- Eng muhimi - e’lon berish uchun OLXda ro‘yxatdan o'tgan bo'lishingiz kerak. Agarda OLXda ro‘yxatdan o‘tmagan bo’lsangiz, ushbu maqolada: "OLXda mobil ilova orqali qanday qilib ro‘yxatdan o‘tish mumkin ?" hammasi batafsil ko’rsatib o’tilgan.
- Ilovada ekranni pastgi o’ng burchakda “Profil” degan joyga bosing va “E’lon joylashtirish” tugmasiga bosing.
Yoki qulay bo’lishi uchun ilovada ekranni pasida “E’lon bering” tugmasidan foydalanishingiz mumkin.
Tugmani bosganingizda e’lon joylashtirish formasi chiqadi.
Forma bir necha maydonlarga bo’lingan. Shu maydonlarda sotmoqchi bo’lgan tovaringiz yoki taklif qilmoqchi bo’lgan xizmatingiz haqida ma’lumot yozishingiz kerak bo’ladi. Masalan: tovarning narxi, nomi, fotosurati, qisqacha tavsifi kabi ma’lumotlar.
Quyida ushbu maydonlarni to’ldirish bo’yicha qisqacha tavsif va tavsiyalar berib otamiz.
Rasmlarni qo’shish:
E’loningizga bir necha fotosuratlarni yuklashni unutmang. Eng birinchi turgan fotosurat e’lonning muqovasi sifatida ko’rsatiladi.
Tovaringiz fotosuratlarini sifatli qilib olishga harakat qiling. Aniq va chiroyli tasvirlangan tovar yoki xizmatga mijozlar ko’proq e’tibor beradi va tovaringiz / xizmatingiz tezroq sotilishiga yordam beradi.
Fotosuratlarga qo'yilgan talablar haqida bilmoqchi bo’lsangiz ushbu maqolada batafsil yozib o’tilgan.
Sarlavha qo’shish:
Ushbu maydonda sotmoqchi bo’lgan tovaringizni nomini yoki taklif qilmoqchi bo’lgan xizmatingiz nomini yozishingiz kerak bo’ladi.
Bo’limni tanlash:
Ushbu maydonda taklifingizga mos bo’limni tanlashingiz kerak bo’ladi, e’loningiz ko’rsatilgan bo’limga joylashtiriladi.
Masalan, mobil telefonni sotish bo’yicha e’lon beratoygan bo’lsangiz - ”Mobil telefonlar” bo’limini tanlashingiz kerak bo’ladi.
Tavsif:
Ushbu maydonda sotmoqchi bo’lgan tovaringizni yoki taklif qilayotgan xizmatingizni tavsifini yozib qo’yishingiz kerak bo’ladi. Bo’lajak xaridor va mijozlarga qayta-qayta bir xil ma’lumotni tushuntirib o’tmaslik uchun barcha kerakli ma’lumutlarni yozib qo’ying. O’zingnizni vaqtingizni tejaysiz hamda odamlar ham taklifingiz haqida to’liq tushunchaga e’ga bo’ladilar.
Masalan, mobil telefonini sotish bo’yicha e’lon beratoygan bo’lsangiz uning xolatini, IMEI ro’yxatdan o’tkanmi, kamchiliklari bormi va h.k. ma’lumotlarni ko’rsatib o’ting.
Qo’shimcha parametrlar:
Ushbu maydon har bir bo’limda har xil bo’ladi. Ko’rsatilgan barcha kerakli maydonlarni to’ldirib qo’ying.
Quyidagi rasmda “Mobil telefonlar” bo’limidagi qo’chimcha parametrlar maydoni ko’rsatib o’tilgan.
Jismoniy shaxs yoki biznes:
Ushu maydonda:
- Agarda shaxsiy buyumlaringizni sotayotgan bo’lsangiz - “Jismoniy shaxs”ni tanlang.
- Agarda daromad olish uchun e'lonlarni muntazam ravishda joylashtiradigan foydalanuvchi bo'lsangiz, masalan, jismoniy yoki onlayn magazin vakili bo’lsangiz - "Biznes"ni tanlang.
Jismoniy shaxs va Biznes parametri haqida batafsil ma’lumotni ushbu maqolada bilib olishingiz mumkin.
Narx:
Ushbu maydonda tovaringizni to’liq narxini ko’rsatishingiz kerak bo’ladi.
Savdolashish imkoniyati mavjud bo'lsa “Narxni kelishsa bo’ladimi?”dib yozilgan joyga bosib qo’ying.
Tovaringizni boshqa narsaga almashtirmoqchi bo’lsangiz - “Ayirboshlash”ni tanlang.
Tovaringizni bepul berib yubormoqchi bo’lsangiz - “Bepul”ni tanlang.
E'londa narxni ko'rsatish qoidalari haqida batafsil ma'lumotni ushbu maqolada bilib olishingiz mumkin.
Joylashuv manzili:
Ushbu maydonda manzilingizni ko’rsatishingiz kerak bo’ladi. Shahar nomini yozsangiz tizimni o’zi sizga shahar va rayonlar ro’yxatini ko’rsatadi. Ushbu ro’yxatdan kerakli shahar yoki rayonni tanlashingiz kerak bo’ladi.
Aloqa uchun shaxs:
Ushbu maydonda foydalanuvchi Sizga qay tarzda murojat qilishni bilishi uchun ismingizni yozib qo’ying.
Email:
Ushbu maydon avtomatik ravishda to’ldiriladi, agarda OLXda elektron pochta(email) orqali ro’yxatdan o’tgan bo’lsangiz. Agarda OLXda telefon orqali ro’yxatdan o’tgan bo’lsangiz, hohlagan elektron pochtani yozib qo’yishingiz mumkin.
Telefon raqami:
Foydalanuvchilar siz bilan yanada tezroq aloqaga chiqishlari uchun ushbu maydonda telefon raqamingizni yozib qoyishingiz mumkin. E’lon tavsifida sizga qay payt telefon qilish mumkunligi haqida yozib qo’yishingiz mumkin.
Etibor bering! Telefon raqamingizni +998 kodi bilan raqamlar orasida bosh joy qoldirmasdan yozing, aks holda telefon raqami notog’ri ko’rsatilgan deb sizga telefon qilolmasliklari mumkin.
Barcha maydonlarni to’ldirib bo’lgach “E’lon joylashtirish” tugmasini bosing.
Sizga pullik xizmatlar takliflari ko’rsatilgan sahifa ochiladi.
*Xohlasangiz ushbu sahifa orqali e’loningizga pullik xizmatlarni qo’llashingiz mumkin, kerakli pullik xizmatni tanlab “To’lovga o’tish” tugmasini bosing. Pullik xizmatlarni sotib olish uchun OLX Hisob-raqamingizda yetarlicha mablag’lari bo'lishi kerak.
Agarda hozir pullik xizmatlarni qo’llashni xohlamasangiz “Imtiyozlarsiz joylaytirish” tugmasini bosing.
Tayyor!!! E’loningiz joylashtirildi.
Biz endi e’loningizni qoidalarga muvofiqligini tekshirib o’tamiz. Agarda muammo bo’lmasa - e’loningiz faollashtirilgan bo’ladi.
❗ Agar muammoingizni hal qila olmasangiz - bizga qo’ng’iroq qiling!
Telefon: +99871 207-64-46
yoki telegram bot orqali murojaat qiling.
Ish vaqti: Dushanbadan Jumagacha, 9:30 — 18:00.