Sifatli e’lon yaratish bo’yicha maslahatlar

OLX.uz da joylashtirilgan ko‘plab e’lonlar ichida, ba’zilari ko‘z tushishi bilan diqqatni o‘ziga tortadi, va sotib olishga/bitim tuzishga undaydi. Bepul e’lonlar saytida joylashtirilgan har bir e’lonning potentsial xaridorga/mijozga yoqish imkoniyati bor.

Shunday e’lonlar borki , shu zahoti bizning diqqatimizni tortadi shundaylari borki, biz ularni shunchaki ko‘rib chiqamiz. Nima uchun bunday bo‘ladi, potentsial mijozlarning diqqatini tortish uchun nima qilish kerak?

Mazkur maslahatlar siz uchun ideal e’lonni tuzishda qimmatli va foydali qo‘llanma bo‘lishiga ishonchimiz komil!

1. O‘rin almashing! Ta’riflashga o`tishdan oldin o‘zingizni mahsulotingiz xaridori deb faraz qiling va tovar haqida qanday ma’lumotni birinchi navbatda yetkazish, reklama e’loningizning o‘rta qismida nimalarga to‘xtalib o‘tish hamda uning yakuniy qismi qanday ko‘rinishga ega bo‘lishi kerakligini aniqlab oling.

2. Ta’rif berishni eng asosiysidan boshlang! Matnning birinchi 2-3 qatori e’loningizning eng diqqatni tortadigan qismi bo‘lishi kerak, chunki izlovchining ko‘ziga birinchi bo‘lib tashlanadigan narsa – bu sarlavha va e’lon matnidagi birinchi gap. E’lonning birinchi qismida ikkinchi darajali, qo‘shimcha parametrlarni yozmang, ma`lumot berilishini potentsial xaridor/mijoz uchun ahamiyatliligiga qarab tuzing.

3. Tavsif qisqa va o‘qish uchun qulay shaklda bo‘lsin. Xat boshilardan foydalaning, so‘zlar orasida joy qoldirishni unutmang. Zich matn bilan yozilgan e’lon, odatda, Sizning bayoningizdagi asosiy fikrni qidirishga vaqti va istagi bo‘lmagan mijozlarning/xaridorlarning diqqatidan chetda qoladi. Lo‘ndalik va aniqlik – muvaffaqiyatga erishish maqsadida berilgan har qanday sifatli e’lonning asosiy xususiyati.

4. Moshina sotman yoki h va x:) Diqqat bilan to‘g‘ri yozing, xato qilmang, fikringizni aniq bayon eting. Xatosiz yozilgan matn ham Siz uchun munosib reklama bo‘ladi, ham potentsial xaridoringiz/mijozingizga uni uni o‘qish yoqimli bo`ladi. So‘zlarni tanib bo‘lmaydigan darajada qisqartirmang, qisqartirishning umumqabul qilingan shakllaridan foydalaningki, potentsial mijozingiz Sizning reklama e’loningizni maxsus lug‘atsiz yoki qarindoshlari va do‘stlarining yordamisiz o‘qiy olsin.

5. Umumiy iboralarni suiiste’mol qilmang! > Ko‘pincha quyidagi shiorlardan iborat e’lonlarni o‘qish mumkin: “Eng yaxshisi faqat bizda!», «Eng arzon xizmatlar bizda!», «Faqat biz Sizga yordam beramiz!» va hokazo. Tavsifi (shuningdek, sarlavhasi) umumiy iboralardan tashkil topgan e’lonlar muvaffaqiyat qozonmaydi va birinchi navbatda o‘qilmaydi. E’lonning birinchi qatorlarida bunday iboralarni ishlatmaslikka harakat qiling.

6. Matnni o‘z mijozingizga moslashtiring. O‘ylab ko‘ring: Kim ko‘proq Sizning tovaringizni sotib olishni istaydi – saranjom-sarishta uy bekasimi, mehribon onami, muvaffaqiyatli ishbilarmonmi, talabchan kolleksionermi yoki ekstremal- sportchimi? Kerakli so‘zlarni ishlating, tovaringizni/xizmatingizni ta’riflash uchun eng yaxshi uslubni tanlashga harakat qiling.

7. Hech kimga o‘xshamang! Sizning e’loningiz joylashtiriladigan ruknda ma’no jihatdan sizning taklifingizga hamohang takliflar ko‘p bo‘lsa kerak, ayrim hollarda tovaringizni/xizmatingizni ta’riflash uchun o‘xshash so‘zlardan yoki standart atamalardan foydalanishga to‘g‘ri kelar. Bir-biriga o‘xshash e’lonlar ichida ajralib turish uchun betakror sarlavha toping, ochiqlik, qiziqarli tafsilotlar, tovaringizning/xizmatingizning afzal tomonlari bilan diqqatni torting.

8. 8. Shkaf va televizor sotaman yoki 1 + 1 = 0. Xaridorga 2 va undan ortiq turli kategoriyali tovar taklif qilinadigan e’lon tuzmang. Birinchidan, bundan e’lonlar uchun mos keladigan rukn yo‘q va bo‘lmaydi. Yangi tovar uchun alohida e’lon tuzing, bu Sizning taklifingizga ko‘proq e’tibor tortadi va muvaffaqiyatli bitim tuzish imkoniyatini oshiradi.

9. Mijoz sizga ishonishi kerak! Sizning e’loningiz bu, birinchi navbatda, tijorat taklifi, uning yordamida siz o‘z tovaringizni imkon qadar tez va qimmatroq sotishni yoki Sizning xizmatlaringiz qiziqtiradigan mijozni topishingiz mumkin. Aloqa bog‘lanadigan shaxs hoiyasida tushunarsiz g‘ayrioddiy ismlardan foydalanmang. . O‘zingizga ma’lum, Astronavt, angel_666, kuku yoki Sale2011 dan ko‘ra odiygina Ivan Andreyevich, Svetlana yoki Sergey bilan gaplashish osonroq.

