Eʼlonlarda koʻrsatilishi man etilgan tovarlar, xizmatlar roʻyxati

Iltimos OLX.uz sayti orqali sotish mumkin bo‘lmagan tovarlar va xizmatlar ro‘yxati bilan tanishib chiqing.

(!) Mazkur ro‘yxatdagi tovarlar/xizmatlar ko‘rsatilgan e‘lonlar tiklanish huquqisiz moderator tomonidan o‘chiriladi.

(!) Ushbu manzil orqali olx.uz ning e`lon joylashtirish qoidalari bilan tanishib chiqing.

(!) Ushbu manzil orqali olx.uz ning xar hil bo`limlarida e`lon joylashtirish qoidalari bilan tanishib chiqing.

(!) Agar e‘londa qonunchilik bilan taqiqlangan tovarlar/xizmatlar ko‘rsatilgan bo‘lsa, foydalanuvchi akaunti oldindan ogohlantirilmasdan bloklanishi mumkin.

(!) LITSENZIYALASHNI talab qiladigan xizmatlar bo`yicha e`lonlarni berish uchun, Olx.uz ma`muriyatiga tezkari aloqa orqali oldindan YOZMA ARIZA taqdim etilishi lozim. Arizada, ushbu xizmatlarni taqdim etishga ruxsat beruvchi Litsenziya biriktirilgan bo`lishi kerak.
Ushbu talablar bajarilmagan holda, e`lon qayta faollashtirilmidigan bo`lib ochirilishi mumkin.

  1. Sotilishi va ko‘rsatilishi amaldagi qonunchilik bilan taqiqlangan tovar va xizmatlar. Sotilishi taqiqlangan va/yoki fuqarolik aylanmasidan olingan tovarlar.
  2. Foydalanuvchi sotish huquqiga ega bo‘lmagan buyumlar. Ma‘muriyat manziliga SM (savdo markasi) egasidan rasmiy so‘rovnoma yuborilgan tovarlarni sotish va xizmatlarni ko‘rsatish taqiqlanadi.
  3. Qadimiy, sportiv quroldan tashqari har qanday qurol-aslaha. Shu jumladan:pnevmatik, fuqaro va boshqalar.
  4. Pichoqlar, faqat ko’rsatilgan turlari: Kunai, Uloqtiruvchi pichoqlar, Fin pichog’i, Bayonet pichog’i, Balisong, Тычковый нож, Kukri, Kerambit, Machete, Shuriken. Bu pichoqlar haqida batafsil ma’lumotni bu erda topishingiz mumkin.O’zbekiston Respublikasi Oliy Majlisining 2001 yil 12 maydagi 222-II-sonli qarori bilan tasdiqlangan litsenziyalar talab qilinadigan faoliyat turlari ro’yxatiga muvofiq, ov va sportga oid o’qotar qurollarni va o’q-dorilarni, shuningdek, sovuq qurollarni ishlab chiqarish, ta’mirlash va sotish uchun litsenziya talab qilinadi. Agarda, ushbu litsenziyaga ega bo`lsangiz, litsenziya raqamini va ushbu faoliyatni amalga oshiradigan yuridik kompaniya nomini e`lon matnida ko`rsatishiz kerak.
  5. Jangovar transport vositalari.
  6. Aloqa kanallaridan axborot olish uchun maxsus texnik vositalar, oshkor etmay axborot olishning boshqa vositalari (mikronaushniklar, brelok-kameralar, kamera o‘rnatilgan ko‘zoynaklar, soat-kameralar va sh.k.); huquqtartibot organlarining faoliyati bilan bog‘liq buyumlar (radioelektron va maxsus texnik vositalar).
  7. Antiproslushkalar, antijuchoklar hamda shunga o‘xshash texnik moslamalar.
  8. Faol va passiv himoya vositalari (elektroshokerlar, gaz ballonchalari, gazli pistoletlar, rezina o‘qli qurol, yorug‘lik-shovqin effektini beruvchi buyumlar, signalizatorlar, rezina tayoqlar, kishanlar), tarkibida ko‘zni yoshlantiruvchi va qo‘zg‘atuvchi ta‘sirga ega bo‘lgan, huquqtartibot organlari tomonidan faol himoya vositalariga kiritilgan preparat bo‘lgan maxsus vositalar.
