Eʼlon joylashtirish qoidalari

Ushbu maqolada biz OLX.uz servisida e'lon joylashtirishning umumiy qoidalari haqida ma'lumot to'pladik.

(!) E’lon joylashtirish qoidalari OLX.uz xizmatlari bilan foydalanish shartnomasining bir qismi hisoblanadi. Shartnoma bilan ushbu manzil orqali tanishib chiqishingiz mumkin: https://help.olx.uz/hc/ru/articles/360009197178

(!) Olx.uz da eʼlon berishga taqiqlangan tovar/mahsulotlar va xizmatlar ro`yxati bilan tanishib chiqing: https://help.olx.uz/hc/ru/articles/360009512737 

Foydalanishda/ko'rib chiqishda qulay bo'lishi uchun ushbu ro'yxat bo'limlar va mavzular bo'yicha guruhlangan.

1. Sarlavxa.
2. Kategoriya, bo'lim.
3. E'lonning Narx maydoni (Narx, Ayirboshlash, Bepul, Ish haqi).
4. Parametrlar (Filtrlar, Manzil).
5. Tavsif.
6. Foto.
7. Jismoniy shaxs, Biznes.
8. Aloqa ma'lumotlari (foydalanuvchi ismi, telefon raqami, boshqa aloqa usullari).
9. Takrorlanuvchi va qayta joylashtirilgan e'lonlar.
10. Takrorlanuvchi va qayta ro'yxatdan o'tgan profillar.
11. Xabarlar bilan ishlash.
12. Talab(Спрос) formatidagi e’lonlar.
13. Boshqa resurslarga havolalar.
14. Xorijiy ma'lumotlar va xavfsizlik.
15. Tovarlar va xizmatlar uchun litsenziya / guvohnoma / sertifikatlar.
16. Kredit va muddatli to‘lov.
17. Sotilgan tovarlar va nofaol xizmatlar.
18. E'lon joylashtirish qoidalari buzilgan taqdirda ko‘riladigan choralar.

1. Sarlavxa.

Sarlavha - mijozning e'tiborini tortadigan birinchi narsa. Uni aniq va qisqacha qilishga harakat qiling (Sarlavhada maksimal belgilar soni: 70 ta).

Sarlavxada quyidagilardan foydalanish taqiqlanadi:

• barcha harflar KATTA harflar orqali yozilgan, CAPS LOCK-dan foydalanish;
• harf boʻlmagan belgilar (*^@<>), hamda koʻplab undov (!!!!!) yoki soʻroq (????) belgilardan foydalanish;
• teglar/teglash - mijozlar e'tiborini jalb qilish uchun e'longa tegishli bo'lmagan mashhur so'zlardan qasddan foydalananish;
• mahsulot yoki xizmatlar uchun narxni xorijiy valyutalarda ko’rsatish;
• mahsulot yoki xizmatni ta'riflamaydigan va ularga aloqasi bo'lmagan iboralardan yoki bitta so'zdan tashkil topgan sarlavhalardan foydalanish (masalan: Sotiladi! Zudlik bilan! Aksiya! va h.k.);
• taklif qilinayotgan mahsulot yoki xizmatning ma'nosini buzadigan ifoda yoki xato yozilgan so'zlardan foydalanish;
• haqoratli so'zlardan foydalanish (haqorat, kamsitish, va h.k.);
• aloqa ma'lumotlari (telefon raqami, havolalar, har qanday resurslar va messenjerlardagi taxalluslar/nikneymlar).

To'g'ri sarlavha namunasi: 

• Chiroyli ko'ylak sotiladi;
• Ko'ylak sotiladi 200 ming so'm;
• Samsung televizor sotiladi 43 dyuym. 

Noto'g'ri sarlavha namunasi:

• <@CHIROYLI KO'YLAK SOTILADI@>;
• KO'YLAK SOTILADI 18$;
• AKSIYA! ATIGI 18$;
• Sotiladi, barcha savollar telefon orqali. 11 234 55 66;
• Iphone 8 sotiladi | samsung. mi, huawei. 

Mundarijaga qaytish.

2. Kategoriya, bo'lim.

Eʼloningizning mazmuniga imkon qadar mos keladigan kategoriya va bo'limni tanlang – bu eʼloningizni mijozlar tomonidan ham, qidiruv tizimlari tomonidan ham topilish imkoniyatini oshiradi.

OLXuz servisining ma'muriyati har qanday e'lon bo'limini ma'no jihatdan yoki ichki klassifikatorga mos keluvchi bo'limga mustaqil ravishda istalgan vaqtda o'zgartirishi mumkin. 

