(!) Ushbu manzil orqali olx.uz da eʼlon berishga taqiqlangan tovar/mahsulotlar va xizmatlar ro`yxati bilan tanishib chiqing!

(!) Agar e‘londa qonunchilik bilan taqiqlangan tovarlar/xizmatlar ko‘rsatilgan bo‘lsa, foydalanuvchi akaunti oldindan ogohlantirilmasdan bloklanishi mumkin.

1. Sarlavxa:

E’lon sarlavxasi qisqa, informativ bo‘lishi,tovar,xizmat yoki taklifingizga mijoz diqqatini tortuvchi nom bo‘lishi kerak. Sarlavxa – bu potensial mijoz birinchi navbatda eʼtibor beradigan jihat. Sarlavxa qisqa va aniq bo‘lishiga harakat qiling (maksimal belgilar soni: 70)

Sarlavxada quyidagilardan foydalanish taqiqlanadi:

– Hamma yoki ayrim soʻzlarda bosh harflardan foydalanish (qisqartmalardan tashqari):
Toʻgʻri: Chiroyli koʻylak sotiladi.
Man etilgan: CHIROYLI KOʻYLAK SOTILADI.

Toʻgʻri: Kvartira sutkasiga ijaraga beriladi.
Man etilgan: KVARTIRA sutkasiga ijaraga beriladi.

– Harf boʻlmagan belgilar (*^@<>), hamda koʻplab undov (!!!!!) yoki soʻroq (????) belgilari.
Toʻgʻri: Soch ulash, sifatli va arzon.
Man etilgan: <<@**Soch ulash,arzon!!!!!!!!**@>>

– Takrorlanuvchi kalit soʻzlar yoki iboralar toʻplami (teglar). Qidirish tizimlari ularni spam deb hisoblab, indekslamasligi mumkin, bu esa eʼloningiz qidiruv natijasiga kiritilishiga toʻsqinlik qiladi.
Toʻgʻri: Buyurtmaga portret chizamiz.
Man etilgan: Portret buyurtirish. Portret buyurtirish Toshkent. Toshkent portret buyurtirish Toshkentda. Toshkent portret buyurtirish Toshkent. Toshkent fotosurat boʻyicha portret Toshkent. Toshkentda portret buyurtirish Toshkentda. TOShKENT PORTRET BUYURTIRISH Art Studiyada aksiya Biz bilan doim foydali!

(!) Man etilgan: E’lon sarlavxasida tovar yoki xizmatning narxini ko’rsatish.

(!) Man etilgan:Taklif qilinayotgan tovar yoki xizmatga tavsif bermaydigan va unga aloqador bo’lmagan so’zlar yoki alohida iboralardan foydalanish.

2. Boʻlim,Rukn:

Eʼloningizning mazmuniga imkon qadar mos keladigan boʻlim va ruknni tanlang – bu eʼloningiz potensial mijozlar tomonidan ham, qidiruv tizimlari tomonidan ham topilish imkoniyatini oshiradi.

Eʼlonning mos boʻlmagan boʻlim yoki ruknga joylashtirilishi uning oʻchirilishiga yoki mos boʻlim yoki ruknga oʻtkazilishiga olib kelishi mumkin. Saytda sarlavxadagi kalit soʻzlar asosida ruknni avtomatlashtirilgan tarzda tanlash tizimi joriy etilgan. Bunda tizim zarur ruknni oʻzi taklif etadi, ammo xatolikni oldini olish uchun eʼlonning mazmuniga koʻra ruknning mosligini qayta tekshirish kerak.

Bolalar dunyosi – jismoniy shaxslar bolalar uchun moʻljallangan tovarlarni ayirboshlashi va sotishiga oid eʼlonlar uchun maxsus boʻlim. Agar Siz internet-do’kon, kichik, oʻrta yoki yirik biznes vakili boʻlsangiz yoki foyda olish maqsadida tovar sotayotgan boʻlsangiz, eʼlon joylashtirishda Biznes parametrini tanlashingiz lozim.

Moda va uslub – jismoniy shaxslarning kiyim, aksessuarlar, rasm boʻlgan buyumlar va sovgʻalarni, goʻzallik va salomatlik uchun moʻljalllangan tovarlarni ayirboshlash va sotilishiga oid eʼlonlari joylashtiriladigan boʻlim. Agar Siz internet-do’kon, kichik, oʻrta yoki yirik biznes vakili boʻlsangiz yoki foyda olish maqsadida tovar sotayotgan boʻlsangiz, eʼlon joylashtirishda Biznes parametrini tanlashingiz lozim.