  9. Bojxona tomonidan musodara qilingan buyumlar.
  10. Tibbiy preparatlar, veterinar preparatlar, har qanday dori vositalari, ba‘zi biologik faol qo‘shimchalar, steroidlar, anaboliklar, viagra va boshqalar, shuningdek, ushbu preparatlarni/dorilarni/tovarlarni yetkazib berish.
  11. Odam a‘zolari, donorlik xizmatlari (qon/sperma va shu kabilarni topshiraman / sotib olaman).
  12. Surrogat onalik xizmati, ko‘krak suti.
  13. Portlovchi va zaharli moddalarni, portlatish vositalarini realizatsiya qilishga litsenziyaga ega bo’lmagan holda sotish bo`yicha e`lon berish taqiqlanadi.
    Batafsil ma`lumotni lex.uz sayti orqali bilib olishingiz mumkin.
  14. Tutun shashkalari, pirotexnika.
  15. Giyohvand, psixotrop moddalar va ularni o‘rnini bosuvchilar, shuningdek ularni tayyorlashda ishlatiladigan giyohlar va ingrediyentlar. Gallyutsinatsiya keltirib chiqaruvchi o‘simliklar, zamburug‘lar va ulardan olinadigan mahsulotlar.
  16. Xalqaro Qizil Kitobga, birorta mamlakat, mintaqa, viloyat Qizil Kitobiga kiritilgan hayvonlar va o‘simliklar.Qo‘riqlarda parvarish qilingan, ammo Qizil Kitobga kiritilgan hayvonlarni sotish haqidagi e‘lonlarda albatta jonivorning to‘g‘ri va to‘liq nomi, qo‘riqxonaning nomi ko‘rsatilishi yoki rasmiy saytiga havola berilgan bo‘lishi kerak. Bunday ma‘lumotlarsiz e‘lon saytda joylashtirilmaydi. Boshqa turdagi hayvonlar (sherlar, yo`lbarslar, ayiqlar, jirafalar, maymunlar va fil kabi hayvonlar) bo`yicha e`lon berishda, e`lon matnida shartli ravishda quyidagi ma`lumot ko`rsatilishi kerak:
    hayvonning to`gri va to`liq nomi; pitomnik nomi va/yoki pitomnik rasmiy web saytining manzili. Batafsil maʼlumot bilan bu yerda tanishishingiz mumkin.
  17. Dasturiy ta‘minot. Istisno: Dasturiy taʼminotni oʻrnatish va u boʻyicha xizmat koʻrsatish.
  18. Filmlar, musiqa, o‘yinlarning noqonuniy nusxalari yozilgan o‘g‘rincha ishlatiladigan optik tashuvchilar.
  19. Qidiruvdagi transport vositalari; hujjatlarsiz.
  20. Diniy adabiyotlar(shu jumladan audio ko`rinishda(masalan,elektron joynamoz,audio kitoblar va h.k.)): Qur’on, Injil (Библия) va din mavzusiga taalluqli boshqa kitoblar, qanaqa tilda yozilganiga qaramay, ularni sotish/ayirboshlash/bepul berib yuborish boyicha e’lonlar joylashtirish qat’iyan taqiqlanadi.
  21. Oʻzbekiston Respublikasining davlat unvonlari (Ulug‘ Vatan urushidagi G‘alabani abadiylashtiruvchi mukofotlar).
  22. Virtual pullarni (qiwi, webmoney, yandex va h.k.) sotish/almashtirish hamda ularni ishlab topish yoki to‘plash uchun dastur/uslublarni sotish taqiqlanadi.
    Mazkur xizmatlar/servislar bilan ishlash bo`yicha maslahat berish xizmati bundan mustasno.