Saytda sarlavxadagi kalit soʻzlar asosida bo'limni avtomatlashtirilgan tarzda tanlash tizimi joriy etilgan. Bunda tizim e'lon joylashishi lozim bo'lgan bo'limni oʻzi taklif etadi, ammo xatolikni oldini olish uchun eʼlonning mazmuniga koʻra bo'limning mosligini qayta tekshirish kerak.

Sizga qulay bo'lishi uchun sayt xaritasidan foydalaning, ushbu havolada OLXuz servisida faol bo'lgan barcha kategoriyalar va bo'limlar ko'rsatilgan: https://www.olx.uz/oz/sitemap/ 

Bolalar dunyosi - bolalar uchun moʻljallangan tovarlarni ayirboshlashi va sotishiga oid eʼlonlar uchun maxsus kategoriya. 

Moda va stil - kiyim, aksessuarlar, rasm boʻlgan buyumlar va sovgʻalarni, goʻzallik va salomatlik uchun moʻljalllangan tovarlarni sotish va almashtirishga oid eʼlonlar joylashtiriladigan kategoriya. 

Uy va bogʻ - roʻzgʻor buyumlar, interer buyumlari, mebel, qurilish mollari va asbob-uskunalari, bogʻdorchilik anjomlarini sotish va almashtirishga oid eʼlonlar joylashtiriladigan kategoriya. 

Elektr jihozlar - barcha turdagi elektronika va maishiy texnika sotish va almashtirishga oid eʼlonlar joylashtiriladigan kategoriya. 

Hayvonlar - hayvonlarni sotish va almashinish, hayvonlarni urchitish va ularning parvarishi uchun zarur tovarlarning sotishga oid eʼlonlar joylashtiriladigan kategoriya. 

Transport - yengil avtomobillar, avtotransport va avtomobil ehtiyot qismlarini sotish va almashtirishga oid eʼlonlar joylashtiriladigan kategoriya. 

Koʻchmas mulk - koʻchmas mulkni sotish, ijaraga berish va almashtirishga oid eʼlonlar joylashtiriladigan kategoriya.

Biznes va xizmatlar - turli xil xizmat takliflariga, shuningdek uskuna, xom ashyo/materiallarning sotilishiga oid eʼlonlar joylashtiriladigan kategoriya.

Xobbi, dam olish va sport - hordiq chiqarish, xobbi va sport tovarlarini sotish va almashtirishga oid eʼlonlar joylashtiriladigan kategoriya. 

Ish - boʻsh ish oʻrinlari va ish qidirishga oid eʼlonlar joylashtiriladigan kategoriya.

Tekinga beraman va Ayirboshlash - Bepul va Ayirboshlash narx filtrlariga mos ke'luvchi e'lonlar ro'yxati.

Mundarijaga qaytish.

3. E'lonning "Narx" maydoni (Narx, Ayirboshlash, Bepul, Ish haqi).

E'londa Narx parametrini ko'rsatish "Narx" maydoni ko'rsatiladigan bo'limlar uchun majburiydir. Agar tovarni kelishilgan narxda sotishni istasangiz, boshlangʻich narxni koʻrsating va "Kelishilgan" satridagi tugmani bosib qo'ying. E'lonning "Narx" maydonida taklif etilgan tovar/mahsulotning haqiqiy narxini ko'rsatish kerak.

E'lonning "Narx" maydoni quyidagi bo'limlarda MAVJUD EMAS:

• Xizmatlar (Qurilmalar va Biznesni sotish bo'limlaridan tashqari barcha bo'limlarda).
• Ish kategoriyasining Ish izlayapman bo'limida.
• Uy va bog' kategoriyasining Buyurtma asosida mebel bo'limida. 
• Hayvonlar kategoriyasining Topilmalar idorasi bo'limida.

E'lonning "Narx" maydonida quyidagilarni ko'rsataish MUMKIN EMAS:

• haqiqiy bo'lmagan narxlar, shartli narxlar. (masalan 1 soʻm, 1111 soʻm, 123456 soʻm и h.k.);
• oldindan to'lovni, to'lovning bir qismi (kredit yoki to`lov rejasi bo'yicha to'lash takliflarida);
• e'lon tavsifida ko'rsatilgan narxga to'gri kelmagan narxni;
• Bepul/Ayirboshlash parametrlaridan notog'ri foydalanish.

Ba'zi bo'limlarda narxlarni ko'rsatish xususiyatlari: 

• Ko'chmas mulk kategoriyasidagi Ayirboshlash bo'limida - istalgan narx ko'rsatilishi mumkin, faqat e'lon matnida nimaga ayirboshlanishi haqida yozib qo'yish kerak.
• Ish kategorisaidagi ish takliflarda - ish haqini ...dan ...gacha ko'rinishda ko'rsatish mumkin. 
• Hayvonlar kategoriyasidagi To'qish bo'limida - istalgan narxni ko'rsatish mumkin yoki ayirboshlash parametrini tanlash mumkin.