Uy va bogʻ – jismoniy shaxslarning roʻzgʻor buyumlari, interer buyumlari, mebel, qurilish mollari va asbob-uskunalari, bogʻdorchilik anjomlariga oid eʼlonlari joylashtiriladigan boʻlim. Agar Siz internet-do’kon, kichik, oʻrta yoki yirik biznes vakili boʻlsangiz yoki foyda olish maqsadida tovar sotayotgan boʻlsangiz, eʼlon joylashtirishda Biznes parametrini tanlashingiz lozim.

Elektr jihozlar – jismoniy shaxslarning barcha turdagi elektronika va maishiy texnika sotilishiga oid eʼlonlari joylashtiriladigan boʻlim. Agar Siz internet-do’kon, kichik, oʻrta yoki yirik biznes vakili boʻlsangiz yoki foyda olish maqsadida tovar sotayotgan boʻlsangiz, eʼlon joylashtirishda Biznes parametrini tanlashingiz lozim.

Hayvonlar – hayvonlarni sotish va almashinish, hayvonlarni qochirish va ularning parvarishi uchun zarur tovarlarning sotilishiga oid eʼlonlar joylashtiriladigan boʻlim. Agar Siz pitomnik, kichik, oʻrta yoki yirik biznes vakili boʻlsangiz yoki foyda olish maqsadida hayvonlarni sotayotgan boʻlsangiz, eʼlon joylashtirishda Biznes parametrini tanlashingiz lozim.

Transport – yengil avtomobillar, avtotransport va avtomobil ehtiyot qismlarini sotish va almashtirishga oid eʼlonlar joylashtiriladigan boʻlim. Agar Siz internet-do’kon, kichik, oʻrta yoki yirik biznes vakili boʻlsangiz yoki foyda olish maqsadida tovar sotayotgan boʻlsangiz, eʼlon joylashtirishda Biznes parametrini tanlashingiz lozim.

Koʻchmas mulk – koʻchmas mulkni sotish, sotib olish, ijaraga berish va almashtirishga oid eʼlonlar joylashtiriladigan boʻlim.

Biznes va xizmatlar – turli xil xizmatlar taklif qilinuvchi, shuningdek uskuna, xom ashyo/materiallarning sotilishiga oid eʼlonlar joylashtiriladigan boʻlim.

(!) Ta’lim-sport – biznes-foydalanuvchilarga litsenziya-raqamini va yuridik nomini qo’rsatish lozim.

Xobbi, dam olish va sport – hordiq chiqarish, xobbi va sport tovarlarining sotilishiga oid oid eʼlonlar joylashtiriladigan boʻlim. Shuningdek, ushbu boʻlim sahifalarida yoʻl hamrohlarini topish,musiqiy guruhga birlashish mumkin.

Ish – boʻsh ish oʻrinlari va ish qidirishga oid eʼlonlar boʻlimi.

3. Narx, Ayirboshlash, Bepul, Ish haqi:

Narx parametrini koʻrsatish mazkur parametrlar koʻzda tutilgan ruknlardagi eʼlonlar uchun majburiydir. Agar tovarni kelishilgan narxda sotishni istasangiz, boshlangʻich narxni koʻrsating yoki «Kelishilgan» satrini belgilang.

Yodda tuting, shartli narxning koʻrsatilishi (masalan, 1 soʻm, 111 soʻm va hokazo) man etilgan va bu eʼloningiz oʻchirilishi uchun asos boʻlishi mumkin.

Eʼtibor bering, agar tovar yoki xizmatni bepul sotishni rejalashtirmagan boʻlsangiz – narxni tanlashda Bepul parametrini koʻrsatmang. Bu ham eʼloningiz oʻchirilishi uchun asos boʻlishi mumkin.

Agar tovar bilan almashinmoqchi boʻlsangiz, Ayirboshlash parametrini koʻrsating, bunda taʼrifga almashinish tafsilotlarini ham kiriting (almashinmoqchi boʻlgan tovar va xizmatni koʻrsating).

Bepul yoki Ayirboshlash parametrlari koʻrsatilgan barcha eʼlonlar, alohida xuddi shunday nomlangan roʻyxatga kiritilgan, alohida navbatlarda takrorlanadi.