  23. Xorijiy valyuta va/yoki boshqa valyuta boyliklari (numizmatika maqsadidagi savdodan tashqari).
  24. Qalbaki pul birliklari va qalbaki pochta to‘lovi belgilari.
  25. Uchinchi shaxslarga tegishli aksiyalar va boshqa qimmatli qog‘ozlar.
  26. Amaldagi (shu jumladan amal qilish muddati tugagan) yoki ta‘sir kuchiga ega shaxsni tasdiqlovchi davlat guvohnomalari yoki jahonning istalgan mavjud mamlakati hujjatlari (pasportlar, id-kartalar, haydovchilik guvohnomalari, talabalik guvohnomalari, reyting daftarchalari, diplomlar, yo‘l chiptalari,ruxsatnomalar, sertifikatlar, litsenziyalar va hokazolar), shuningdek ushbu hujjatlar blanklari.
  27. Raqam belgilarini tayyorlash va sotish (standart, nomli, sara va hokazo), avtomobil yurgan yo‘lini orqaga aylantirish xizmati.
  28. Rasmiy qat‘iy hisobot blanklari, shakllari.
  29. Tayyor diplom, kurs, magistrlik ishlari.
  30. Spamerlik bazalari, noqonuniy tarqatilishiga olib kelishi mumkin bo‘lgan tovarlar va xizmatlar.
  31. Shaxsiy ma‘lumotlarni saqlovchi ma‘lumotlar bazasi.Elektron pochta, ijtimoiy tarmoqlar, blog va forumlar, tezkor xabar almashinish tizimlari (ICQ, Skype, telegram va boshqalar), oʻyinlar (Clash of Clans, Clash Royal va hokazo), hamda boshqa resurs va servislarga (jumladan, Steam, iTunes, Google Play bilan cheklanmagan holda) tegishli akkauntlar.
  32. Davlat, bank yoki tijorat sirini saqlovchi materiallar.
  33. Sotilishi mualliflik va/yoki uchinchi shaxslarga tegishli turdosh huquqlarning, shuningdek tovar belgisi yoki patentga egalik huquqining buzilishiga olib kelishi mumkin boʻlgan predmetlar va material.
  34. Shaxsiy hayot sirlarini fosh qiladigan, jismoniy va yuridik shaxslarning qadr-qimmati, sha‘ni va obro‘siga putur yetkazadigan materiallar. Xususiy detektiv xizmatlari.
  35. Alkogol ichimliklar, alkogolli ichimliklardan qolgan bo’sh qutilar, etiketkada yoki shishaning o’zida alkogolli ichimlikning nomi ko’rsatilgan bo’sh idishlar; spirt haydovchi(samogon) apparatlar; tarkibida etil spirti bor mahsulotlarni sotish bo`yicha e`lon berish taqiqlanadi.
    Tamaki, tamaki buyumlari, tamaki mahsulotlari, chekish uchun moslamalar (zajigalka, kuldon va chekish trubkalari bundan mustasno), shu jumladan kalyanlar, elektron kalyanlar, veyplar, sigaret qogʻozi, elektron sigaretlar va ularni toʻldirish mahsulotlari (tamaki, suyuqlik) sotish bo`yicha e`lon berish taqiqlanadi.
  36. Yaroqlilik muddati o‘tgan oziq-ovqat mahsulotlari . Istisno qilingan mahsulotlar bilan bu yerda tanishish mumkin.
  37. Noyob va yo`qolish xavfi ostida bo`lgan hayvonlarning terisi, shoxlari, qo`l-oyoqlari va ularning tulumlari.
    Teri va shoxlardan yasalgan maxsulotlar bundan mustasno.
  38. Har qanday shubhali moliyaviy xizmatlar boʻyicha maʼlumot.
  39. Firibgarlik, tovlamachilik, birorta shaklda moddiy yordam va ko‘mak so‘rash yoki taklif qilish, shu jumladan “homiylik qilaman, “homiy izlayapman”, “moddiy yordam ko‘rsataman”, “moddiy yordam izlayapman”, “tijorat” va h.k. qabilidagi e‘lonlar.
  40. Universal kalitlar (kirish eshigi uchun, turli qulflar uchun).
  41. Natsistlar ramzi tushirilgan buyumlar.
  42. Morj so‘yloq tishlari, fil va mamont tishlari, shuningdek:
    – qimmatbaho metallar (oltin, kumush, platina va platina guruhiga oid (palladiy, iridiy, rodiy, ruteniy, osmiy) metallar );
    – qimmatbaho toshlar (tabiiy olmoslar, brilliantlar, la’llar(qizil yoqut), zumradlar, sapfirlar va aleksandritlar);
    – yarim qimmatbaho toshlar (sirkoniy, fianit, oniks (aqiqning taram-taram turi), korall (marjon), akvamarin, yashma, sun’iy yoqut, opal, qahrabo, yoqut, turmalin, ametist, xrizoberill, berillar guruhi, malaxit, topaz, nefrit, tanzanit, agat, feruza, gematit, kon billuri, kvars, lojuvard, xrizopraz).