E'londa narxni ko`rsatish qoidalari bilan batafsil ushbu havola orqali tanishib chiqish mumkin: https://help.olx.uz/hc/ru/articles/360009564578

Mundarijaga qaytish.

4. Parametrlar (Filtrlar, Manzil).

Har bir kategoriya uchun tovar yoki xizmatning tavsifiga mos keladigan parametrlarning alohida ro'yxati mavjud.

Ushbu parametr juda muhimdir, chunki u saytning qidirish tizimidan va filtrlardan foydalanganda e'loningiz ushbu qidiruv natijalari orasida ko'rsatilishiga ta'sir qilishi mumkin.

Manzil:

Sizning joylashuvingizga mos keladigan manzilni belgilang.

E'tibor bering! Ko'chmas mulk kategoriyasida e'lon joylashtirishda ko'chmas mulk joylashgan manzilni ko'rsatish kerak.

E'londa manzilni ko'rsatish quyidagi tarzda amalga oshiriladi:

"Shahar joylashishi qoshildi" nomli maxsus maydonda shahar nomini o'zbek yoki rus tilida yozing, yozganingizdan so‘ng tizim hozirgi kunda bizda mavjud bo'lgan viloyat,shahar,tumanlar ro'yxatini taklif etadi, ushbu taklif etilgan variantlarni birini tanlashingiz kerak bo'ladi. Ushbu maydonda manzilni mustaqil ravishda yozishga xojat yo‘q.

 

Manzilni ko`rsatish bo`yicha namuna

Manzilingiz haqida e'lon tavsifida batafsil yozib ko'rsatishingiz mumkin.

Mundarijaga qaytish.

5. Tavsif.

Tavsif eʼlon sarlavxasiga va taklif etilayotgan mahsulot yoki xizmatga mos boʻlishi lozim.

E'lon matninig boshlang'ich 2-3 satrlari eʼloningizning eng eʼtibor tortadigan qismi boʻlishi kerak, chunki birinchi boʻlib eʼlonning sarlavxasi va tavsifning birinchi satri koʻzga tashlanadi. Diqqat bilan toʻgʻri yozing, xato qilmang, fikringizni aniq bayon eting.

Tovarning barcha tafsilotlari, xususiyatlari e'lon tavsifida ko'rsatilishi kerak.

E'lon tavsifida quyidagilarni ko'rsatish taqiqlanadi: 

• xorijiy telefon raqamlarini.
• telegram kanallarga havolalarni, telegram nik va loginlarni
• reklama qilish maqsadida raqobatdosh saytlarga, servislarga havolalarni
• teglar - e’londa ko’rsatilgan tovar/xizmatlarga ta’luqli bo'lmagan kalit so’zlar bilan "teglash"ni 
• taklif etilayotgan tovar yoki xizmatni tavsiflamaydigan yoku ularga aloqasi bo'lmagan ma'lumot ko'rsatishni 
• ma'lumot mazmunni buzib ko‘rsatadigan iboralar yoki imlo xatolar
• Haqoratlovchi so‘zlarni (shu jumladan irqiy va diniy talqindagi).
• noaniq yoki yolgʻon maʼlumotni, tovar nuqsonlarining yashirilishi
• @ - elektron pochta manzillarida ishlatiluvchi kuchukcha belgisini (dastur tomonidan bloklangan)
• bitta so'z yoki jumlani qayta-qayta ko'rsatish
• "Bitta e'londa - Bitta tovar" qoidasiga muvofiq bo'lmagan tovarlar assortimentini

Bitta tovar qoidasi bilan quyidagi maqola orqali tanishib chiqishingiz mumkin:

https://help.olx.uz/hc/ru/articles/360009564678 

Mundarijaga qaytish.

6. Foto.

Eʼloningizga albatta fotosurat yuklang. Tovarning aniq va sifatli tasvirini koʻrgan mijoz xuddi shunga oʻxshagan, ammo fotosurati berilmagan eʼlonga nisbatan Sizning eʼloningizni afzal koʻradi.

Tovarni/xizmatni namoyish etuvchi fotosuratlar eʼlonning sarlavxasiga va matniga mos boʻlishi kerak. Fotosuratda faqat taklif etilayotgan obyekt tasvirlangan boʻlishi kerak.

