Bitta tovar qoidasi (umumiy)

OLX.uz servisi - bu mahsulotlar va xizmatlarni topish uchun sifatli vositadir.

Potensial xaridor har doim ma’lum bir mahsulotni kalit so'zlar bo'yicha qidiradi, shuning uchun bitta e’londa faqat bitta mahsulot (buyum, obyekt) o'z bahosi va fotosurati bilan ko'rsatilishi juda muhimdir.

Ma'lumotni baholashda ishlatiladigan terminlar:

• E’lonning “Narx” maydoni – mahsulot narxini ko`rsatish uchun kerak bo`lgan maxsus maydon, agar e`londa ushbu maydon bo`lmasa, narx haqidagi ma’lumotni e’lon matnida ko`rsating.
• Shartli narx / haqiqiy bo'lmagan narx - bizning baholash usulimizga ko'ra haqiqiy bo’lmagan narx. Masalan: Avtomobil narxi 1 so’m qo`yilgan bo`lsa – ushbu narx haqiqiy bo`lmagan hisoblanadi.
• Tayyor mahsulot – sotib olgandan so`ng darhol istemol qilishga/foydalanishga mumkin bo`lgan mahsulot.
• Mahsulot markasi – bu bir sotuvchi yoki sotuvchilar guruhining mahsulot va xizmatlarini aniqlash uchun va ularni boshqa ishlab chiqaruvchilarning mahsulot va xizmatlaridan farqlash uchun mo’ljallangan atama, nom, belgi, naqsh yoki ularning kombinatsiyasi.
• Model – bu ma’lum bir markaga va xususiyatga ega mahsulotdir.
• Mahsulot xususiyatlari - Maqbullikni baholash uchun taqdim etilgan mahsulotning o`ziga xos xususiyatlari.
• Ehtiyot qismlar – mahsulotning bir qismi bo`lgan obyektlar.
• Bir turdagi tovarlar – bir xil bo’lmagan lekin o’xshash xususiyatlarga ega, o’xshash tarkibiy qismlardan tuzilgan, bir xil xomashyodan ishlab chiqarilgan, biroz o`zgartirilgan yoki rangi/o’lchami bilan farq qiluvchi tovarlar.
• Xom ashyo - mehnat taʼsirida oʻzgargan va yanada ishlanishi lozim boʻlgan mehnat predmetini anglatadi.

(!) OLX servisining Qoidalariga muvofiq bitta eʼlonda faqat bitta tovar (buyum, obʼekt) toʻgʻrisida maʼlumot berilishi mumkin. Eʼlon tavsifida bir nechta mahsulotlar, modellar yoki uning turlari ko'rsatilgan eʼlonlar - OLX.uz saytida joylashtirilmaydi va tahrirlanishi talab qilinadi.

Shuningdek quyidagilarga ruxsat beriladi:

1. Bir turdagi / bir-biriga o’xshash yoki har xil turdagi mahsulotlarni komplekt/to’plam holda sotish (e’lonning “Narx” maydonida komplekt/to’plamning to`liq narxi ko`rsatilishi lozim).
2. Mahsulot va xizmatlarni “Под ключ” holda, ya’ni mahsulotni ishlatishga tayyor qilib o`rnatib berish takliflari (e’lonning “Narx” maydonida mahsulotning yoki mahsulotlar to'plamining narxi ko`rsatilishi kerak).
3. Tayyor mahsulot bilan birga qo`shib ehtiyot qismlarini/qo`shimcha aksessuarlarini sotish, agarda ushbu ehtiyot qismlar va aksessuarlar tayyor mahsulotning funksiyalarini kengaytiradigan bo`lsa (e’lonning “Narx” maydonida dastlabki tayyor mahsulotning narxi ko`rsatilishi lozim).
4. Agarda e`long matnida, bir turdagi yoki bir-biriga o’xshash bo`lgan mahsulotlarning narxi “...-dan ...-gacha” shaklida ko`rsatiladigan bo`lsa, ularning narxi 50.000 so'mgacha bo`lishi lozim, masalan: 20.000 dan 50.000 gacha (e’lonning “Narx” maydonida ushbu mahsulotlarning birini narxi ko`rsatilgan bo`lishi kerak).
5. Bir nechta mahsulot yoki hayvonlarni bepul berish to’g’risida e’lon berish mumkin, faqatgina e’lon matnida ushbu mahsulotlarni/hayvonlarni bepul berib yuborishingiz haqida yozib qo`yishingiz kerak (e’lonning ”Narx” maydonida “Hadya qilaman” so`zi ko`rsatilgan bo`lishi kerak).
6. Har xil mahsulotlar to`plamini boshqa bir mahsulotga almashtirish bo’yicha e’lon berish mumkin (e’lonning ”Narx” maydonida “Ayirboshlash” so`zi ko`rsatilgan bo`lishi kerak).
7. Bir xil rusumdagi mahsulotlar, lekin narxi ularning xususiyatlariga bog’liq: rangiga, hajmiga, mahsulotlar soniga(ulgurji yoki chakana narx), holatiga, to’plamiga, o’lchamiga – kg, m2, tonna, metr va h.k. (E’loning “Narx” maydonida, e’lon matnida ko`rsatilgan narxlardan biri ko`rsatilishi lozim.)
8. Bir turdagi / bir-biriga o’xshash, bir ruknga mansub va narxlari bir xil bo`lgan mahsulotlar qo`shimcha ravishda joylashgan ruknga va taklif qilinayotgan mahsulotlarga qarab ko`rib chiqiladi.

Quyida ko`rsatilgan mahsulot/taklif va xizmatlarga e`lon berish mumkin. (Olx.uz servisi kategoriyalari boyicha).

1. Ko’chmas Mulk kategoriyasida.
2. Ish va Xizmatlar kategoriyasida.
3. Elektr jihozlari kategoriyasida.
4. Transport va boshqa kategoriyalarda.

Moderatorlar tomonidan o`chiriladigan e’lonlar.

1. Bir e’londa markasi/modeli va narxlari har xil bo`lgan mahsulotlar/xizmatlar bo’yicha takliflar, har xil lavozimlar boyicha ish takliflari, ta'riflangan istisnolardan tashqari.
2. Taklif qilinayotgan mahsulotning tavsifi yo'q bo'lgan e'lonlar, masalan, faqat kompaniya haqida umumiy ma'lumot ko`rsatilgan bo`lsa, mahsulot haqida mavhum ma'lumot ko’rsatilgan bo’lsa, e’lon matnida mahsulot narxi ko`rsatilmagan holda e’lonning ”Narx” maydonida shartli narx ko`rsatilgan bo’lsa.
3. E’lon matnida mahsulotlarning narxi ”…dan - …gacha” yoki “narxlari har xil” deb yozilgan va e’lonning “Narx” maydonida shartli narx ko`rsatilgan bo’lib, har xil mahsulotlar taklif qilinayotgan bo`lsa.
4. E’lonning “Narx” maydonida shartli narx ko`rsatilgan bo’lsa.
5. E’lon matnida aniq bir ta'rifsiz mahsulotlarning narxi ”…dan - …gacha” ko`rsatilgan bo’lsa.

Olx.uz ma'muriyati ichki tahlillardan kelib chiqqan holda, mahsulot va uning turkumiga bog'liq holda, assortiment bo’yicha e’lon berishga cheklov qo'yishi mumkin.

O`chirilgan e’lonlar bo’yicha asosli etirozlar bo'lsa - bizga qayta aloqa orqali etiroz sababini yozib ko'rsating. Mutaxasislarimiz amaldagi qoidalar doirasida sizga yordam beradi.

OLX.uz servisidagi barcha qoidalar istalgan payt oldindan ogohlantirilmasdan o‘zgartirilishi mumkin.

❗ Agar muammoingizni hal qila olmasangiz - bizga telegram bot orqali murojaat qiling!

Ish vaqti: Dushanbadan Jumagacha, 9:30 — 18:00.