    Yuqorida ko`rsatib o`tilgan tishlardan, metallardan, qimmatbaho va yarim qimmatbaho toshlardan yasalgan mahsulotlar bundan mustasno.
  43. Okkultizm mavzusiga oid tovar / mahsulotlar, taklif va xizmatlar (sevgi afsunlari, fitna, folbinlik, iblisizm, jodugarlik/sehrgarlik, ekstrasens xizmatlari, sehr-jodu xizmatlari, munajjimlar bashorati va h.k.), shuningdek ushbu mavzuga oid qo`lyozmalarni sotish bo`yicha e`lon berish taqiqlanadi.
  44. Yagona maqsadi boshqa internet-resurslari yoki internet-do‘konlarni ommaviylashtirish (tovar/xizmat yoki uning ta‘rifi yo‘q; yoki mazkur do‘konda sotiladigan barcha tovarlar sanab o‘tilgan, masalan: “Biz – maishiy texnika internet-do‘koni, sovutgichlar, dazmol, televizor va h.k.larni sotamiz”) bo‘lgan axborot.
  45. Offlayn-do‘konar reklamasi boʻyicha e‘lonlarni joylashtirish .
  46. Bir odam yoki odamlar guruhiga tuhmat sifatida foydalanilishi mumkin bo‘lgan materiallar. Ish tashlash, qo‘zg‘olon ko‘tarishga da‘vatlar, birorta auksionlarda, lotereyalarda va boshqalarda ishtirok etishga takliflar.
  47. Elektron pochtaning anketa ma‘lumotlari yoki manzillar ro‘yxati.
  48. Dasturlar aktivatorlari, kompakt-disk kalitlari, ro‘yxatga olish raqamlari, original dasturiy ta‘minoti bo‘lmagan takliflar.
  49. Brakonerlik asboblari va jihozlari (elektr qarmoqlar, to‘rlar va hokazolar), shuningdek ularni tayyorlash bo‘yicha xizmatlar. Sotish uchun taqiqlangan tovar/mahsulotlar ro’yxati:
    1) qo`l bilan otiladigan to`rlar, breden, nevod, venter
    2) to`r teshikchalari 45 millimeterdan kichik bo`lgan har qanday «to`rli» baliq ovlash vositalari
    3) 4 tadan ortiq ilmoqqa ega bo`lgan barcha baliq qarmoqlari
    4) ovga mo`ljallangan o`tkir uchli qurollar – Garpunlar, Ostroglar, Dergunlar
  50. Kontrabanda tovarlari va o‘g‘irlangan mol-mulk.
  51. Garovga asoslangan qimor o‘yinlari tizimlarida yordam koʻrsatishni taklif qiluvchi xizmatlar.
  52. Jinsiy xizmatlar, foxishabozlik, intim tusdagi barcha xizmatlar, shahvoniy uqalash, bodi uqalash,ero massaj, relax massaj, xidjama, shuningdek intim (xirsli) maqsadlarda foydalaniladigan har qanday tovarlar (moylar, lubrikantlar,prezervativlar, Titan Gel va shu kabilar).
  53. Shubhali ish takliflari, shu jumladan Internet tarmog‘ida jismoniy manzil va ish beruvchi bilan to‘g‘ridan to‘g‘ri aloqa ma‘lumotlarini ko‘rsatilmagan (hamma uchun ish, elektron pochta bilan uyda ishlash, qo‘yilmalarsiz ish va shu kabilar) eʼlonlar.
  54. Хorijdagi tungi klublarda veb-modellar sifatida ishlash takliflari; svinger-klublar xizmatlari taklifi, eskort-xizmatlar, nikoh agentliklariga tarjimon qizlar, uyda ruchkalarni yig‘ish.