Umuman qilib aytganda fotosuratlarda quyidagilarni ko'rsatish MUMKIN EMAS:

• aloqa ma'lumotlari (telefon raqami);
• telegram messenjeri loginlari va havolalari;
• raqobatdosh resurslarning havolalari, logotiplari;
• uchinchi shaxslarning mualliflik huquqlarini buzishi mumkin bo'lgan tasvirlar;
• odob-axloq nuqtai nazaridan noo'rin fotosuratlar (erotik, pornografik mazmundagi);
• taklif qilinayotgan tovar/xizmatga aloqasi bo‘lmagan fotosuratlar va tasvirlar;
• sifati yomon, tasvirlangan obyektni farqlab boʻlmaydigan darajada olingan fotosuratlar.

Internetdan olingan tayyor fotosuratlar qoidasi:

Internetdan olingan tayyor fotosuratlar - OLX servisida e'lon qilingan mahsulotning haqiqiy holatini aks ettirmaydi.

Tovar/mahsulotlar e'lon qilinadigan BARCHA bo'limlarda biz faqat shaxsan O'ZINGIZ olgan fotosuratlarni yuklashni TAVSIYA QILAMIZ. Tovarning haqiqiy fotosuratlari mijozlar tomonidan ko'proq ishonchga olib keladi.

Xizmatlar kategoriyasida Taklif qilinayotgan xizmatni ta'riflab beruvchi abstrakt rasm yuklash mumkin, hamda ushbu xizmatni ta'riflab berivchi qisqacha matn yozilgan fotosuratlarni ham yuklash mumkin.

E'lonlardagi fotosuratlarga qo'yilgan talablar bilan batafsil quyidagi maqola orqali tanishib chiqishingiz mumkin:

https://help.olx.uz/hc/ru/articles/360009564558 

Mundarijaga qaytish.

7. Jismoniy shaxs, Biznes.

Agar shaxsiy narsalaringizni/buyumlaringizni, oʻz avtomobilingizni, koʻchmas mulkingizni sotayotgan boʻlsangiz Jismoniy shaxs parametrini tanlang.

Agar Siz vositachi / rieltor / broker / koʻchmas mulk boʻyicha agent; kompaniya, firma, agentlik, internet-do'kon vakili; xususiy tadbirkor boʻlsangiz va biznes-taklif joylashtirayotgan boʻlsangiz Biznes parametrini tanlang.

E'lon joylashtirish paketlari sotib olinganda Biznes parametri e'londa avtomatik ravishda ko'rsatiladi. 

Foydalanuvchi e'lon joylashtirgan paytda biznes parametrini ko'rsatgani yoki ko'rsatmaganidan qat'iy nazar, kompaniya foydalanuvchining faoliyatini tahlil qilish asosida e'londagi ushbu parametrni biznes parametriga o'tkazishi mumkin. 

Foydalanuvchini "biznes" toifasiga kiritish uchun foydalanuvchining harakatlarida yuqoridagi belgilarning mavjudligi etarli.

Mundarijaga qaytish.

8. Aloqa ma'lumotlari (foydalanuvchi ismi, telefon raqami, boshqa aloqa usullari).

Aloqa ma'lumotlari maydonlarini diqqat bilan to'ldiring.

Telefon raqami maydoni:

Telefon raqamingizni ko'rsatishni unutmang! Telefon raqami ko'rsatilgan bo'lsa taklifingiz uchun haridor yoki mijoz topishingiz ancha onson va tez bo'ladi. Telefon raqami maxsus maydonda ko'rsatilishi kerak!

Telefon raqami ko'rsatilayotgan paytda quyidagilar taqiqlanadi:

• e'lon sarlavhasida telefon raqamini ko'rsatish;
• xorijiy telefon raqamlarini ko’rsatish;
• noqulaylik tugʻdirish maqsadida begona odamlarning telefon raqamlarini koʻrsatish (ushbu vaziyat aniqlangan holda - profilingiz tiklash huquqisiz bloklanishiga olib kelishi mumkin).

Email-manzil maydoni:

Sizning elektron pochta manzilingiz shaxsiy profilingizga kirish uchun login deb hisoblanadi. Foydalanuvchiga shaxsiy profilini (yoki profildan foydalanish uchun kerak bo'lgan maʼlumotlarni) uchinchi shaxslarga berib yuborish/ijaraga berish yoki sotish taqiqlanadi!

OLXuz servisi foydalanuvchi o‘z profili to‘g‘risidagi ma'lumotni uchinchi shaxslarga biron-bir usulda berganligi uchun javobgar EMAS.

Aloqa uchun shaxs maydoni:

Bu maydon FAQAT sizning ismingiz yoki tashkilot nomi koʻrsatilishi uchun moʻljallangan.

