldagi tahriri har doim quyidagi manzil bo‘yicha joylashtirilgan bo‘ladi: http://olx.uz/terms/#r12/.

2.Kompaniya tomonidan Maxfiylik siyosatiga har qanday o‘zgartirishlar kiritilgan taqdirda, agar Foydalanuvchi bu o‘zgartirishlarga rozi bo‘lmasa, undan bunday holatda Sayt servisidan foydalanishni to‘xtatish talab qilinadi. Foydalanuvchining Saytdan foydalanishda davom etish fakti uning tomonidan Maxfiylik siyosatining muvofiq tahririga rozi ekani va uni qabul qilishini tasdiqlaydi.