Koʻchmas mulk boʻlimida alohida Koʻchmas mulkni ayirboshlash ruknini tanlang.

Ish ruknida Ish haqi… dan … gacha parmetridan foydalanish mumkin. Taklif qilinayotgan ish haqi boʻyicha toʻgʻri maʼlumotlarni koʻrsating, zarur boʻlsa, Kelishilgan parametridan foydalaning.

Eʼlonlarda narxni koʻrsatish boʻyicha maʼlumot bilan batafsil ushbu havola orqali tanishishingiz mumkin.

4. Parametrlar:

Har bir rukn uchun tovar yoki xizmatning taʼrifiga mos alohida parametrlar roʻyxati berilgan.

5. Jismoniy shaxs, Biznes:

Agar shaxsiy narsalaringizni/buyumlaringizni, oʻz avtomobilingizni, koʻchmas mulkingizni sotayotgan boʻlsangiz Jismoniy shaxs parametrini tanlang.

Agar Siz vositachi / rieltor / broker / koʻchmas mulk boʻyicha agent; kompaniya, firma, agentlik, internet-do’kon vakili; xususiy tadbirkor boʻlsangiz va biznes-taklif joylashtirayotgan boʻlsangiz Biznes parametrini tanlang.

Jismoniy shaxs/Biznes parametrini notoʻgʻri tanlash eʼlon rad etilishiga olib keladi. Muntazam qoidabuzarliklar tiklanish huquqisiz akkauntning blokirovka qilinishiga olib keladi.

6. Taʼrif:

Taʼrif eʼlon sarlavxasiga va taklif etilayotgan tovar/xizmatga mos boʻlishi lozim. Bitta taʼrifda bir dona tovar,buyum, xizmatga taʼrif berilishi mumkin. Matnning birinchi 2-3 satrlari eʼloningizning eng eʼtibor tortadigan qismi boʻlishi kerak, chunki birinchi boʻlib eʼlonning sarlavxasi va birinchi gapi koʻzga tashlanadi.Diqqat bilan toʻgʻri yozing,xato qilmang,fikringizni aniq bayon eting.

Tovarning barcha xususiyatlari, u toʻgʻrisidagi tafsilotlar taʼrifda bayon etilishi lozim.

Taʼrifda noaniq yoki yolgʻon maʼlumotning berilishi, tovar nuqsonlarining yashirilishi eʼlonning oʻchirilishi uchun asos boʻlishi mumkin.

(!) Mazmunan yoki mohiyatiga ko’ra bir birini takrorlovchi eʼlonlarning joylashtirilishi man etiladi.

(!) Eʼtibor bering: ( Agarda, e`lon berishda, e`lon ma`lumotlari yoziladigan maxsus shablonining telefon yoziladigan maydonidagi raqam bilan tog`ri kelmasa ) taʼrifda telefon raqamining,elektron manzil, har qanday messenjerlar boʻyicha aloqa maʼlumotlarining, ijtimoiy tarmoq, guruh loginlarining berilishi man qilingan, sayt nomi. Telefon raqami uchun maxsus maydon mavjud, bogʻlanish uchun boshqa maʼlumotlarni yozishma orqali berish mumkin.

(!) Nomini ko‘rsatgan holda, messenjerlar va/yoki boshqa ijtimoiy tarmoqlar orqali xat yozishishga undash man etiladi. Misol: menga telegrammga yozing, instagramm direktiga yozing, meni feysbukdagi login bo‘yicha topish mumkin. Shuningdek, messenjerdagi shaxsiy havolani ko‘rsatish ham man etiladi.

7. Foto:

Eʼloningizga albatta fotosurat qoʻshing.Tovarning aniq va sifatli tasvirini koʻrgan mijoz xuddi shunga oʻxshagan,ammo fotosurat berilmagan eʼlonga nisbatan Sizning eʼloningizni afzal koʻradi.

Tovarni/xizmatni namoyish etuvchi fotosuratlar eʼlonning sarlavxasiga va matniga mos boʻlishi kerak. Fotosuratda faqat taklif etilayotgan obʼekt tasvirlangan boʻlishi kerak.

(!) Eʼlonga sifati yomon,tasvirlangan predmetni ajratib boʻlmaydigan fotosuratlarni qoʻyish man etiladi. Shuningdek, erotik va pornografik mazmundagi fotosuratlar man etiladi.