  55. Forex turidagi bozor / birjalar va shunga o’xshash xizmatlar bo`yicha e`lon berish taqiqlanadi (shu jumladan, qurilmalar, maslahat berish xizmati, oʻqitish/o`rgatish va h.k.).
    Mayning / kriptovalyuta ishlari bo`yicha maslahat berish xizmatlari, ushbu mavzuga oid o`rgatuvchi kitoblar va videoroliklar hamda o`z maqomini tasdiqlagan birja ishtirokchilari (birjalar, brokerlar, dilerlar) bundan mustasno.
  56. Franchayzing, ko‘p darajali (tarmoqli) marketingni taklif qiluvchi axborot (Avon, Oriflame, Amway va shu kabilar).
  57. Bitta e‘londa har xil turdagi shaxsiy buyumlar va predmetlar haqida axborot . Noto‘g‘ri: “Ko‘ylak va poyabzal sotaman”, “Televizor va sovutgichni sotaman”, “Suratdagi hamma narsalarni sotaman” va h.k. Bitta alohida e‘londa faqat bitta predmet haqida ma‘lumot berish yoki bir nechta buyumlar haqida, agar ularning hammasi bitta to‘plam sifatida umumiy narxga sotiladigan bo‘lsa, axborot berishga yo‘l qo‘yiladi.
  58. Tanishuvlar, do‘stlashuv,yuzaki munosabatlar bo‘yicha har qanday yangi e‘lonlar .
  59. E‘lonlarni har qanday resurslarda qo‘lda va dasturiy usulda joylashtirish haqidagi takliflar
  60. Jismoniy shaxslar va kerakli hujjatlarga ega bo`lmagan Yuridik shaxslar tomonidan xorijda ish bilan ta`minlash yoki xorijiy ish o`rinlari bo`yicha, hamda chet el ish vizalarini qilib berishda yordamlashish xizmatlari bo`yicha e`lon berish taqiqlanadi. Ushbu xizmatlar bo`yicha e`lon berishda talablarni bu yerda bilib olish mumkin.
  61. Ishlatilgan ich kiyim.
  62. Xorijiy koʻchmas mulk.
  63. Tenderlar va auksionlarni oʻtkazish.
  64. Pullarni naqd shaklga oʻtkazish boʻyicha har qanday koʻrinishdagi takliflar.
  65. Oʻzbekiston Respublikasida targʻib qilinishi va sotilishi taqiqlangan oʻyinlar.
  66. Oʻzbekiston Respublikasining xududiy yaxlitligi va daxlsizligiga raxna soluvchi tovarlar/xizmatlar.
  67. Ko`chmas mulkni soatlik ijaraga berish qatiyan man etiladi.
  68. Ko`chmas mulk ob`ektlarini(uy/hovli/kvartira) litsenziyaga ega bo`lmagan rieltor(qora makler) tomonidan e’lon joylashtirish qatiyan man etiladi.
    Ko`chmas mulk bo`yicha e`lon joylashtirish haqida batafsil ma`lumotni ushbu manzil orqali olishingiz mumkin.
  69. Uchuvchisiz uchar qurilmalar(Dronlar) va ularning ehtiyot qismlar.
    Havo kemasining o‘yinchoq modelini ishlatish, shu jumladan sotishga ruxsat beriladi.
    Havo kemasining o‘yinchoq modeli – Fuqarolarning shaxsiy ehtiyojlarini qondirish uchun foydalanuvchi, vazni 250 grammdan og‘ir bo‘lmagan, TN VED 8802 20 000 0 kodiga to‘g‘ri kelmaydigan, parvozni avtonom boshqarish va navigatsiya funksiyalarisiz, foto va videouskunalar bilan jihozlanmagan uchar qurilma
    O‘yinchoq modeli tavsifiga tushmagan har qanday havo kemasi dron, ya’ni uchuvchisiz uchar qurilma hisoblanadi va ularni sotish taqiqlanadi
    O’zbekiston Respublikasi Vazirlar Mahkamasining uchuvchisiz uchar qurilmalaridan foydalanish tartibi haqidagi qarori bilan batafsil ushbu manzil orqali tanishib chiqishingiz mumkin.