Ushbu maydonda quyidagilarni ko'rsatish taqiqlanadi:

• aloqa ma'lumotlari (telefon raqamlari va boshqa aloqa usullari);
• OLXuz servisining qoidalarini buzuvchi so'zlar va iboralar.

Mundarijaga qaytish.

9. Takrorlanuvchi va qayta joylashtirilgan e'lonlar.

OLX servisi ma'muriyati quyidagi harakatlar asosida e'lon takroran joylashtirilgan deb hisoblashi mumkin:

• profilingizdagi faol e'lonni amal qilish muddati tugashidan oldin o'chirib uni qaytadan joylashtirish;
• profilingizdagi faol e'longa mazmuni jihatdan o'xshash e'lon joylashtirish;
• profilingizdagi faol e'lonning nusxasini joylashtirish.

Takrorlanuvchi e'lonlarni joylashtirish uchun ba'zi istisnolar mavjud:

• Xizmatlar kategoriyasida takrorlanuvchi e'lonlarni tumanlar/shaharlar bo'yicha joylashtirish mumkin;
• Ish kategoriyasida takrorlanuvchi e'lonlarni tumanlar/shaharlar bo'yicha joylashtirish mumkin;
• Ko'chmas mulk kategoriyasidan tashqari barcha kategoriyalarda servisni viloyatlarda ommalashtirish maqsadida takrorlanuvchi e'lonlarni shaharlar bo'yicha joylashtirish mumkin (sinov rejimida);
• Mamlakatimiz fuqarolari e'lonlarning mazmunini tushunishlari uchun barcha kategoriyalarda bitta e'lonni o'zbek va rus tillarida yozilgan nusxasini joylashtirish mumkin (ba'zi hollarda ingliz tiliga ham ruxsat beriladi).

OLXuz servisi platformasi (sun'iy baholash tizimi) va moderatorlar ushbu e'lonlarni tekshirishda aniqroq qaror qabul qilishlari uchun quyidagilarni tavsiya qilamiz:

• e'lon tavsifida tovarning o'ziga xos parametrlarini ko'rsating;
• har bir takrorlanuvchi e'lon tavsifida aniq bir shahar / tumanda xizmat ko'rsatishingizni, tovarni ushbu ko'rsatilgan shaharga yetkazib berishingizni ko'rsating.

Mundarijaga qaytish.

10. Takrorlanuvchi va qayta ro'yxatdan o'tgan profillar.

Foydalanuvchi (yuridik yoki jismoniy shaxs) faqat bitta profilga ega bo'lishi mumkin.

OLXuz servisining ma'muriyati tomonidan takroriy profillarni aniqlashda umumiy tamoyil:

• tizim tomonidan texnik tahlillar natijasida bitta muallifga tegishli ekan deb aniqlangan profillar - mavjud profilning nusxalari deb belgilanadi va ushbu profillarning faoliyati avtomatik ravishda to'xtatiladi yoki bloklanadi;
• bir xil profilni o'chirish va qayta ro'yxatdan o'tkazish (OLXuz platformasi ma'lumotlarini texnik tahlil qilish orqali amalga oshiriladi);

Profilni blokdan yechish faqatgina OLXuz xizmatining teskari aloqa formasiga yozma murojaatdan keyin amalga oshirilishi mumkin. Profilni blokdan yechish faqat OLXuz xizmati ma'muriyatining ixtiyoriga ko'ra amalga oshiriladi.

Mundarijaga qaytish.

11. Xabarlar bilan ishlash.

OLXuz servisida yozishmalar / xabar almashish vositasi bilan ishlashda diqqat qiling.

Savdolaringiz yanada samarali bo'lishi uchun ushbu tamoyillarga rioya qiling:

• xushmuomalalik bilan muloqot qiling;
• haqoratli so'zlardan foydalanmang;
• boshqa foydalanuvchilarga e'lon mavzusiga tegishli bo'lmagan xabarlarni, spam xabarlar yubormang.

Shu bilan birga quyidagilarni tavsiya qilamiz:

• sizga xabarlar orqali jo'natilgan notanish havolalarga o'tmang;
• boshqa foydalanuvchilar bilan yozishayotganingizda o'zini OLXuz servisi Ma'muriyatidanman deb tanishtirgan foydalanuvchiga ishonmang;
• barcha yozishmalarni faqatgina OLX chatida olib boring;
• karta raqamlarini, kodlarni, parollarni va boshqa shaxsiy ma'lumotlarni oshkor qilmang;
• Spam-xabarlarni yaratmang, chunki OLXuz servisi platformasi yozishmalarni avtomatik ravishda cheklab qo'yishi mumkin.

Mundarijaga qaytish.