(!) Fotosuratda OLX do’koniga havolalardan tashqari logotip, bogʻlanish uchun har qanday maʼlumotlarning (telefon raqamlari,messenjerlar va ijtimoiy tarmoqlarning loginlari,har qanday saytga havolalarning) berilishi man etiladi.

(!) Fotosur’at/rasmlarda va e`lon matnida OLX savdo belgisini (logotipini) ishlatish, web-sayt dizayn elementlarini, jumladan, OLX pullik xizmatlar qo`llanilganligini ko`rsatuvchi belgilarni ishlatish (masalan “В ТОПЕ” belgisi), e`lon yoki foydalanuvchi OLX ma`muriyati tomonidan ma`qullanganligi haqidagi ma`lumotni ko`rsatish, sayt nomidan maxsus maqomlar berish va h.k.

(!) Ichki kiyim sotish bo`yicha e`lonlarda ushbu ichki kiyim jonli modellarda kiyib ko`rsatilgan fotosur’atlarni yuklash taqiqlanadi.
Ichki kiyimlar faqatgina manekenlarga kiyib ko`rsatilgan fotosur’atlar, yoki tovarning o`zi rasmga olingan fotosur’atlar qabul qilinadi.

Stok fotosuratlar qoidasi:
Stok fotosuratlar – bu internetdan olingan suratlar boʻlib, OLX servisi orqali sotilayotgan tovarning hozirgi holatini namoyon qilmaydi.

BARCHA tovar ruknlar uchun, shaxsan OʻZINGIZ olgan suratlarni yuklashni qatʼiyan TAVSIYA QILAMIZ. Potensial mijozlarda haqiqiy fotosuratlar koʻproq ishonch uygʻotadi.

Xizmatlar uchun xizmatni tavsiflovchi fotosuratlardan foydalanish mumkin. Servisda, koʻrsatilayotgan xizmatni tavsiflovchi qisqa matn berilgan fotosuratdan foydalanishga ruxsat beriladi.

Eʼlonlarda beriladigan fotosuratlarga qoʻyilgan talablar boʻyicha batafsil maʼlumot bilan ushbu havola orqali tanishib chiqishingiz mumkin.

8. Manzil:

Eʼlonda turar joyingizga muvofiq aholi punktini koʻrsating.

Eʼtibor bering: Koʻchmas mulk ruknida koʻchmas mulk obʼekti joylashgan aholi punkti koʻrsatilishi lozim.

Koʻchmas mulkni ayirboshlash ruknida rejalashtirgan almashinish obʼekti joylashgan aholi punktini, zarur boʻlsa, bitim tuzilishini istagan aholi punktingizni eʼlon tarifida koʻrsatishingiz mumkin.

Bitta yoki turli aholi punktlarida bir xil yoki mazmunan oʻxshash eʼlonlarning joylashtirilishi man etiladi.

Joylashgan manzilni ko‘rsatish quyidagicha kechadi: Maxsus maydonda shahar nomini saytning tegishli tilida (o‘zbek yoki rus) to‘g‘ri formatda ko‘rsatish lozim, so‘ng tizim Sizga shahar/tumanni tanlashni taklif etadi, taklif etilgan variantlardan keragini tanlang. Bu maydonga manzilni mustaqil ravishda yozishga xojat yo‘q

9. Aloqaga chiquvchi shaxs:

Bu maydon FAQAT sizning ismingiz yoki tashkilot nomi koʻrsatilishi uchun moʻljallangan.

(!) Bu maydonda bogʻlanish uchun boshqa har qanday maʼlumotlarning (telefon, elektron manzil, Skype, ICQ,messenjerlar va ijtimoiy tarmoqlar loginlari) koʻrsatilishi hamda OLX servisining qoidolariga zid soʻz va iboralarning qoʻllanilishi man etiladi.

10. Elektron manzil:

Sizning elektron manzilingiz Mening profilim shaxsiy akkauntiga kirish uchun foydalanuvchining logini hisoblanadi.

Foydalanuvchiga (ham yuridik, ham jismoniy shaxslarga) faqat bitta akkaunt yaratish mumkin. Akkauntlarning tahlili ularning bitta muallifga tegishliligini koʻrsatsa,tizim tomonidan akkauntning takrorlanishi deb izohlanadi, va ular avtomatik ravishda toʻxtatiladi yoki bloklanadi.

Foydalanuvchiga akkauntini (akkauntdan foydalanish uchun lozim maʼlumotlarni) uchinchi shaxslarga berish/ijaraga berish yoki sotish man qilinadi.