Potentsial mijozingiz o‘zini qiziqtirgan tovar/xizmat yuzasidan Sizga qo‘ng‘iroq qilishga jazm qilgan taqdirda ham Sizga qanday murojaat qilish to‘g‘risida o‘ylanib qoladi. Eng ma’quli, o‘z ismingizni ko‘rsating, bu mijozingizning Sizning taklifingizga bo‘lgan ishonchini kuchaytiradi.

Qiziqish bildirganlarning murojaatiga doim o‘z vaqtida muloyimlik bilan va to`liq javob bering. Pochtani mutazam tekshirib turishga erinmang. Agar potentsial xaridoringiz/mijozingiz Sizdan 24 soat ichida javob olmasa, bu unda Siz mavjud ekanligingizga, e’loningiz haqiqiyligiga shubha uyg‘onitishi mumkin. Yodingizda bo`lsin: qiziqish bildirgan odamning har qanday savoliga tez berilgan sifatli javob aynan sizning tovaringizni sotib olish uchun qaror qabul qilishda hal qiluvchi rol o‘ynashi mumkin.

Doim aloqada bo‘ling! Agar potentsial xaridor/mijoz bilan aloqa bog‘lashning yagona vositasi sifatida telefon raqamini ko‘rsatgan bo‘lsangiz, kiruvchi qo‘ng‘iroqlarni o‘tkazib yubormaslikka harakat qiling, hatto javob berishga imkoningiz bo‘lmagan taqdirda ham, keyinroq abonentga o‘zingiz qo‘ng‘iroq qiling: ajab emas, e’loningiz bo‘yicha muvaffaqiyatli bitim tuzish uchun aynan shu o‘tkazib yuborilgan qo‘ng‘iroq hal qiluvchi ahamiyatga ega bo‘lsa.

10. Ta’rif o‘rniga havola berish – bu yomon. Tovar haqida batafsil o‘qish uchun ta’rif o‘rniga foydalanuvchi havola bo‘yicha o‘tib, ma`lumot olishi kerak bo‘lgan e’lon Sizning taklifingizga diqqatni tortishda eng to‘g‘ri qadam emas. Bunday “kal” e’lonlar e’tiborsiz qoldiriladi, ularga ishonch kam. Hamma foydalanuvchilar ham notanish havola bo‘yicha qo‘rqmasdan o‘tavermaydilar, shuning uchun maxsus mo‘ljallangan xoshiyalarda tovar tavsifi matnini kiritishni qat’iy tavsiya qilamiz. Shuningdek, eslatib o‘tamiz: e’londa faqat muayyan tovar sahifasiga havolalar berish mumkin, saytning bosh sahifasiga yoki bo‘limiga havola berilgan e’lonlar moderator tomonidan o‘chirib tashlanadi.

11. Ko‘rmoq – ishonmak demak. E’loningizga albatta fotosurat biriktiring. Sotib olishni istagan tovarining aniq va sifatli tasvirini ko‘rgan mijoz xuddi shunday, ammo fotosuratsiz e’londan ko‘ra sizning e’loningizni afzal ko‘radi. Diqqat qiling: Sayt qoidalarida Internedan olingan stok suratlardan yoki skanerda o`tkazilgan katalog suratlaridan foydalanish ma`n etilgan.

12. Kalit so‘zlardan to‘g‘ri foydalaning! E‘loningiz matnidagi kalit so‘zlarga e‘tibor bering. Kalit so‘zlar – bu berilgan mezonlar asosida qidiruv tizimining robotlari ma‘lumot qidiradigan, boshqa kalit so‘zlar bilan birgalikda Sizning e‘loningiz matnini tuzadigan so‘zlardir.

(!) Esda tuting: Sizning e‘loningiz nafaqat bevosita OLX.uz,dan, balki (Google, Yandex va b.) orqali ham topilishi mumkin, shuning uchun e‘loningizning sarlavhasi va matnida kalit so‘zlardan foydalaning. E‘lon matnida kalit so‘z yoki iboradan bir necha bor foydalanish tavsiya etiladi, ammo ularni suiiste‘mol qilish qidiruv tizimlari «yomon ko‘z bilan qarashiga», sahifaga nisbatan jazo choralari ko‘rilishiga, hatto qidiruv tizimi bazasidan chiqarib yuborilishiga olib kelishi mumkin. Bergul bilan ajratilib, ketma-ket berilgan kalit so‘zlardan iborat sarlavha qoidabuzarlik deb hisoblanadi va moderatsiya vaqtida to‘g‘rilanadi. Quyidagicha sarlavhalarga berilib ketmaslikni qat‘iy tavsiya etamiz: “Portretga buyurtma. Buyurtmaga portret Toshkent. Toshkentda portret buyurtma qilish Toshkent. Toshkent portret buyurtirish Toshkent. Toshkent fotosurat bo‘yicha portret Toshkent. Toshkentda portret buyurtma qilish Toshkentda. Toshkent Art studiyada PORTRET BUYuRTIRISh. AKTsIYa BIZ BILAN doim foydaliroq! Shuningdek, matn kalit so‘zlarga to‘lib ketishiga yo‘l qo‘ymang.

Kalit so‘z – bu xaridor/mijoz uchun kurashingizda Sizning ittifoqdoshingiz va yordamchingiz, ammo undan keragidan ortiq foydalanish uni dushmaningizga aylantirishi mumkin.