12. Talab(Спрос) formatidagi e’lonlar.

TALAB nima? - bu biror narsa izlanayotgani haqida ma'lumot.

Masalan: telefon sotib olaman; ijaraga uy kerak va h.k. Ushbu mazmundagi e’lonlar servisimizda “Talab(Спрос) formatidagi e’lonlar” deb ataladi.

Talab(Спрос) formatidagi e’lonlar servisimizda rad etiladi, lekin quyidagi bo'limlarda istisnolar mavjud:

Ish kategoriyasining Ish izlayapman bo'limida - o‘zi uchun ish qidirish haqida e'lon joylashtirish mumkin.

Hayvonlar kategoriyasining Topilmalar idorasi bo'limida - faqatgina yo‘qolgan/topilgan hayvonlar to‘g‘risida e'lon joylashtirish mumkin.

Hayvonlar kategoriyasining Urchitish bo'limida - faqatgina o‘z hayvonini urchitish uchun juft qidirilayotgani / urchitish taklif etilayotgani haqidagi e'lon joylashtirish mumkin.

Xizmatlar kategoriyasining Ahlat/Qor bo'limida - qurilish va maishiy chiqindilarni olib chiqib ketish xizmatlari bo'yicha e'lon joylashtirish mumkin.

Xizmatlar kategoriyasining Boshqa xizmatlar va Xomashyo-materiallar bo'limida:

• makulaturani, metallolomni(rangli metallardan tashqari), ikkilamchi xom ashyoni - polietilenni, avto shinalarni, ishlatilgan sanoat moylarini qayta ishlash, qabul qilish, utilizatsiya xizmatlari bo`yicha e`lon joylashtirish mumkin;
• zararsiz chiqindilarni yig'ish, qayta ishlash, yo'q qilish va yo'qotish xizmatlari bo`yicha yuridik shaxslar tomonidan e'lon joylashtirish mumkin va ushbu e'lonlar matnida hisobdan chiqarish / yo'qotish to'g'risidagi hujjatni (majburiy ravishda) taqdim etishlari haqida yozib o`tishlari kerak.

Xizmatlar kategoriyasining Moliya xizmatlari va Hamkorlik bo'limida - ma'lum bir biznes uchun hamkor yoki homiy qidirilayotgani haqida e'lon berish mumkin. E'lon matnida ushbu biznes haqida ma'lumot ko'rsatilishi kerak.

Boshqa hollarda:
Agar biron tovar yoki xizmatga qiziqish bildirgan boʻlsangiz, sizga servis boʻyicha qidirish funksiyasidan foydalanishni tavsiya qilamiz. Saytning bosh sahifasidagi Qidiruv maydonida Sizga kerakli bo'lgan tovar/xizmat/ishga tegishli soʻzlarni yozib, bo'limlarni va filtrlarni tanlab kerakli e'lonlarni topishingiz mumkin.

Mundarijaga qaytish.

13. E'londa internet-resurslarga havolalar.

Quyida e'lonlarda qanday internet-resurslarga havolalar ko'rsatish mumkin va mumkin emasligi haqida ko'rsatib o'tilgan:

E'londa quyidagi havolalarni ko'rsatish mumkin emas:

• yagona maqsadi reklama qilish bo‘lgan havolalar;
• xavfsizlikka tahdid soladigan zararli elementlarga havolalar;
• referal havolalar;
• odob-axloq nuqtai nazaridan noo‘rin, shubhali yoki taqiqlangan tovarlar va xizmatlar ro'yxatiga zid bo'lgan havolalar;
• Telegram messendjeriga (botlarga, kanallarga va h.k.) havolalar. 

E'londa quyidagi havolalarni ko'rsatish mumkin:

• Tavsif beruvchi havolalar - bu tovar tavsifini to‘ldiruvchi havolalar bo‘lib, ularning maqsadi o‘z resursini reklama qilish emas. Odatda, ushbu havolalarda tovarga sharh/foydalanish tajribasi/fikr-mulohazalar yozilgan bo'ladi.
• Ishlab chiqaruvchining saytiga havolalar - bunday havolalar orqali e'londa taklif etilayotgan tovar ishlab chiqaruvchisining saytiga o‘tiladi. Saytda tovarning to‘liq tavsifi beriladi.
• OLX-do'koniga havola (Foydalanuvchining biznes sahifasi). Batafsil maʼlumotni ushbu maqola orqali bilib olishingiz mumkin.
• Taklif etilayotgan tovar yoki xizmatga batafsil ma'lumot berilgan holdagina foydalanuvchining shaxsiy onlayn-do'koniga / saytiga havolalar ko'rsatilishi mumkin.