OLX servisi foydalanuvchi o‘z profili to‘g‘risidagi ma’lumotni uchinchi shaxslarga biror usulda bergani uchun javob bermaydi.

Xavfsizlik qoidalarini doimo yodda tutmoq zarur. (xavfsizlik qoidalariga havola).

11. Telefon:

Telefon raqamingizni koʻrsatishni unutmang – bu bitimni tez va muvaffaqiyatli yakunlash boʻyicha imkoniyatlaringizni oshiradi.

Esda tuting, noqulaylik tugʻdirish maqsadida begona kishilarning telefon raqamlarini koʻrsatish man etilgan va tiklash huquqisiz akkauntingiz blokirovka qilinishiga olib keladi.

(!) Eʼlon sarlavxasida yoki matnida telefon raqamining koʻrsatilishi man etiladi.Telefon raqamini tegishli maydonga yozing. Agarda, e`lon berishda, e`lon ma`lumotlari yoziladigan maxsus shablonining telefon yoziladigan maydonidagi raqam bilan tog`ri kelmasa.

12. Takrorlanuvchi eʼlonlar va eʼlonlarni qayta joylashtirish.Profilni oʻchirish va qayta roʻyxatdan oʻtkazish:

Bitta va/yoki turli mintaqalarda / ruknlarda takrorlanuvchi yoki mazmuni jihatdan oʻxshash eʼlonlarni joylashtirish va/yoki qayta joylashtirish (eskisini oʻchirish va yangisini joylashtirish) man etiladi.(Qaytalanishlar qoidasiga havola)

(!) Bitta profilning oʻchirib qayta roʻyxatdan oʻtkazilishi qatʼiyan man etiladi.Qoidalarning mazkur bandini buzilishi,bir marta boʻlsada takroran roʻyxatdan oʻtish holati aniqlanganida akkauntning bloklanishiga olib keladi.Blokdan chiqarish faqatgina yozma ravishda OLX servisiga teskari aloqa shakli orqali murojaat qilinganidan soʻng amalga oshirilishi mumkin.Akkauntni blokdan chiqarish huquqi maʼmuriyatga tegishli.

Xizmatlar bo`limi uchun: Boshqa-boshqa shaharlardan, tumanlardan berilgan e’lonlar yoki ko`rsatilgan xizmat turi boshqa yo`nalishga tegishli bo`lgan e’lonlar – Nusxa (Dubl) sifatida ko`rilmaydi. Ammo, tizim tomonidan e`lonlar matni 100% bir-biriga o`xshash deb chiqarib bergan taqdirda e’lonlarni olib tashlash mumkin.

13. Talab,Taklif:

TALAB nima? – Bu e’londa nimadir izlanayotgani to‘g‘risidagi ma’lumot. Misol: Kvartira sotib olaman. Ijaraga uy olaman. Televizor kerak. Telefon uchun ekran izlayapman va h.k.

Talab parametri quyidagilardan tashqari barcha bo‘limlarda o‘chirilgan:

Ish – ish izlayapman (Rezyume) – o‘zi uchun ish qidirish mumkin.

Topilmalar idorasi – bu kategoriya faqat Hayvonlar ruknida bor, unda faqat yo‘qolgan/topilgan hayvonlar to‘g‘risida e’lon joylashtirish mumkin.

Urchitish – bu kategoriya faqat Hayvonlar ruknida bor, unda faqat o‘z hayvonini urchitish uchun juft qidirilayotgani/ urchitish taklif etilayotgani haqidagi e’lonlarni joylashtirish mumkin.

Biznes va Xizmatlar / Chiqindi olib chiqib ketish – qurilish va maishiy chiqindilarni olib chiqib ketish xizmatlarini ko‘rsatish mumkin.

Biznes va Xizmatlar / Boshqa xizmatlar – makulaturani, ikkilamchi xom ashyoni, polietilenni, avto shinalarni, ishlatilgan sanoat moylarini qayta ishlash (utilizatsiya) xizmatlari bo`yicha e`lon berish mumkin..Zararsiz chiqindilarni yig’ish, qayta ishlash, yo’q qilish va yo’qotish xizmatlari bo`yicha e`lon berayotgan yuridik shaxslar, hisobdan chiqarish / yo’qotish to’g’risidagi hujjatni (majburiy ravishda) taqdim etishlari haqida e`lon matnida yozib o`tishlari kerak.