  70. O’zbekiston Respublikasi Vazirlar Mahkamasining qaroriga binoan lazerli nur tarqatgichlarni sotish qat’iyan taqiqlanadi. Ushbu qaror bilan bu yerda tanishib chiqishingiz mumkin.
  71. Qo’ng’iz «Znaxar» va shunga oxshash.
  72. Olx.uz ga o`xshash saytlarni va boshqa shunga o`xshash internet orqali xizmat ko`rsatuvchi tizimlarni (ilovalarni/programmalarni/tg kanallarni va hk) to`gridan to`gri reklama qilish uchun yozilgan e`lonlar berish taqiqlanadi.
  73. O`smirlar uchun ish qidirish va ish taklif qilish. Yosh chegarasi haqida batafsil ma`lumot bu yerda olishingiz mumkin.
  74. Eʼlonlarda koʻrsatilishi man etilgan tovarlar, xizmatlar roʻyxatidagi tovar/mahsulotlarni yetkazib berish, shu jumladan buyurtma bo’yicha(zakazga) yetkazib berish xizmatlari qat’iyan taqiqlanadi.
  75. Har qanday turdagi massaj xizmatlarini taklif qilish va ularga tegishli bo`lgan fotosur’atlarni yuklash qat’iyan taqiqlanadi.
  76. Ichki kiyim sotish bo`yicha e`lonlarda ushbu ichki kiyim jonli modellarda kiyib ko`rsatilgan fotosur’atlarni yuklash taqiqlanadi.
    Ichki kiyimlar faqatgina manekenlarga kiyib ko`rsatilgan fotosur’atlar, yoki tovarning o`zi rasmga olingan fotosur’atlar qabul qilinadi.
  77. Yuz uchun niqoblar, respiratorlar va antiseptiklar (sotish / almashtirish / bepul berish / buyurtmaga yetkazib berish taklif va xizmatlari). Taqiqlangan mahsulotlar ro`yxati bilan batafsil ushbu maqolada tanishib chiqishingiz mumkin.
  78. Koronavirus epidemiyasi bilan bog’liq bo’lgan har qanday ma’lumot

Shuningdek ma‘nosi bo‘lmagan yoki quyidagilar ko‘rstilgan e‘lonlar ham taqiqlangan:

  1. Huquqtartibot va ahloq me‘yorlariga zid bo‘lgan har qanday buyumlar va xizmatlar.
  2. Zo‘ravonlik, irqiy nafrat, g‘ayrihuquqiy harakatlarni targ‘ib qiluvchi va/yoki undovchi maʼlumot.
  3. Erotika, pornografiya, shu jumladan erotik yoki pornografik mazmundagi fotosuratlar.
  4. Milliy, irqiy, diniy, jinsiy va boshqa belgilarga qarab kamsituvchi ma‘lumot.
  5. Adabsiz, shuningdek haqoratlovchi so‘zlar, shu jumladan irqiy va diniy talqindagi.
  6. Har qanday firibgarlik va/yoki tovlamachilik usullarining bayoni va/yoki ularga sharxlar.
  7. Har qanday chet tilida yozilgan axborot, davlat va rus tilidan tashqari (alohida hollarda ingliz tiliga ro‘xsat beriladi).
  8. Mazmunni buzib ko‘rsatadigan va chalg‘itadigan ko‘p sonli imloviy xatolar.
  9. Uy joylarni Tozalash, Massaj xizmatlari bo`yicha e`lonlarda shaxsiy fotosuratlarni yuklash qatiyan man etiladi.
  10. Olx qonunlariga asosan, taqiqlanga tovarlar va xizmatlar ro`yxatidagi tovar/xizmatlarga boshqa tovarlarni almashtirish(ayirboshlar) yoki shu tovar/xizmatlar evaziga tovarni tekinga berib yuborish bo`yicha e`lonlar qat`iyan taqiqlanadi.
  11. Agar sizning mahsulotingiz sotilgan bo`lsa yoki xizmatingiz nofaol (amalda bo`lmagan) bo`lsa, e`loningizni «O`chirish» tugmasi orqali o`chirishingizni so`rab qolamiz. Olx.uz tizimida foydalanuvchilar faqatgina faol (sotilishi amalda bo`lgan) mahsulot yoki xizmatlarga e`lon joylashtirishlari mumkin.