E'londagi barcha havolalar moderator tomonidan o'z ixtiyori bilan tekshirilishi mumkin. Xavfsizlik maqsadida, OLX servisining moderatori e'lonlardagi barcha havolalarni tekshirishga majbur emas. Shubhali ko‘ringan havolalar tekshirilmasdan turib olib tashlanishi mumkin.

Mundarijaga qaytish.

14. Xorijiy ma'lumotlar va xavfsizlik.

OLX.uz servisi O‘zbekiston Respublikasi hududida ishlash uchun mo‘ljallangan, shu munosabat bilan e'londa xorijiy ma'lumotlardan foydalanishga cheklovlar bor.

Yodda tuting:

• Foydalanuvchi xorijiy (O‘zbekiston Respublikasida ro‘yxatga olinmagan) telefon raqami bo‘yicha verifikatsiya qilinmaydi. Verifikatsiya jarayoni haqida batafsil ushbu maqola orqali bilish olishingiz mumkin: https://help.olx.uz/hc/ru/articles/360009512077 
• E'londa aloqa ma'lumotlari sifatida xorijiy telefon raqami ko‘rsatilishi, mazkur fakt oshkor bo‘lgan taqdirda, e'lon olib tashlanishiga olib kelishi mumkin.
• Xorijdagi bo‘sh ish o‘rinlari / Xorijda ish taklif etish, shuningdek xorijiy ko‘chmas mulk ob'yektlari taklif etilgan e'lonlar, mazkur fakt oshkor bo‘lgan taqdirda, e'lon olib tashlanishiga olib kelishi mumkin.

Xavfsizlik haqida unutmang!

Ushbu havola orqali maqolalar bilan tanishib chiqing:

https://help.olx.uz/hc/ru/sections/360002646837 

Ehtiyot bo'ling! Ushbu havola orqali ko'rsatilgan maqolalardagi aldov sxemalariga tushib qolmang:

https://help.olx.uz/hc/ru/articles/360013824677 

Mundarijaga qaytish.

15. Tovarlar va xizmatlar uchun litsenziya / guvohnoma / sertifikatlar.

Agar tovaringiz va xizmatingiz litsenziya / guvohnoma talab etsa, e'lonni joylashtirishdan oldin bizga zarur ruxsat beruvchi xujjatlarni yuboring, yuridik xizmatimiz ularni o‘rganib chiqadi va e'lonni joylashtirish imkoniyati yuzasidan qaror qabul qiladi.

Qat'iy litsenziya talab etiladigan tovar va xizmatlar bo'yicha e'lon berilganda bizga ruxsat beruvchi hujjatlar taqdim etilmagan bo‘lsa, bunday e'lonlar servisdan tiklash huquqisiz olib tashlanishi va profil bloklanishi mumkin.

Hujjatlarni Teskari aloqa bo'yicha quyida ko'rsatilgan havola orqali yuborishingiz mumkin:

https://help.olx.uz/hc/ru/requests/new?ticket_form_id=54472

Litsenziya talab qilinadigan faoliyat turlari ro'yxati bilan bu yerda tanishib chiqishingiz mumkin:

https://www.lex.uz/acts/69124 

OLXda mashhur bo'lgan, litsenziya talab etiladgan xizmat turlari: 

• klinikalar va laboratoriyalarning tibbiy faoliyatini amalga oshirish (shu jumladan xalq tabobati);
• kreditlar, mikroqarzlar faoliyati va shunga o'xshashlar;
• bank xizmatlarini ko'rsatish;
• birja faoliyati;
• sug'urta tashkilotlarining xizmatlari;
• xususiy bandlik agentliklarining O‘zbekiston Respublikasidan tashqaridagi ishni qidirayotgan shaxslarni ishga joylashtirish bo‘yicha xizmatlari;
• yo'lo'vchilarni tashish xizmati (tijorat asosida);
• advokatlik faoliyati;
• zaharli moddalarni realizatsiya qilish faoliyati.

OLXda mashhur bo'lgan, guvohnoma talab etiladgan xizmat turlari: 

• nodavlat muassasalarida ta'lim xizmatlarini ko'rsatish;
• klinikalarning veterinariya faoliyatini amalga oshirish;
• lombardlar faoliyati;
• auditorlik faoliyati.

Zarur bo'lgan taqdirda, OLXuz ma'muriyati taklif etilgan tovarlar uchun sifat sertifikatlarini taqdim etishni talab qilishi mumkin.

Mundarijaga qaytish.