Biznes va Xizmatlar / Moliya xizmatlari va Hamkorlik – biznes uchun hamkor/xomiy izlash/ish-biznes haqida ma’lumot bergan holda, biznes to‘g‘risida ma’lumot joylashtirishga yo‘l qo‘yiladi.

Boshqa hollarda:
Agar biron tovar yoki xizmatga qiziqish bildirgan boʻlsangiz, sizga servis boʻyicha qidirish funksiyasidan foydalanishni tavsiya qilamiz. Siz saytning bosh sahifasidagi Qidirish maydonidan foydalanishingiz mumkin, buning uchun zarur kalit soʻzlarni kiritish yoki filtrlar va/yoki kalit soʻzlardan foydalanish orqali kerakli ruknda maʼlumotni qidiring.

14.E’londa internet-resurslarga havolalar

E’lonning sarlavhasida biror internet-resursga havola berish qat’iyan man etiladi.

E’lonning tavsif qismi quyidagicha ko‘rib chiqiladi:

Mumkin:
Tavsif beruvchi havolalar – bu tovar tavsifini to‘ldiruvchi havolalar bo‘lib, ularning maqsadi o‘z resursini reklama qilish emas. Odatda, bu tovarga sharh/foydalanish tajribasi/fikr-mulohazalar.

Ishlab chiqaruvchining saytiga havolalar – bunday havolalar orqali e’londa taklif etilayotgan tovar ishlab chiqaruvchisining saytiga o‘tiladi. Saytda tovarning to‘liq tavsifi beriladi.

OLX-do’koniga havola (Foydalanuvchining biznes sahifasi) – mazkur xizmat turini ommaviylashtirish maqsadida,oʻz OLX do’koniga havolaning berilishiga yoʻl qoʻyiladi. Batafsil maʼlumotni havola orqali oʻtib olish mumkin.

Mumkin emas:
– yagona maqsadi reklama qilish bo‘lgan havolalar;
– tovar assortimenti taqdim etilgan internet-magazinga havolalar;
– saytdagi to‘g‘ridan-to‘g‘ri kontaktlarga o‘tiladigan havolalar;
– xavfsizlikka tahdid soladigan zararli elementlarga havolalar;
– har qanday videoxostingga (YouTube.com, mytube.uz, mover.uz va boshq.). havolalar;
– odob-axloq nuqtai nazaridan noo‘rin yoki shubhali havolalar

Moderator o‘z xohishiga ko‘ra e’lonlardagi barcha havolalarni tekshirishi mumkin. Xavfsizlik maqsadida, OLX servisining moderatori e’lonlardagi barcha havolalarni tekshirishga majbur emas va u shubhali ko‘ringan havolani uning mazmunini tekshirmasdan olib tashlashi mumkin.

Internet-resursda u yoki bu havolani ko‘rsatish mumkinligini tekshirishni istasangiz, teskari aloqa shakliga  so‘rov yuborishingiz mumkin. Mutaxassislarimiz so‘rovingizga javob beradilar.

15. E’londa xorijiy ma’lumotlar

OLX.uz servisi O‘zbekiston Respublikasi hududida ishlash uchun mo‘ljallangan, shu munosabat bilan e’londa xorijiy ma’lumotlardan foydalanishga cheklovlar bor.

– Foydalanuvchi xorijiy (O‘zbekiston Respublikasida ro‘yxatga olinmagan) raqam bo‘yicha verifikatsiya   qilinmaydi.

-E’londa aloqa ma’lumotlari sifatida xorijiy telefon raqami ko‘rsatilishi, mazkur fakt oshkor bo‘lgan taqdirda, e’lon olib tashlanishiga olib kelishi mumkin.

– Xorijdagi bo‘sh ish o‘rinlari /Xorijda ish taklif etish, shuningdek xorijiy ko‘chmas mulk ob’yektlari taklif etilgan e’lonlar, mazkur fakt oshkor bo‘lgan taqdirda, e’lon olib tashlanishiga olib kelishi mumkin.

16. Litsenziya talab etiladigan tovarlar va xizmatlar

Agar tovaringiz va xizmatingiz litsenziya talab etsa, e’lonni joylashtirishdan oldin bizga zarur ruxsat beruvchi xujjatlarni yuboring  , yuridik xizmatimiz ularn o‘rganib chiqadi va e’lonni joylashtirish imkoniyati yuzasidan qaror qabul qiladi.