16. Kredit va muddatli to‘lov.

Kreditga yoki muddatli to'lov asosida tovar takliflari ommabop bo'lganligi sababli, e'lon berishda quyidagilarga amal qiling:

Agar siz biznes vakili yoki yuridik shaxs bo'lsangiz:

• e'lonning Narx maydonida tovarning to'liq narxi ko'rsatilishi shart, barcha hisob-kitob shartlari (oldindan to‘lov va boshqa shartlar) e'lonning tavsifida ko‘rsatish mumkin;
• tovarni kreditga berish uchun zarur hujjatlar ro‘yxati ko‘rsatilishi shart;
• kompaniyaning nomi ko‘rsatilishi kerak.

Jismoniy shaxslar uchun (muddatli to'lov asosida sotish, qisman to'lov, sotib olish sharti bilan ijaraga berish):

• e'lonning Narx maydonida tovarning to'liq narxi ko'rsatilishi shart, barcha hisob-kitob shartlari (oldindan to‘lov va boshqa shartlar) e'lonning tavsifida ko‘rsatish mumkin;

Yodda tuting! E'lonning Narx maydonida tovar uchun oldindan to'lov narxini yoki boshqa noto'g'ri narxlarni ko'rsatish taqiqlanadi! 

Kreditga yoki muddatli to'lov asosida tovar taklifi bo'yicha e'longa misol:

Mundarijaga qaytish.

17. Sotilgan tovarlar va nofaol xizmatlar.

Agar sizning tovaringiz sotilgan bo`lsa yoki xizmatingiz nofaol (amalda bo`lmagan) bo`lsa, e`loningizni «O`chirish» tugmasi orqali o`chirishingizni so`rab qolamiz.

OLX.uz servisida foydalanuvchilar faqatgina faol (sotilishi amalda bo`lgan) mahsulot yoki xizmatlarga e`lon joylashtirishlari mumkin.

Mundarijaga qaytish.

18. E'lon joylashtirish qoidalari buzilgan taqdirda ko‘riladigan choralar.

E'lon joylashtirish qoidalari buzilgan taqdirda OLXuz servisi ma'muriyati quyidagi choralarni qo'llashi mumkin:

• istalgan vaqt mobaynida, e'londa qoidabuzarlik aniqlangan holda, e'lon tahrirlash imkoniyati bilan yoki butunlay (tiklash huquqisiz) o'chirilishi mumkin;
• istalgan vaqt mobaynida, e'londa ko'rsatilgan ma'lumot ushbu e'lon joylashgan bo'limga to'gri kelmagan holda, e'lon boshqa mos ke'luvchi bo'limga ko'chirilishi mumkin;
• agarda kerak bo'lsa, OLXuz servisi ma'muriyati e'lonni faol holatda saqlash maqsadida unda ko'rsatilgan ma'lumotni manosini buzmagan holda tahrirlashi mumkin;
• e'lon joylashtirish qoidalari muntazam ravishda buzilgan holda, shuningdek, boshqa foydalanuvchilar tomonidan ko'plab shikoyatlar tushgan taqdirda, profilingiz blokka tushishi mumkin. 

Esda tuting! E'lon joylashtirish qoidalar barcha eʼlonlarga nisbatan amal qiladi! Qoidabuzarlik aniqlangan holda pullik xizmatlar qo'llanilgan eʼlonlar ham rad etiladi:

• amal qilayotgan pullik xizmatlar uchun to'langan pul mablag'lari qaytarilmaydi.
• pullik xizmat amal qilish vaqti kechroq/ertaroq muddatlarga oʻzgartirilmaydi hamda boshqa eʼlonga oʻtkazilmaydi.
• pullik xizmatlar Foydalanuvchining shaxsiy sabablari bo'yicha amal qilish muddati tugagunga qadar bekor qilinmaydi. Agarda bunday vaziyat yuzaga kelsa, barcha sabablar OLXuz servisining teskari aloqa shakliga yuborilishi kerak.

Har bir joylashtirilmagan eʼlon boʻyicha foydalanuvchiga oʻchirilish sabablari keltirilgan xabarnoma yuboriladi. Ushbu maʼlumot bilan foydalanuvchi Profilida -> E'lonlar -> Oʻchirilgan boʻlimida tanishib chiqish mumkin boʻladi.

 

Pullik xizmatlar haqida ma'lumotni ushbu havola orqali bilib olishingiz mumkin:

https://help.olx.uz/hc/ru/categories/360001629698 

Qo'shimcha e'lon joylashtirish to'plamlari haqida ma'lumotni ushbu havola orqali bilib o'lishingiz mumkin: https://help.olx.uz/hc/ru/sections/360002647857 

Mundarijaga qaytish.

 

OLX maʼmuriyati mazkur Qoidalarni avvaldan ogohlantirmasdan, istalgan vaqtda oʻzgartirish va/yoki yangilash huquqiga ega.