Tovar va xizmat qat’iy litsenziya talab etadigan, ammo ruxsat beruvchi hujjatlar taqdim etilmagan bo‘lsa, bunday e’lonlar servisdan tiklash huquqisiz olib tashlanishi, akkaunt bloklanishi mumkin.

17. Kredit va tovarni muddatli to‘lov asosida sotish taklif etilgan e’lonlar:

Yuridik shaxslar / Do’konlar:

– tovarning to‘liq narxi Narx maydonida, barcha hisob-kitob shartlari (oldindan to‘lov va boshqa shartlar) e’lonning tavsifida ko‘rsatilsin;

– tovarni kreditga berish uchun zarur hujjatlar ro‘yxati ko‘rsatilsin;

– kompaniyaning nomi va mazkur kompaniya ishlaydigan hujjatning nomi/raqami ko‘rsatilsin.

Jismoniy shaxs (Muddatli to‘lov/Sotib olish sharti bilan ijara):

Tovarning to‘liq narxi Narx maydonida, barcha hisob-kitob shartlari (oldindan to‘lov va boshqa shartlar) e’lonning tavsifida ko‘rsatilsin;

Kreditga/Muddatli to‘lov bo‘yicha sotganda Narx maydonida Oldindan to‘lov yoki boshqa yolg‘on ma’lumotlarni ko‘rsatish man etiladi.

18. Sotilgan va sotilmagan tovar haqida

Agar sizning mahsulotingiz sotilgan bo`lsa yoki xizmatingiz nofaol (amalda bo`lmagan) bo`lsa, e`loningizni «O`chirish» tugmasi orqali o`chirishingizni so`rab qolamiz. Olx.uz tizimida foydalanuvchilar faqatgina faol (sotilishi amalda bo`lgan) mahsulot yoki xizmatlarga e`lon joylashtirishlari mumkin.

19. E’lon berish shartlarini buzganlik uchun ko‘riladigan choralar

Qoidalarning yuqorida bayon etilgan har qanday bandini buzish eʼlonning oʻchirilishi (ham vaqtincha – tahrir qilish imkoniyati bilan, ham butunlay – tiklash huquqisiz) uchun asos boʻlib xizmat qiladi.

Yuqorida bayon qilingan Qoidalardan birontasining muntazam ravishda buzilishi hamda boshqa foydalanuvchilardan tushgan koʻplab shikoyatlar akkauntning blokirovka qilinishiga olib keladi.

Eʼlonlarga pullik xizmatlar (Yengil start, Tez sotish, Turbo sotish, VIP, TOP, Eʼlonni koʻtarish, Qoʻshimcha eʼlon joylashtirish, Eʼlonlarni joylashtirish paketlari) koʻrsatilishi yoki koʻrsatilmasligidan qatʼiy nazar, Qoidalar barcha eʼlonlarga nisbatan amal qiladi. Qoidabuzarlik aniqlangan holatda, xizmat haqqi toʻlangan eʼlonlar ham rad etilishi mumkin.

Agar xizmat taqdim etilgan boʻlsa, pullik xizmatlar uchun toʻlangan pul mablagʻlari qaytarilmaydi.Shuningdek, xizmat amal qilish vaqti kechroq/ertaroq muddatlarga oʻzgartirilmaydi hamda xizmat boshqa eʼlonga oʻtkazilmaydi.

E’lonni ilgari surish (reklama qilish) xizmatidan (Top, VIP (Premium), Ko‘tarish, Avtoko‘tarish, Pulli xizmatlar to‘plami yordamida) foydalanish uchun pul mablag‘ini qaytarishning Batafsil Shartlari.

Sotib olingan e’lonlar paketi yoki qo‘shimcha joylashtirish uchun pul mablag‘ini qaytarishning Batafsil Shartlari.

OLX servisidan foydalanishdan voz kechigan taqdirda pul mablag‘ini qaytarishning Batafsil Shartlari.

Har bir joylashtirilmagan eʼlon boʻyicha foydalanuvchiga oʻchirilish sabablari keltirilgan xabarnoma yuboriladi.Bu maʼlumot bilan shuningdek foydalanuvchi Profilida – Oʻchirilgan eʼlonlar boʻlimida tanishib chiqish mumkin boʻladi.

 

OLX maʼmuriyati mazkur Qoidalarni avvaldan ogohlantirmasdan, istalgan vaqtda oʻzgartirish va/yoki yangilash huquqiga ega.